Yeremia 51:9 - Wunta Mempori

⁹ Kami mpokotompao Babeli, sine nahi ta tompa. Bintaomo onae, aiwamo tompekule singge mia lumako i witano! Mentee ntu'u, pohukua haweomo i langi, tehaweomo a nseru!

Yeremia 51:9 ပူးပေါင်းရင်းမြစ်များ

2 Tawarika 28:9

Sine i ra'ai hinao asa nabi-Do i Ue meneeako i Odedi. Onae lumako tepohaweako ira sorodadu anu mpekule i Samaria ka ipotaeako ira, ”Kitaomo, hangano tekuda-Do anu tensila a nto Yehuda, Ondae i Ue, Ue Alado uempu'umiu meweengako ira a ngkaemiu, ka impepate iramo mongkokongiri lahi ranta hawe i langi.

Esera 9:6

ka kupotae, ”Oo Ue Alaku, mongkokoanuku ka mongkokolaro tumandeo rupaku ndi Omiu, oo Ue Alaku, hangano hala mami tehowuomo lumaloo ulu mami, ka sala mami haweomo i langi.

Yesaya 13:14

Kana lagiwa anu linulu ka kana bimba anu nahi pinakambi, kanatuumo ondae ira mpewolili, singge mia a tongkuno, ka molai, singge mia lumako i witano.

Yesaya 47:15

Kanatuumo ndi omue mia anu tinenamu atuudo, anu mpebalu-balu iramo saru omue mompu'u tempo monguramu. Ondae singge mia kobangku-bangku a luwuno pe'aroa, nahina anu mokokaduduiko.

Yeremia 46:16

Hadio i olomiu anu tetidu ka tebangku, dompotae asa mia a anu susua: Aiwamo tompekule a tongkuto, i wita hinaato, molaiakono ponai poropu!

Yeremia 46:21

Luwuno mbo'u sorodadu mentinambo anu kongko ndi onae kana ira anano sapi mewalo; ondae mbo'u mpewolili ka mpolai mperonga-ronga. Nahi dompokompekorahako, hangano oleo masolaa umalu ira, tempono domehinuku.

Yeremia 50:16

Pokotampulaomo anu morawo inso i Babeli ka anu sumowi i tempono konsowia! Ka iteliahako inso a mponai poropu andio, sompo mia ta mekule a tongkuno, sompo mia ta molai lumako i witano.

Yeremia 8:20

Laloomo tempo sumowi, tompaanomo tempo motu'i-tu'i, sine naapo koa mbo'u tomengkinadudui!

Hosea 7:13

Masola iramo, hangano mpolai ira inso ndi Ongkue! Masola iramo, hangano dome'ewai Aku! Behe Aku tumolosi ira, sine mpegaupi ira ndi Ongkue.

MENGKAAA 18:4

Ka ku'amba rumongeo suara susua inso i suruga motae, ”Imelakomo, hei bawaa-Ku, imelakomo inso ndi onae ka si mpo'ala tia a luwuno halano, ka si saru omiu inaluno luwuno masolaano.

MENGKAAA 18:5

Hangano luwuno halano tehowuomo hawe i langi, ka Dopewowoloo Ue Ala luwuno mosa'ono.