Yeremia 8:4 - Wunta Mempori

⁴ Omue asalakono pauako ira, ”Kanandiomo pau-Do i Ue: Tewala mia tedonta, nde nahi ta wali mewangu? Tewala mia mewolili, nde nahi ta mekule?

Yeremia 8:4 ပူးပေါင်းရင်းမြစ်များ

1 Mokole 8:38

ka i'amba asa mia ke luwudo bawaa-Miu to Isaraeli mpowuatako pekakai ka mpo'ema pompehohawa ka mentandeo kaedo i raha andio, hangano singge mia tumo'orio ma'isono aroano.

Powadi 24:16

Hangano, maupo pepintu itedonta mia mentee, onae wali mewangu, sine mia mosa'o gauno ta tebangku a laro masolaa.

Yesaya 44:22

Kupokotampulaomo luwuno salamu kana gawu luwuno halamu kana seru. Pepokulemo ndi Ongkue, hangano Kutolosikomo!

Yesaya 55:7

Moikoomo mia mosa'o gauno bintao salano, ka mia lambaha bintao tinoono. Moikoomo ipepokule ndi Ondae i Ue, asalakono Ira mehohawao, ka ndi Ondae Ue Alato, hangano Ondae mo'onini hala hadio ntu'u.

Yeremia 23:14

Maupo i olodo nabi i Yerusale Kukitao mongkona anu mongkokongiri: ondae mponsosabo ka mentuwu mpelelu nahi moleo; ondae menteahako ira mia anu mpoweweu mosa'o, ranta nahina maupo te'asa mia anu tepidi inso a wineweuno anu mosa'o. Luwudo megagi kana Sodomo ndi Ongkue ka palilino kana Gumora.”

Yeremia 3:1

Pau-Do, ”Tewala asa mia teposuaakono kombiano, ka beine atuu bintao ka i'amba gagi kombiano mia susua, ta mepokuleke onae a beine atuu? Kombake wita atuu mente ntu'u tesosa'ariomo? Monsosabokomo saru hadio kinekewoi, ka komepokule ndi ongkue? Kanandiomo pau-Do i Ue.

Yeremia 3:22

Pepokulemo, hei nana'ote anu mehapuakono pompe'ala-alano! Aku mokotompa komiu inso a mpehapuamiu.” ”Ndio kamimo, me'aiwa kami ndi Omiu, hangano Omiumo Ue, Ue Alamami.

Yeremia 36:3

Tewala domerongeo suku Yehuda mongkona luwuno masolaa anu tinoo-Ku motiio ndi ondae, bara'ura ira singge ntepidi inso a mpeleludo anu mosa'o atuu, ranta ka Ku'oniniako ira sala ka halado.”

Yeremia 4:1

”Tewala beheko mepokule, hei Isaraeli, kanandiomo pau-Do i Ue, Pepokulemo ndi Ongkue. Tewala beheko tumadi ira lahumoamu anu mokoburu inso i aro-Ku, siimo te'embi-embi!

Yehesikieli 18:23

Nde Aku memoikooke mateano mia mosa'o gauno? Kanandiomo pau-Do Ue Ala. Kombake a ntepidiano ka ituwu?

Hosea 14:1

Samaria asalakono tumembio salano, hangano onae umewa ndi Ondae Ue Alano. Ira memateako ponai, luwuno anadalono ta pinerego ka luwuno beineno anu mentia ta binonsi kompono.

Hosea 6:1

”Aiwamo tompepokule ndi Ondae i Ue, hangano momperangkami Iramo, sine Ira mokotompa kita, monsepi Iramo, sine Ira walu kita.

Hosea 7:10

Pompelangka-langkaino i Isaraeli gagi sakosii a ngkoroino, sine nahi dompepokule ndi Ondae i Ue, Ue Alado, ka nahi dome'ungke Ira maupo luwuno atuu.

Amosi 5:2

”Tebangkuomo, nahi ta mewangu mbo'u ana beine Isaraeli. Onae kombole-mbole a wawo witano, nahina anu wanguo.”

Mika 7:8

Si po'undeakune, hei iwaliku! Maupo kutebangku, aku koa mewangu mbo'u, maupo kupentoro a laro wongi-wongi, Ondae i Ue onaemo wantaku.