Yeremia 50:3 - Wunta Mempori

³ Hangano, asa tongku lumako sumapoio inso i utara, weweuo witano gagi boni-boni; nahina mbo'u anu mo'ia i larono, moiko mia maupo kondehora, luwuno melako mpolai.

Yeremia 50:3 ပူးပေါင်းရင်းမြစ်များ

Tegagia 6:7

Mepau Iramo i Ue, ”Aku mokotampula ira mia anu pinokogagi-Ku atuu inso i wawontolino, moiko mia maupo pinotuwu, luwuno kondehora melele ka luwuno manu-manu i laro meene, hangano me'o'ole Aku nine Kupokogagi iramo.”

Peluarakoa 12:12

Nde ia wongi andio Aku melempa sumompoo wita Masiri, Aku mepate ira luwuno ana amba-ambano, moiko anano mia hawe anano pinotuwu, ka luwuno lahumoado to Masiri Aku humuku ira. Ongkuemo Ue.

Yesaya 41:25

Kutenaomo asa mia inso i utara ka onae haweomo, asa mia anu ta mebooliako nee-Ku, inso a nsabaano oleo. Kana puu poweweu kuro mololanda wita pulu, kanatuumo onae ta lumolanda ira anu mempabawa kana rege.

Yesaya 45:1

Kanandiomo pau-Do i Ue, ”Ndiomo pau-Ku a mia anu Ku'urapio, ndi Koresi anu kae ngkoanano Ku'inio ka Kupokompetuundu ira tongku i arono ka mokoko'ii ira mokole, ka Ku'ungkahi ira pewowa i arono ka luwuno pewowa langkai ka sikongko tetondo;

Yeremia 21:6

Aku tumunduhi ira palilino kota andio, moiko mia maupo kondehora; ira memateako haki lele anu mongkokongiri.

Yeremia 50:9

Hangano menteeano, Ongkue lumeluo ka mokotesingkao te'aro i Babeli asa tepumpuado tongku langkai inso i utara. Ondae mpo'atora baresi ira me'ewaio, insomo i ra'ai kota atuu ta pinongko'ala. Luwuno panado kana sorodadu anu pande ntu'u, anu nahi hori mekule saru kae mooa.

Yeremia 51:11

Pokomontasoomo ana mpana, patinda iramo kanta! Doleluomo i Ue rosodo luwuno mokoledo to Midia, hangano tinoo-Do a nto Babeli onaemo ira rumopuo: onaemo pombalo-Do i Ue, pombalo hangano raha mempori-Do!

Yeremia 51:48

Langi ka tolino saru luwuno anu kongko i larono ira mpebooli memawongko mongkona Babeli, tempono anu mponsolangi mehawe ndi onae inso i utara, kanandiomo pau-Do i Ue.

Yeremia 51:62

Ka i'amba pepaumo: Ondae i Ue, mepau Komiumo mongkona po'ianga andio nine Komiu mokotampulao, ranta nahina mbo'u anu mo'ia i larono, moiko mia maupo pinotuwu, ka po'ianga andio ta gagi boni-boni nahina tampulaano!

Yeremia 7:20

Onaemo pu'uno kanandiomo pau-Do Ue Ala: Menteeano, tekuda-Ku ka mokulano aroa-Ku Aku motiio a mpo'ianga andio, a mia, pinotuwu, mperupa-rupa keu a mpada, ka a hasilino wita. Tekuda atuu ta tensila ka nahi pinokompepate.”

Yeremia 9:10

Pengesemo ka peraalikimo hangano luwuno torukuno, ka ponsabangimo hangano ewo i pada one, hangano luwuno londaomo ranta nahina mia telaloio, ka nami teronge mbo'u suarano pinotuwu; moiko manu-manu i laromeene maupo kondehora susuano, luwuno mpolai iramo ka moliu.

Yeremia 9:11

Aku weweuo Yerusale gagi howuno anu terawo, pewuniado serigala; Luwuno kotano Yehuda Aku weweuo boni-boni, nahina mbo'u palilino.”

Sepanya 1:3

Aku rumoahio mia ka pinotuwu; Aku rumoahio luwuno manu-manu a laro meene ka bou a ntahi. Aku dumontai ira mia anu nahi tondao parenta-Ku ka mokotampulao mia inso i wawontolino, kanandiomo pau-Do i Ue.