Yeremia 8:2 - Wunta Mempori

² Luwuno wuku atuu siniarawo i totono mata oleo, wula, ka luwuno anano wula anu hori ira mengkekewoio, mpekakaakono, mentondao, mpesikeno ka mpesomba. Luwuno atuu nahi ta pinumpu ka kinaburu, tendeano ta gagi pompokomewalo a wawo wita.

Yeremia 8:2 ပူးပေါင်းရင်းမြစ်များ

2 Mokole 17:16

Dompebungkuio luwuno parenta-Do i Ue, Ue Alado, ka mpoweweu ira orua ana nsapi tinawa. Mpoweweu ira mbo'u tinaha Asera ka mpenggolontu mpesomba a luwuno sorodadu langi saru mpesomba ndi Ba'ala.

2 Mokole 21:3

Onae wali wangu ira pongku wita pesombaa anu umariomo iropu ira i Hisikia, amano. Iwangu ira meda pontunua pesomba ndi Ba'ala, moweweu tinaha Asera kana anu wineweuno i Ahabi, mokoledo to Isaraeli ka menggolontu mesomba a ihino langi ka mesomba ndi onae.

2 Mokole 21:5

Iwangu ira mbo'u meda pontunua pesomba tiado ihino langi a orua kintalano raha-Do i Ue.

2 Mokole 23:5

Ipokompenaa-naa ira sando mpesomba lahumoa anu dompotoro iramo luwuno mokole i Yehuda ka dompotunu pesomba a luwuno pongku wita pesombaa a luwuno kota i Yehuda ka a mpetengi-tengino Yerusale, luwuno mbo'u mia anu mpotunu pesomba ndi Ba'ala, a dewa mata oleo, a dewa wula, a luwuno pehowuno anano wula ka luwuno sorodadu langi.

Po'unde-unde 53:5

Nahi dompokoto'orio mbo'uke mia anu mpoweweu mosa'o, anu pingko domengkaano bawaa-Ku? Ondae mpongkaa roti, sine nahi dompebooli ndi Ondae Ue Ala?

Po'unde-unde 83:10

Weweu iramo kana Midia, kana Sisera, kana Yabini umpeda a ngkoro Kisoni,

Po'unde-unde 83:11

anu merinopu iramo i Eni-Dore, gagi pompokomewalo wita.

Puu Pontutulu 6:3

Tewala mia hinao asa etu anano ka tuwu tehine ranta ka ituwu melai, sine onae nahi pesompoo inso a anu moiko atuu, tendeano nahi pohawe pekaburua, montonda ongkue, nana'ote te'onini moikoopo sekono mia andio.

Yeremia 14:16

Tongku anu dompompauako ira anu ta gagi ira mempinetadiako a luwuno sala i Yerusale hangano mokoninggoa ka ponai. Nahina mia anu ta kumaburu ira, moiko ondaedo, kombiado maupo luwuno anado anu tama ka beine. Kanatuumo Aku umuwuako ira poweweudo anu mosa'o ndi ondae.”

Yeremia 16:11

ka pauako iramo, ’Hangano dompebungkui Akumo uempu'umiu, kanandiomo pau-Do i Ue, ondae mbo'u mpontonda iramo pinesombai susua, mpesomba ka mpenggolontu mpesomba ndi onae. Dompebungkui Aku ka nahi dompe'ini a songka-Ku.

Yeremia 16:4

Ondae ira memate hangano luwuno haki anu mompepate; ondae nahi ira mensinabangi ka nahi ira mengkinaburu; ondae ira megagi kana ta'i a wita; ondae ira mepiningkoako ponai ka mokoninggoa; wata ngkoroido ta gagi kaangado manu-manu i laro meene ka kondehora i tolino.

Yeremia 16:6

Moiko anu langkai maupo anu kodei ta mate i wita andio. Ondae nahi ira mengkinaburu, ka nahina mia anu ta sumabangi ira; nahi ta hina mia anu ta sumosorekio koroino ka lumondahio uluno hangano ondae.

Yeremia 19:13

Luwuno raha i Yerusale ka luwuno rahado mokoledo to Yehuda ta gagi po'ianga mokoburu kana Topeti, onaemo luwuno raha anu i wawo atono mia mpotunu pesomba tiano luwuno sorodadu langi ka mpompesombaako pesomba tinawa a luwuno pinesombai susua.”

Yeremia 22:19

Onae ta kinaburu kana pongkaburua kalide, rinende ka pinetadiako i bungkuno pewowa langkaino Yerusale.”

Yeremia 25:33

A oleo atuu mia anu mempinepate hangano Ondae i Ue ta matumbole inso i tompano tolino hawe i tompano susuano. Nahi ira mensinabangi, ke mepinumpu ke kinaburu. Ondae ira megagi kana ta'i a wita.

Yeremia 31:40

Luwuno lembono atuu, saru luwuno wata ngkoroi ka awuno pesombano, ka luwuno wita i wiwi ngkoro Kidironi hawe a nsiuno Pewowa Langkai Ngara te'aro i sabaano oleo, ta gagi mempori ndi Ondae i Ue, ka nahi ta rinawo-rawo ke pinobangku mbo'u ranta nahina tampulaano.”

Yeremia 36:30

Onaemo pu'uno kanandiomo pau-Do i Ue mongkona i Yoyakimi, mokoledo to Yehuda: Nahina inso a inuleno anu ta mentoro a ngkadera poparentaano i Daudi. Wata ngkoroino ta tepasiako, ikonao mokula tempono meene ka morini tempono wongi.

Yeremia 9:20

Onaemo ka imerongeo pau-Do i Ue, hei luwuno beine, po'ineeomo ka itarimao birimiu pau inso a nganga-Do; paguruako iramo ponsabangi anamiu beine, ka penani ponsabangi, singge mia a wali-walino:

Yeremia 9:21

”Matea me'oloako a luwuno pentangoato, mpewinso i larono luwuno benteto. Ondae mokotampula ira nana'ote inso a nsala, luwuno mangalitau inso i tanalapa;

Yeremia 9:22

Pauomo, ’Kanandiomo pau-Do i Ue: wata ngkoroido mia matumbole kana ta'i a lere, kana tonggino gandu i bungkudo mia mensowi nahina anu pumpu ira.’”

Yehesikieli 29:5

Aku metadiakomu i pada one, humbee, omue saru luwuno bou a luwuno ana ngkoronomu. Omue kotedonta a mpada ka nahi ta binini ke pinumpu. Aku meweengakomu gagi kaangado kondehora mo'ila ka manu-manu i laro meene.

Yehesikieli 39:5

Omue kotebangku a mpada, hangano Ongkue anu pauo, kanandiomo pau-Do Ue Ala.

Yehesikieli 6:5

Aku metadiakono wata ngkoroido to Isaraeli i arono luwuno lahumoado ka sumiarawo ira wukumu lumimbu ira meda pontunua pesombamu.

Yehesikieli 8:16

Ka Do'amba wawa aku a kintala i larono Raha-Do i Ue. Mentee ntu'u, umpeda a nsala mewinso a Raha-Do i Ue, i olono holoi ka meda pontunua pesomba, hinao bara'ura rua pulu ka olima mia tama, anu mpebungkuio Raha-Do i Ue ka mpe'aro i sabaano oleo saru mpenggolontu mpesombaio mata'oleo i sabaano oleo.

Sepanya 1:17

Aku mompotii masusaa a mia, ka dompelempa kana mia morawu, hangano mentehala iramo ndi Ondae i Ue. Reado ta te'uwu kana pampawu ka haro kompodo te'uweti anu mokoburu.

Sepanya 1:5

Aku mokotampula ira mbo'u anu mpenggolontu mpesombaio sorodaduno langi a wawo ato ka ondae anu mpenggolontu mpesomba, mpesumpa mpetenunu ndi Ondae i Ue, sine mpesumpa mbo'u a lahumoa Milikomi,

WINEWEUDO TINENA 7:42

Onaemo ka Dopewolili Ue Ala inso ndi ondae ka mo'inee ira mpesomba a anano wula i langi, kana anu teburi a wuntado nabi: Nde impesombaakonoke ndi Ongkue pesomba sinumbele ka pesomba i larono pato pulu nta'u i pada one atuu, hei suku isaraeli?

Winali 17:3

Mia atuu lumako mesomba a luwuno anu pinesombai susua ka menggolontu mesomba ndi onae, ke a mata oleo ke a wula ke a luwuno sorodadu i langi, mongkona anu Ku'ontoomo atuu.

Winali 4:19

Tewala mengkitako mbo'u i langi, kumitao mata'oleo, wula ka anano wula, luwuno sorodadu i langi, si ntepopandei kai mpenggolontu mpelangkaio ka impesomba a luwuno atuu. Tendeano Ondae i Ue, Ue Alamiu meweengakono luwuno tongku i wawontolino gagi tiado.