Yeremia 8:9 - Wunta Mempori

⁹ Mia pande mosongka gagi mokoko'ii; ondae ntededengke ka tepopo'oo. Menteeano, nahi domentarimao pau-Ku, ponto'ori hapa anu kongko ndi ondae?

Yeremia 8:9 ပူးပေါင်းရင်းမြစ်များ

2 Mokole 17:15

Nahi domentarimao pompakosi ka pedandia-Do anu Dowutuomo saru uempu'udo, saru luwuno atora-Do anu Dopopoto'oriako iramo. Mpetonda ira a anu pinesombai susua anu nahina pengkonaano; mpelelu ira nahina pengkonaano tumondao luwuno tongku petengi-tengido, maupo Doparenta iramo i Ue kasi dompoweweu kanatuu.

Ayubi 5:12

Nahi Dopokogagio tinoono mia anu pande me'akala, onaemo ka nahina hasilino wineweuno kaedo;

Ayubi 5:13

Ondae morako mia monto'ori anu pande me'akala, patuduno mia me'akala nahi Dopokogagio.

Po'unde-unde 19:7

Inso i tompano langi onae mesabaako, ka ipelempa hawe i tompano anu susua; nahina anu te'engoi inso a ntedoa mokulano.

Yesaya 19:11

Anu langkai potorodo ndi Soani mia mebenge-benge mpena; Puu pompatuduno i Pirao anu lalu monto'ori mompowee patudu anu nahina pengkonaano. Kana'umpeke komiu polio mpotae ndi Pirao, ”Ongkue andio inuledo mia pande mompewowolo, inuledo mokole tempo se'eluno”?

Yesaya 29:14

menteeano, Aku weweu ira mbo'u mongkona anu kinohali-haliako a tongku andio, kinohali-haliako anu mompokotededengke; ponto'orido mia anu mponto'ori ta tetadi, ka pandedo mia anu mempande ta tampula.”

Yesaya 43:27

Uempu'umu anu amba-ambano tehalaomo, ka luwuno puu mpepaumu mpe'ewa iramo ndi Ongkue.

Yesaya 8:20

ka ipohawe pompaguru ka pe'oliwi?” Isema anu nahi sangki menunu saru pau kanatuu, ndi onae nahi pesabaako towea.

Yeremia 15:6

Omue isa'a nahi utarima Aku, kanandiomo pau-Do i Ue, upebungkui Akumo. Onaemo ka Kutandeo kae-Ku ka mepateko; te'osa Akumo mehohawako.

Yeremia 19:7

Nahi Aku mokogagio tinoono Yehuda ka Yerusale a mpo'ianga andio. Aku weweu ira ntebangkuako ponai i arono luwuno iwalido ka a ngkaedo mia anu mpomporaakono penaado. Aku meweengakono wata ngkoroido gagi kaangado manu-manu i laro meene ka a luwuno ngkondehora i tolino.

Yeremia 2:8

Luwuno sando mpesomba nahi dompesikeno mbo'u: Isua Irake i Ue? Mia anu mpompolempa songka nahi domento'ori Aku mbo'u, ka luwuno puu mpompakambi me'ewa ndi Ongkue. Luwuno nabi mpompau anu ta gagi a neeno Baala, ondae mpetonda a lahumoa anu nahi mentudu.

Yeremia 49:7

Mongkona Edomi. Kanandiomo pau-Do Ueno luwuakoano, ”Nahina mbo'uke ponto'ori mentee i Temani? Tetadiomoke pontimbanga inso a mia anu molino pinewowolodo, moboomoke ponto'orido anu mentee?

Yeremia 6:15

Bakanaano ondae memokoko'ii, hangano ondae mpoweweu hapa anu mokoburu. Sine maupo tedei nahina mokoko'iido ka nahi domponto'ori mokoko'ii. Onaemo pu'uno ira ntebangku i olodo mia anu ntebangku; ira ntebangkuako tetidu i tempono Kuhuku ira, pau-Do i Ue.”

Yeremia 6:19

Rongeomo, hei tolino! Mentee ntu'u Aku mompotii masolaa a tongku andio, gagi poko'ariano inso a luwuno tinoodo, hangano nahi dompekokoongakono pau-Ku ka domentarimao pompaguru-Ku.

Yehesikieli 7:26

Masolaa metuda-tuda ta hawe, lele metuda-tuda ta telele. Ondae mpo'ungke-ungke pongkita inso a nabi; pompaguru moliu inso a nsando mpesomba, ka patudu inso a mia memota'u.

Amosi 2:4

Kanandiomo pau-Do i Ue, ”Hangano otolu wineweuno Yehuda anu mosa'o, ke opaa, nahi Aku balio pomputusi-Ku. Hangano nahi domentarimao songka-Do i Ue, ka nahi dompe'ini a luwuno pompakosi-Do. Dompokopansia ira lahumoa mpegaupi anu tinondado uempu'udo.

Sakaria 13:4

I tempo atuu luwuno nabi andio singge mia ta mo'o'anu hangano pongkitano tempono ipompau anu ta gagi, ka nahina mbo'u inso i olodo anu mompokona lemba meloe mewulu ta megaupi;

Winali 4:6

Impetenunumo meweweuo atuu, hangano onaemo atuu anu ta gagi ponto'orimiu ka mpopewowolo a pongkitado luwuno tongku. Tewala rumongeo luwuno pompakosi andio ira mpotae, ”Lano tongku anu langkai andio, ondaemo bawaa anu mponto'orimiu ka mpopewowolo”

2 TIMOTIU 3:15

Pewowolo koa mbo'u nine inso kodei uto'oriomo Wunta Mempori anu mokompoweeakomu ponto'ori mentee katumaateko a ntekaduduia hangano pompe'ala-ala ndi Ondae i Kerisituu Yesu.