Yeremia 7:34 - Wunta Mempori

³⁴ A luwuno kotano Yehuda ka luwuno sala i Yerusale Aku mokompena-naao suara mawongkoa ka po'undea, suarano umbungkori tama ka umbungkoroi beine, hangano wita atuu ta gagi anu terawoa.

Yeremia 7:34 ပူးပေါင်းရင်းမြစ်များ

Ayubi 3:7

Oo, po'ineeomo ia wongi atuu nahina anu me'ana, ka nahina teronge mawongkoa.

Po'unde-unde 78:63

Luwuno ana ntama kontuwuado memo'ai, ka luwuno ana beine kontuwuado nami dome'inunde-undeako penani petaoa;

Yesaya 1:7

Witamu gagi boni-boni, kotamu pingko tinunu. I arono matamu mia hawe mpomuruo witamu, boni-boni, domesongkoo mia mehawe.

Yesaya 3:26

Luwuno pewowa langkaino Sioni ira mperaali ka mpo'inombo, kotano kana beine anu bininta asa-asano tepontoro a wita.

Yesaya 6:11

Ka ku'amba mesikeno, ”Hawe opia tehineno, Oo Ue?” Ka Do'amba sumangki, ”Hawe luwuno kota gagi terawo-rawo nahina palilino, luwuno raha nahina miano, wita tepo'ia ka boni-boni.

Yeremia 16:9

Hangano kanandiomo pau-Do Ueno luwuakoano, Ue Alado to Isaraeli: Menteeano, a mpo'ianga andio, i arono matamu ka a tempomu, Aku mokompenaa-naao suara mawongkoa ka po'undea, suarano umbungkoroi tama ka umbungkoroi beine.

Yeremia 22:6

Hangano kanandiomo pau-Do i Ue mongkona somborino mokoledo to Yehuda: Omue kana Gileadi ndi Ongkue, kana punsuno Libano! Sine manasa Aku weweuko gagi pada one, gagi kota nahina mo'iangario.

Yeremia 25:10

Aku mokotampulao inso i olodo suara mawongkoa ka po'undea, suarano umbungkoroi tama ka umbungkoroi beine, unino watu pogili saru mbo'u wantano pelita.

Yeremia 27:17

Siimo imperorongeako ira! Impetuundumo ndi mokole i Babeli, ka komiu mentuwu. Tembio kota andio asalakono ka igagi terawo-rawo?

Yeremia 33:10

Kanandiomo pau-Do i Ue: A mpo'ianga andio, anu pinaumiu gagiomo terawo nahina mia ka pinotuwu, a luwuno kotano Yehuda ka a luwuno sala i Yerusale anu boni-boni atuu nahina mia ke palili ke maupo pinotuwu,

Yeremia 33:11

ta teronge mbo'u suara mawongkoa ka po'undea, suarano umbungkoroi tama ka umbungkoroi beine, suarado mia anu mpotae: Unde-unde Iramo Ueno luwuakoano, hangano Ondae i Ue Atuu moiko, menteeano ranta nahina tampulaano pompehohawa-Do!, tekonai mompesombaako pesomba po'unde-unde a Raha-Do i Ue. Hangano, Aku mokomoikoo teweweuno wita andio kana i ndi'ipua, pau-Do i Ue.

Yeremia 4:26

Kukitao, mengkaa wita mewalo gagiomo pada one, ka luwuno kotano tekale-kaleomo i aro-Do i Ue, i arono tekuda-Do anu tensila.

Yeremia 4:27

Hangano kanandiomo pau-Do i Ue, ”Luwuno wita andio ta gagi boni-boni, sine nahi Aku weweuo ka ipingko luwu.

Yeremia 44:6

Onaemo pu'uno, mokulano tekuda-Ku ka mosa'ono aroa-Ku te'uwuomo ka sumongkoo luwuno kotano Yehuda ka luwuno sala i Yerusale, ranta ka igagi terawo-rawo ka po'ianga anu londa kana kanandio-andio.

Ponsabangi 5:14

Mia pinemota'u nahi dompepumpu mbo'u a mpewowa langkai, mangalitau mpenaa-naa mpemae katapi.

Yehesikieli 26:13

Aku mokotampulao maroano penanimu ka unino katapimu nahi ta teronge mbo'u.

Yehesikieli 7:11

Pobobarasaia lumele gagi pontumbo mebungkui Ira i Ue. Nahina anu tebinta inso ndi ondae, moiko inso a ngkaeaa maupo mare'eano; tekosino mbo'u ta tepahihi.

Hosea 2:11

Aku rumopuo keu anggorono ka keu arano, mongkona teweweu atuu ipotae, ’Luwuno andio tamboku, anu domeweeakune mia pinehohawaku!’ Aku weweuo gagi tobu, ka luwuno kondehora i tonga mpada ta kumaano.

Hosea 2:13

”Onaemo pu'uno, menteeano Aku popandeio ka wawao i pada one, ka i'amba mepau mokorodoo aroano.

Imama 26:33

Sine omiu Aku meweengakono i olodo luwuno tongku susua ka Ku'alao ponai lumulu komiu, ka witamiu ta gagi po'ianga londa ka luwuno kotamiu ta gagi hanga ngkota.

Mika 7:13

Sine witado ta gagi boni-boni, hangano palilino gagi wuano wineweudo.

MENGKAAA 18:23

Ka wantano hulu nahi ta mepansari mbo'u i laromu, ka suarano umbu ngkoroi tama ka umbu ngkoroi beine nahi ta teronge mbo'u i laromu. Hangano puu mpebalu-balumu onaemo luwuno anu langkai potorodo i tolino, hangano ponto'ori sihirimu luwuno tongku pinopo'oo.”