Yeremia 9:3 - Wunta Mempori

³ Ondae melongkuo elodo kana pana; komba menteea sine pegaupi anu me'a'e i wita atuu. ”Mentee ntu'u, ondae mpelungka inso a wineweu mosa'o lumako a wineweu mosa'o, sine nahi domento'ori Aku”, pau-Do i Ue.

Yeremia 9:3 ပူးပေါင်းရင်းမြစ်များ

Tegagia 39:16

Ka i'amba beine atuu numaao lembano i Yusupu i horino, ranta ka ipekule ueno.

Powadi 12:5

Sinongkano mia mentee onaemo moleoa, tinoono mia mosa'o gauno mompopo'oo.

Yesaya 1:3

Sapi tumo'orio ueno, sine to Isaraeli naahi; kalide tumo'orio dulano ueno, sine bawaa-Ku naahi.”

Yesaya 3:5

Palili ira mambepokonsii, asa mia ka anu susuano; mia mongura mompepaukiako mia mota'u, mia pinokongkodei mompepaukiako mia maramba.

Yesaya 6:5

Ka ku'amba motae, ”Masola akumo ntu'u! mate aku! Hangano ongkue andio asa mia anu mokoburu wiwino, ka ongkue mo'ia itonga-tongano tongku anu mokoburu wiwido, sine mataku kumita Iramo Ondae Mokole, Ueno luwuakoano.”

Yesaya 9:18

Hangano tekuda-Do Ueno luwuakoano, mo'aiomo wita atuu, ka tongku atuu gagi panino api; maupo te'asa mia nahi pehohawao pepaekompono.

Yeremia 12:6

Hangano luwuno pepaekompomu ka pe'etumu tendeano mempopo'ooko koa mbo'u; ondae mbo'u nahi domenanta-nata mpebooli i bungkumu. Si pe'ala-ala ira, maupo mo'ahi-ahi dompepauakomu!

Yeremia 22:16

Onae umalaakono kara-karano mia marasai ka mia mongkokolaro, ranta luwuno atuu moiko. Kombake atuu pengkonaano tumo'ori Aku? kanandiomo pau-Do i Ue.

Yeremia 31:34

Siimo mbo'u mia paguruo pe'asa miano ke pepaekompono ka ipotae, ’To'ori Iramo i Ue!’ Hangano luwudo, langkai ka kodei, ira mento'ori Aku, kanandiomo pau-Do i Ue. Hangano Aku umoniniako ira salado ka nahi pinewowolo mbo'u halado.”

Yeremia 4:22

”Mentee ntu'u, bawaa-Ku atuu mebenge-benge, nahi domento'ori Aku! Ondae onaemo nana'ote monge-monge, nahina tino'orido! Ondae pande mpoweweu mosa'o, sine nahi domponto'ori mpoweweu moiko.”

Yeremia 5:4

Ka ku'amba mompewowolo, ”Ondae butu koa mia kodei; ondae mia mebenge-benge, hangano nahi domento'orio sala-Do i Ue, songka-Do Ue Alado.

Yeremia 5:5

Moikoomo aku lumako a luwuno mia langkai potorodo, ka mepau ndi ondae, hangano ondae anu mento'orio sala-Do i Ue, songka-Do Ue Alado.” Sine maupo ondae luwudo mempuduomo mbo'u pasanga, me'otuhio luwuno koloro pontanggo.

Yeremia 6:28

Luwudo lano wela me'ewa, mpelempa ngkoraane-ngkoramai mpotetewehi mia susua; ondae kana mala ka labu. Luwudo mpelelu mosa'o!

Yeremia 7:26

Sine, nahi domebehe mperorongea-Kune ke mpo'aroo birido. Tendeano motea palowe'udo, mpoweweu lalu mosa'o sekonopo uempu'udo.

Yeremia 9:5

Anu asa mia mopo'oo anu susua, ka nahina maupo te'asa mia mepau mentee; domempokoleleoomo elodo mepau megaupi; ondae mpokomokendoo koroido mpoweweu anu saala.

Yeremia 9:8

Elodo onaemo ana mpana anu mompepate, pauno ngangado onaemo pe'akala; ondae mpepau rodoa saru walido, sine i laro aroado mpontoo mentowokio.

Yehesikieli 8:13

Mepau Ira mbo'u, ”Omue tendeano kokumitao luwuno wineweu mokoburu anu wineweudo lalu langkai mbo'u.”

Danieli 11:27

Orua mokole atuu mosa'o tinoodo, ka tempono dope'asa mentoro a asa meda, ira mambe gaupi. Sine, mongkona atuu nahi ta mehasili, hangano tampulaano wawontolino atuu napi haweako tempo anu pinakosi.

Imama 19:11

Si mponako, si mpegaupi, si mpopopo'oo pe'asa miamiu.

I MARAKUSU 8:38

Hangano ba isema anu mokoko'ii hangano Ongkue ka hangano pau-Ku i tonga-tongano mia mentuwu nahi dompetenunu ka ntehala andio, i Ana Manusia mbo'u Ira mokoko'ii hangano mia atuu ba Dohawe te'upua a laro maramba-Do Ama-Do, domentonda Ira mala'eka mempori.”

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

WINEWEUDO TINENA 24:9

Ka to Yahudi mbo'u mpokomorosoo pekalaki atuu dompotae, nine kara-kara atuu mentee ntu'u kanatuu.

ROMA 1:16

Hangano moroso pompe'ala-alaku a Lele Mawongkoa, hangano Lele Mawongkoa onaemo roso-Do Ue Ala anu kumaduduio sompo mia anu mompe'ala-ala, amba-ambano to Yahudi, sine saru koa mbo'u to Yunani.

ROMA 1:28

Ka hangano nami domebehe mpesomba ndi Ondae Ue Ala, onaemo ka Dopeweengako ira Ue Ala a mpinewowolo anu tetotonaa, ranta ka dompoweweu hapa anu nahi tekona:

ROMA 3:13

Burokodo kana kaburu anu menganga, elodo mo'o'ahiti, wiwido me'ipo.

1 KORINTI 15:34

Iwali mpewowoloo temoi-moiko ka si mpoweweu mbo'u hala! Hinao i olomiu anu nahi to'ori Ira Ue Ala. Mongkona andio kupauo, ka intekoko'ii koa.

PILIPI 1:28

saru nahi impondendeakono maupo tedei anu umewai komiu. Ndi ondae luwuno atuu onaemo tondonino matea, sine ndi omiu petondoni tekaduduia, ka anu atuu haweno inso ndi Ondae Ue Ala.

2 TIMOTIU 3:13

sekono mia mosa'o ka anu mompopo'oo ta tetiangi mosa'o, ondae pompopo'oo ka pinopo'oo,

YUDASI 1:3

Luwuno pepaekompo anu kinekewoiku, kontongaaku mompesu'ui meteahako buriakomiu mongkona tekaduduiato luwu, telelu aroaku burio andio ndi omiu ka mompauakomiu, ka imekongko koa mpiha mpeteahako mengkorahakono pompe'ala-ala anu pinohaweomo a luwuno mia mempori.

MENGKAAA 12:11

Ka domenangiakono rea-Do Ana Bimba, ka hangano pau ponsakosiido. Hangano nahi dompehohawao penaado hawe a laro matea.

Puu Mpobitara 14:17

Ilarono opitu oleo dompogawe, beineno mengese mpiha ihorino. Poko'ariano a kopitu oleono ipauakonomo a beineno, hangano beineno mengeseli ndi onae. Ka i'amba beine atuu ipauako ira pengkonaano singguru atuu a mia pe'asa tongkuno.

Puu Mpobitara 2:10

Mansano luwuno inuledo atuu mempinumpu a ue mpu'udo, mehina iramo mbo'u inuledo anu susua, anu nahi domento'ori Ira i Ue, ke ba anu wineweu-Do a nto Isaraeli.

1 Samueli 2:12

Sine orua ira anano i Eli anu tama, lambaha ira, nahi dopelangkai Ira i Ue,