Yeremia 7:9 - Wunta Mempori

⁹ Nde kana'umpe umarimiu mponako, mpompepate, mpososabo ka mpesumpa mpegaupi, mpontunu pesomba a Baala ka mpotonda pinesombai susua anu nahi imento'orio,

Yeremia 7:9 ပူးပေါင်းရင်းမြစ်များ

1 Mokole 18:21

I Elia rumangkuhi ira luwuno palili atuu ka ipotae, ”Hawe te'ipia mbo'u me'orua laro? Tewala Ondae i Ue atuu Ue Ala, imentonda Ira, tewala Baala, imentondao,” Sine palili nahi domesangki maupo te'asa mpali pau.

Peluarakoa 20:3

Si hina ndi omiu ue ala anu susua i aro-Ku.

Yesaya 1:13

Siimo mbo'u impowawa pesomba anu nahina pengkonaano, pesomba dupa onaemo Kumokoburuakono. Porame-ramea wula wo'ohu ka saba ke luwuno tepotowoa nahi Kupolio kumitao tepumpua langkai tinondaako wineweu mosa'o.

Yesaya 58:2

Oleo me'eu oleo dome'ungke Aku ka inehedo mento'orio luwuno sala-Ku. Kana tongku mpoweweu anu mentee ka anu nahi bintao songka-Do Ue Alano dompesikenoakono ndi Ongkue luwuno songka anu mentee, inehedo me'umpeda ndi Ondae Ue Ala, dompotae,

Yeremia 1:16

Aku mokomengkaao pohuku-Ku ndi ondae, hangano luwuno wineweudo anu mosa'o; domebinta Akumo, ka mpontunu ira dupa a mpinesombai susua ka mpenggolontu mpesombaio wineweuno kaedo.

Yeremia 11:13

Hangano kana hadiono kotamu kanandiomo hadiono pinesombaimu, hei Yehuda. Kana hadiono sala i Yerusale kanandiomo hadiono meda pontunua pesomba anu pinontademiu pontunua pesomba tiano Baala.

Yeremia 11:17

Ondae Ueno luwuakoano, anu weweuko ka utuwu, tumantuiomo masolaa ndi omue hangano poweweu mosa'o anu wineweudo suku Isaraeli ka suku Yehuda. Ondae mpokotesingkao tekuda-Ku hangano mpontunu pesomba a Baala.”

Yeremia 13:10

Tongku anu mosa'o wineweuno andio, anu nahi behe momperorongeako pau-Ku, anu tumondao moteano aroado ka tumonda ira pinesombai susua saru mesomba ka menggolontu mesomba ndi ondae, ira megagi kana peboo ntonga andio anu namihina ntu'u tuduno.

Yeremia 18:15

Sine bawaa-Ku domengkolupe Akumo. Ondae mpotunu pesomba a mpinesombai nahina pengkonaano, ondae ntetidu ntebangku a luwuno pesalaado, a luwuno pesalaa inso a tempo i ndi'ipua, ka mpo'ala pesalaa metosi, pesalaa anu nahi wineweu,

Yeremia 19:4

Hangano, dompebungkui Akumo, mensosa'aio po'ianga andio, ka mpotunu pesomba i tu'ai a luwuno pinesombai susua anu nahi tino'ori moiko ondaedo maupo uempu'udo ka luwuno mokoledo to Yehuda. Domeweweuomo po'ianga andio bukeako reado mia anu nahina salano.

Yeremia 32:29

To Kasidimi anu mpeteaakono kota andio ira me'aiwa mesongkoo ka mokomo'aio mbo'u luwuno raha anu a wawo atono mia mpotunu pesomba a Baala ka mpopesombaako pesomba tinawa a luwuno pinesombai susua ka dompokotesingkao tekuda-Ku.

Yeremia 44:3

hangano mpoweweu iramo anu mosa'o. Ondae mpokotesingkao tekuda-Ku hangano melako mpotunu pesomba ka mpesomba a luwuno pinesombai susua anu nahi domento'orio, omue ke uempu'umu.

Yeremia 44:8

Tembio ka impokotesingkao tekuda-Ku hangano wineweuno kaemiu, saru mpotunu pesomba a luwuno pinesombai susua i wita Masiri anu pinewinsokimiu komiu mpo'ia gagi mia hawe i ra'ai? Tembio ka imebehe gagi pontotonaa ka mokoko'iia i olodo luwuno tongku i tolino?

Yeremia 44:9

Nde imengkolupeomoke mosa'ono poweweudo uempu'umiu, mosa'ono poweweudo mokole i Yehuda, mosa'ono poweweudo mia pinemota'udo, mosa'ono poweweumu ka luwuno beinemu, anu wineweu i wita Yehuda ka a luwuno sala i Yerusale?

Yeremia 48:35

Pau-Do i Ue: Aku pingko ira to Moabi, anu mpopesombaako pesomba tinunu a mpo'ianga pompesombaia ka mpopesombaako pesomba mana mo'ahi a mpinesombaido.

Yeremia 5:2

Maupo dompotae, ”A nee-Do i Ue anu tuwu,” mengkaano ondae mpesumpa nahi mentee.

Yeremia 5:7

Tewala kanatuu, kana'umpe Aku umampuniko? Luwuno anamu domebinta Akumo, ka mpesumpa a neeno anu komba Ondae Ue Ala. Umarino Kupokomowohi ira, ondae mponsosabo ka mperonga-ronga melako a raha mpebelesua.

Yeremia 7:6

tewala nahi imempokonsii ira mia mehawe, nana'ote nahina amano ka tuwu beine, nahi mpo'uwu reano mia anu nahina salano a mpo'ianga andio, ka nahi mpetonda a mpinesombai susua, anu sumolangi komiu,

Yehesikieli 18:18

Amano, anu mo'ala komba tiano, hinao rinontuno, ka weweu ira anu nahi moiko i tonga-tongano tongkuno, mentee ntu'u, onae ta mate hangano salano.

Yehesikieli 20:30

Onaemo pu'uno, potaemo a nsuku Isaraeli: Kanandiomo pau-Do Ue Ala: Nde imengkokoburutio mbo'uke koroimiu a laro nsala tumuwudo uempu'umiu ka mponsosabo saru mentondao luwuno pinesombai susua anu mokoburu?

Yehesikieli 23:39

Tempono domensumbele ira anado tiado lahumoado, ondae me'aiwa a oleo atuu a mpo'ianga mempori-Ku ka melimpaio memporino. Mentee ntu'u, onaemo andio anu wineweudo a laro raha-Ku.

Yehesikieli 5:11

Onaemo pu'uno, a nee-Ku anu tuwu, kanandiomo pau-Do Ue Ala, menteeano, hangano po'ianga mempori-Ku omue kumokoburutiakono luwuno pinesombai ka wineweuno kaemu anu mokoburu, Ongkue isa'a sumesewoko; nahi Aku mompehohawa ka mokoko'unduakomu.

Hosea 2:13

”Onaemo pu'uno, menteeano Aku popandeio ka wawao i pada one, ka i'amba mepau mokorodoo aroano.

Hosea 6:9

Kana gerombola anu montowoki mia, kanandiomo tepo'asaado sando mpesomba; ondae mpompepate a nsala lumako i Sikemi, mentee ntu'u, mpoweweu ira tataa.

Amosi 4:5

Tunuomo pesomba pontarimakasi inso a roti meragi ka popoto'oriomo luwuno pesomba a moleono aroa; paleleomo atuu! Nde komba anu kanandioke inehemiu, hei to Isaraeli?” kanandiomo pau-Do i Ue Ala.

Sepanya 1:5

Aku mokotampula ira mbo'u anu mpenggolontu mpesombaio sorodaduno langi a wawo ato ka ondae anu mpenggolontu mpesomba, mpesumpa mpetenunu ndi Ondae i Ue, sine mpesumpa mbo'u a lahumoa Milikomi,

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

ROMA 2:2

Sine tomento'orio, nine pohuku-Do Ue Ala pinotii a menteeano ndi ondae anu mpoweweu kanatuu.

Winali 32:17

Ondae mpopesombaako pesomba a penaa mosa'o anu komba Ue Ala, a pinesombai anu nahi domento'orio, pinesombai wo'ohu anu napi tehine ipe'umbaako, anu nahi domedoitoakono uempu'umiu.

MENGKAAA 21:8

Sine mia medoito, mia anu nahi dompompe'ala-ala, mia memokoburu, mia anu pompepate, mia mebelesu, puu ponsihiri, anu mpesomba a lahumoa ka luwuno anu mpegaupi, ondae ira mpohawe tiado a laro ntahi anu kolanga-langa hangano api ka walira; onaemo andio matea anu ko'orua.”

MENGKAAA 22:15

Sine luwuno dahu ka puu mposihiri, mia mebelesu, mia anu pompepate, anu mpesomba a lahumoa ka sompo mia anu kumekewoio pegaupi ka anu meleluakono, mpo'ia i bungkuno.

Puu Mpobitara 5:8

Itempono mia mpobiniki anu pinesombai wo'ohu, mpetea ia mpewowano inia. Menteeano, maupo te'asa kanta ba kansai nahi tengkita i olono pato pulu nsowu mia i Isaraeli.