Yeremia 7:8 - Wunta Mempori

⁸ Sine, menteeano impe'ala-ala ira pau mpegaupi anu nahi mentudu.

Yeremia 7:8 ပူးပေါင်းရင်းမြစ်များ

Yesaya 28:15

Hangano mpotae komiumo, ”Mpoweweu kamimo pedandia saru matea, ka saru tolinodo mia mate mpoweweu kamimo tepo'asaa mpau; maupo mowo tumutuwio ka sumampuo, nahi ta kumona kami; hangano kimpokogagiomo pegaupi gagi pepekaduduimami, ka omami mpewuni a laro mpegaupia.”

Yesaya 30:10

anu motaeako ira puu pomparesa, ”Sii mpomparesa,” ka a puu pongkita, ”Siimo impokitaakami mongkona anu mentee, sine impopaumo anu nahi mentudu ndi omami, kitaakamimo mongkona anu komba mentee,

Yesaya 59:4

Nahina anu mowinso kara-kara anu mentee pu'uno, ka nahina anu mobitara anu moroso pu'uno. Mia mpoperorohi anu nahina tuduno ka mompau pegaupi, mia mentiaako masolaa ka me'anaako lambaha.

Yeremia 13:25

Onaemo tiamu anu Kusa'uakomu, kanandiomo pau-Do i Ue, hangano ukolupe Aku, ka me'ala-alao pegaupi.

Yeremia 23:26

Hawe te'ipiake mongkona atuu kongko i laro aroado nabi anu mpompau nahi mentee ka mpompau pompopo'oono aroado ondaedo,

Yeremia 23:32

Menteeano, Aku umewai ira anu mpompau luwuno mo'ipi pegaupi, kanandiomo pau-Do i Ue ka anu tumutuluo ranta bawaa-Ku ntesaaako pegaupido ka mpompaudo anu nahi mentee. Nahi Kuhori tumena ira ka nahi Kuhori parenta ira. Ondae nahina ntu'u tududo a tongku andio, kanandiomo pau-Do i Ue.

Yeremia 28:15

Ka i'amba motae Nabi Yeremia ndi Nabi Hanania, ”Rongeomo, hei Hanania! Ondae i Ue nahi Dotenako, sine uweweu iramo tongku andio mpompe'ala-ala pegaupi.

Yeremia 4:10

saru mpotae: Oo, Ue Ala, mentee ntu'u, tedoa Komiumo mopo'oo tongku andio ka palilino Yerusale, motae: Rodoa ta kongko ndi omiu, kahinaano ponai mokodoitoo penaamami!”

Yeremia 5:31

Luwuno nabi mpompau anu ta gagi nahi mentee ka luwuno sando mpesomba mpetewawa po'ehedo, ka bawaa-Ku inehedo mongkona anu kanatuu! Sine, hapa anu komiu mpoweweu, tewala hawe oleo tampulaano?

Yeremia 7:4

Si mpe'ala-alao luwuno pau mpegaupi andio: ndio raha-Do i Ue, raha-Do i Ue, raha-Do i Ue!

Yeremia 8:10

Onaemo pu'uno, Aku meweengako ira beinedo a mia susua, luwuno leredo a mia mpope'ata. Hangano, inso anu lalu kodei hawe anu lalu langkai, luwuno mpo'ungke me'uraa, moiko nabi maupo sando mpesomba, luwuno mpoweweu pompopo'oo.