Yeremia 8:3 - Wunta Mempori

³ Sine luwuno mia anu da mentuwu inso a nsuku anu lambaha andio ta inehedopo mate sekono tuwu a luwuno po'ianga isua Kusiarawo ira, kanandiomo pau-Do Ueno luwuakoano.

Yeremia 8:3 ပူးပေါင်းရင်းမြစ်များ

1 Mokole 19:4

Sine onae lumako i pada one asa oleo pelempaa olaino. Hawe ka ipentoro i totono keu arari. Onae mo'ema kai mate, ipotae, ”Sompoomo! Kanandio-andio, oo Ue, I'alaomo penaaku, hangano ongkue andio komba laluaopo moiko sekono uempu'uku.”

Yeremia 23:3

Ongkue isa'a pumpu ira anu ntebinta inso a bawaano bembe bimba-Ku inso a luwuno wita ba isua Kusiarawo ira. Aku wawa ira mpekule a mpada pakambiado. Ka do'amba mpo'ule ka ntetiangi hadio.

Yeremia 23:8

tendeano: Hangano Ondae i Ue anu tuwu anu montaate ka wawa ira inuledo suku Isaraeli mpeluarako inso i wita utara ka inso a luwuno wita ba isua Dosiarawo iramo! Ka do'amba mpo'ia i witado ondaedo.”

Yeremia 29:14

Aku koa memoikoo intepohawea-Kune, kanandiomo pau-Do i Ue, ka Aku momuleo teweweumiu ka pumpu komiu inso i olodo luwuno tongku ka inso a luwuno po'ianga ba isua Kusiarawo komiu, kanandiomo pau-Do i Ue, ka Aku mokule komiu a mpo'ianga insoamiu inso isua Kutadi komiu.

Yeremia 29:28

Kombake onae mo'oliwiomo pe'oliwi ndi omami i Babeli' ipotae: Pontadiamiu da tehine. Wanguomo raha ka impo'iangario; pompahoakonomo leremiu ka imperapiomo hasilino!”

Yeremia 40:12

Onaemo ka dompekule luwu to Yehuda inso a luwuno po'ianga ba isua domensiniarawo, ka mpewinso i wita Yehuda ntepohaweakono i Gedalia i kota Misipa. Ondae mpopumpu hadio ntu'u wua anggoro ka wua ngkeu kaanga.

Yeremia 44:2

”Kanandiomo pau-Do Ueno luwuakoano, Ue Alado to Isaraeli: Impembasaiomo luwuno masolaa anu Kupotiiomo i Yerusale ka luwuno kotano Yehuda. Mentee ntu'u, luwuno atuu kanandio-andio gagiomo terawo-rawo ka nahina maupo te'asa mia mo'ia i ra'ai,

Yeremia 44:6

Onaemo pu'uno, mokulano tekuda-Ku ka mosa'ono aroa-Ku te'uwuomo ka sumongkoo luwuno kotano Yehuda ka luwuno sala i Yerusale, ranta ka igagi terawo-rawo ka po'ianga anu londa kana kanandio-andio.

Yeremia 6:9

Kanandiomo pau-Do Ueno luwuakoano, ”Po'ineeomo anu da tebinta inso a nto Isaraeli ka ipingko inopu kana teweweuno keu anggoro. Walimo tandeo kaemu kana anu mo'opu anggoro a luwuno rangkano.”

Danieli 9:7

Oo Ue, Omiumo anu mentee, sine tekonaomo kimemokoko'ii kana a oleo andio, omami to Yehuda, palilino kota Yerusale ka luwuno to Isaraeli, ondae anu me'umpeda ka anu olai, a luwuno wita ba isua Itadi ira hangano domehapu Komiu.

Imama 26:33

Sine omiu Aku meweengakono i olodo luwuno tongku susua ka Ku'alao ponai lumulu komiu, ka witamiu ta gagi po'ianga londa ka luwuno kotamiu ta gagi hanga ngkota.

Amosi 3:1

Rongeomo pau andio, anu pinau-Do i Ue mongkona omiu, hei to Isaraeli, mongkona luwuno suku anu umariomo Kutaateo meluarako inso i wita Masiri,

Yunu 4:3

Gagi kanandio-andio, oo Ue, po'ineeomo I'alaomo penaaku, hangano laluopo kumate sekonopo kutuwu.”

Mika 2:3

Onaemo pu'uno kanandiomo pau-Do i Ue: menteeano, Aku mosongka masolaa a nsuku andio, ka nahi komiu mpokoliahakono we'umiu inso a mpasanga atuu. Nahi komiu mpokompelempa mbo'u mpompelangka-langkai, hangano tempo atuu onaemo tempo anu mosa'o.

Winali 30:1

Tewala luwuno ronso ka totonaa anu kupopo'aroakomu hawe ndi omue, ka imento'orio i laro aroamu i tonga-tongano luwuno tongku, ba isua Dosaarikomiu i Ue, Ue Alamiu,

Winali 30:4

Maupo luwuno mia anu tesaari ndi omiu kongko i tompano langi, inso i ra'ai mbo'u Ira pumpu komiu i Ue, Ue Alamiu ka wali umalakomiu.

MENGKAAA 6:16

Ka dompotaeako ira torukuno ka watu atuudo, ”Intehoamo dumunsi kami ka imewuni kamimo inso ndi Ondae, anu mentoro a wawo ngkadera poparentaa ka a ntekuda-Do Ana Bimba atuu.”

MENGKAAA 9:6

Ka i tempo atuu mia ira mpo'ungke matea, sine nahi ira mehaweo, ka mingki ira memate, sine ipolaiako ira matea.