Yeremia 8:1 - Wunta Mempori

¹ A tempo atuu, kanandiomo pau-Do i Ue, wukudo luwuno mokole i Yehuda, luwuno pinemota'u, sando mpesomba ka nabi, saru wukudo luwuno palilino Yerusale ta linuarako inso a laro ngkaburudo.

Yeremia 8:1 ပူးပေါင်းရင်းမြစ်များ

1 Mokole 13:2

Ka i'amba hangano mpetena-Do i Ue onae mebooli a meda pontunua pesomba atuu, ipotae, ”Hei meda pontunua pesomba, hei meda pontunua pesomba! Kanandiomo pau-Do i Ue: Menteeano asa nana'ote ta pine'anaako a inuleno i Daudi, i Yosia neeno. I wawomu onae anu ta sumumbele ira sando mpesomba pongku wita pesombaa anu mpotunu pesomba i wawomu, luwuno mbo'u wukudo mia ta tinunu i wawomu”

2 Mokole 23:16

Mansano mewolili i Yosia, ikita ira kaburu i ra'ai a pongku wita atuu. Ka i'amba tumena ira mia me'alao luwuno wuku inso a ngkaburu atuudo, tumunu ira a wawo meda pontunua pesomba ka mokoburutio, menunu saru pau-Do i Ue anu ipebooliakonomo tetenaa-Do Ue Ala anu mohaweo luwuakoano andio.

2 Mokole 23:20

Isumbele ira sando mpesomba a luwuno po'ianga pompesombaia anu kogko i ra'ai i wawono luwuno meda pontunua pesomba atuu ka tumunu ira wukudo mia iwawono. Ka i'amba mekule i Yerusale.

2 Mokole 9:37

Wata ngkoroino i Isebeli ta tetalesako i asa ntia wita i Yisire'eli kana ta'i a wawo lere, ranta nahina mia anu mokompotae: Ndiomo i Isebeli.”

Po'unde-unde 53:5

Nahi dompokoto'orio mbo'uke mia anu mpoweweu mosa'o, anu pingko domengkaano bawaa-Ku? Ondae mpongkaa roti, sine nahi dompebooli ndi Ondae Ue Ala?

Yeremia 14:16

Tongku anu dompompauako ira anu ta gagi ira mempinetadiako a luwuno sala i Yerusale hangano mokoninggoa ka ponai. Nahina mia anu ta kumaburu ira, moiko ondaedo, kombiado maupo luwuno anado anu tama ka beine. Kanatuumo Aku umuwuako ira poweweudo anu mosa'o ndi ondae.”

Yehesikieli 37:1

Pabawa-Do i Ue pabawai aku ka Dowawa aku meluarako molalo Penaa-Do. Donaa aku i tonga-tongano lembono, ka lembono andio bukeako hadio wuku.

Yehesikieli 6:4

Luwuno meda pontunuamu pesomba ta gagi boni-boni ka luwuno pontunuamu dupa ta pinuro. Aku mobangku ira miamu anu mempinepate i arodo lahumoamu.

Yehesikieli 6:5

Aku metadiakono wata ngkoroido to Isaraeli i arono luwuno lahumoado ka sumiarawo ira wukumu lumimbu ira meda pontunua pesombamu.

Amosi 2:1

Kanandiomo pau-Do i Ue, ”Hangano otolu wineweuno Moabi anu mosa'o, ke opaa, nahi Aku balio mbo'u pomputusi-Ku. Hangano itunuomo luwuno wukudo mokole i Edomi gagi kapuru.