Yeremia 7:7 - Wunta Mempori

⁷ asalakono Aku koa mo'inee komiu mpo'ia a mpo'ianga andio, ka wita anu Kuweeako iramo uempu'umiu, inso i ndi'ipua ranta nahina tampulaano.

Yeremia 7:7 ပူးပေါင်းရင်းမြစ်များ

2 Tawarika 33:8

Nahi Aku weweu ira mbo'u to Isaraeli mpelanda mpeluarako inso i wita anu Kupatotoomo tiado uempu'umiu, polomo koa ka domeweweuo mpiha luwuno anu Kuparentaako iramo, luwuno songka, pompakosi ka atora, anu pinohaweno i Musa.”

Peluarakoa 22:22

Asa mia tuwua beine ke nana'ote nahina amano, si pokonsiio.

Yesaya 1:19

Tewala mebehe komiu mpetenunu, komiu mpongkaa hasili moiko inso a wita andio.

Yeremia 25:5

Dompotae: Intepidimo singge mia inso a mpelelumiu anu mosa'o ka inso a luwuno wineweumiu anu mosa'o, ka impo'ia mpiha i wita anu Doweeakomiumo i Ue ka a uempu'umiu inso i ndi'ipua hawe nahina tampulaano.

Yeremia 26:13

Kanandio-andio, impokomoikoomo pelelumiu ka poweweumiu, ka rongeomo suara-Do i Ue, Ue Alamiu, ka Dopokogagio i Ue masolaa anu pinau-Do ndi omiu.

Yeremia 3:18

I tempo atuu suku Yehuda ira mpelempa ntepo'umpeda saru suku Isaraeli. Ira mehawe mperonga-ronga inso i wita utara lumako a wita anu Kutia-tiaako iramo a uempu'umiu gagi tia pusaka.

Yeremia 35:15

Nahi otu-otu Kutena ira tetenaa-Ku ndi omiu, luwuno nabi, mempauo: Impepokulemo singge mia inso a mpelelumiu anu mosa'o atuu, impokomoikoomo wineweumiu, si mpetonda a mpinesombai susua saru mpesomba ndi ondae, ka komiu koa mpo'ia mpiha i wita anu Kuweeakomiumo ka uempu'umiu. Sine nahi mebehe mpo'aroo birimiu ka nahi mebehe meronge Aku.

Yeremia 4:1

”Tewala beheko mepokule, hei Isaraeli, kanandiomo pau-Do i Ue, Pepokulemo ndi Ongkue. Tewala beheko tumadi ira lahumoamu anu mokoburu inso i aro-Ku, siimo te'embi-embi!

Sepanya 3:7

Kupewowoloo: Manasa kanandio-andio onae ta doito ndi Ongkue; onae ta merioo pohuku. Luwuno anu Kuhukuakono nahi ta kumolupeo. Sine tendeano kogagi-gagino dompoweweu anu mokoburu.

Winali 4:40

Impe'inimo a pompakosi ka parenta-Do anu kupohaweakomiu a oleo andio, kai moiko tumuwumiu ka inulemiu lembuino, ka kai melai tinuwumiu i wita anu Doweeakomiu iUe, Ue Alamiu ranta nahina tampulaano.”