Yeremia 5:6 - Wunta Mempori

⁶ Onaemo pu'uno singa inso a ntobu ta merangkami ira, ka serigala i pada one ta rumako ira. Nggapu langkai meboti-boti ta mompora umpeda a luwuno kotado, sompo mia anu meluarako ta meberi-berio. Hangano hadioomo halado, ka tesaado tetiangi.

Yeremia 5:6 ပူးပေါင်းရင်းမြစ်များ

Sepanya 3:3

Mia pinemota'udo i ra'ai onaemo singa anu mengaoli; luwuno puu mpobitarano onaemo serigala wongi anu nahi pobinta maupo hapa hawe mo'oru.

Habaku 1:8

Ngarado magasiopo sekono santiwali, ka memasii irapo sekono serigala i tempono wongi. Sorodadudo anu mpengara mpokopa-kopa; sorodadudo anu mpengara me'aiwa inso i olaiano, mpenee kana singko anu montiu kaanga.

Yeremia 4:7

Singa me'umbaakoomo inso a ntonga ewo, anu ta rumopu ira tongku melungkaomo, meluarako inso a mpo'iangano ta weweuo witamu boni-boni; luwuno kotamu gagi howuno anu terawo nahina palilino.

Yehesikieli 22:27

Luwuno mia pinemota'u i tonga-tongano kana serigala anu momperangkami kaangano ka ipo'uwu rea ka mompepate mia hangano ime'uraakono koroino onaeno.

MENGKAAA 13:2

Kondehora anu kinitaku atuu mengkena kana nggapu langkai meboti-boti, ka karuno kana karuno berua ka ngangano kana ngangano singa. Ka naga atuu moweeakono rosono, ka kadera poparentaano ka pabawano anu langkai.

Hosea 5:14

Hangano Ongkue andio kana singa ndi Eparai ka singa mongura a nsuku Yehuda. Ongkue, Ongkue-Ku anu momperangkami, umarino atuu lumako, Aku molaisakono ka nahina anu motolao.

Danieli 7:6

Ka i'amba kukitao, tengkita asa kondehora susua, rupano kana nggapu langkai meboti-boti saru opaa panino manu-manu a bungkuno. Kondehora atuu me'ulu opaa ka ndi onae pinoweeako pabawa.

Danieli 7:4

Anu amba-ambano rupano kana asa singa ka mepaniako panino manu-manu rajawali. Kukitao mpiha ranta ka itebuta panino ka onae tetande inso a wita. Onae pinontade a orua karuno kana mia, ka ndi onae pinoweeako aroano mia.

Yehesikieli 23:19

Onae moweweu laluaopo hadio pebelesuno rumambeo tempono da imongura ipebelesu i wita Masiri.

Yehesikieli 16:25

A sompo pesampaano sala omue mowangu po'ianga pesombaa ka weweuo tekosimu gagi mokoburu saru sumengao orua pa'amu a sompo mia anu telalo, onaemo ka itetia-tiangi pebelesumu.

Ponsabangi 1:5

Luwuno anu me'ewaio pabawaio, luwuno iwalino mempo'unde. Mentee ntu'u, Ondae i Ue weweuo boni-boni, hangano hadio salano; nana'oteno mpelempa i arodo iwali gagi mia mentinawa.

Yeremia 49:19

Menteeano, kana singa meluarako inso a ntobu mongurano Koro Yarade me'aiwa a mpada pompakambia, kanatuumo Aku weweu ira mpepobingko mpolai inso i wita atuu ka onae dompotoroo anu bininiki-Ku. Isemake puu mpopakambi anu polio umaropi Aku?

Yeremia 30:24

Tekuda-Do i Ue anu tensila atuu nahi ta temonto hawe ka Doweweuo ka mokogagio tinoono aroa-Do; a oleo pokotompa komiu mento'orio mongkona atuu.

Yeremia 30:14

Luwuno kinekewoimu mengkolupeko, nahi dompesikenoakomu mbo'u. Mentee ntu'u, Kutunduhiakomumo pontunduhi iwali, saru pohuku anu nahina pompehohawa, hangano salamu hadio, halamu anu langkai.

Yeremia 25:38

Kana singa Ondae bintao tonga ewo-Do, hangano witado gagiomo boni-boni, hangano ponai anu mompokonsii, hangano tekuda-Do anu tensila atuu.”

Yeremia 14:7

”Maupo luwuno salamami mpesakosii umewai kami, Itulungi kamimo, oo Ue, a nee-Miu! Tedoa hadio pehapumami, ndi Omiumo kimentehala.

Yeremia 2:19

Pelelumu anu mosa'o ta humukuko, ka ipehapuakono pompe'ala-alano ta bongoko! To'oriomo ka kitaomo, tedoa mosa'o ka mopa'ino tempono ubinta Ira i Ue, Ue Alamu; ka nahi udoito ndi Ongkue, kanandiomo pau-Do i Ue Alano luwuakoano.

Yeremia 2:17

Komba omuemuke anu mokohinao andio a ngkoroimu, hangano ubinta Ira Ue Alamu, tempono Dotaateko a nsala?

Yeremia 2:15

Ndi onae luwuno singa mongura mpengaoli, mpokomerokuo unino, witano pinokolonda, luwuno kotano tinunu, nahina mbo'u palilino.

Yesaya 59:12

Mentee ntu'u, pe'ewamami hadio i aro-Miu ka halamami mesakosii umewai kami; mentee ntu'u, kimento'orio pe'ewamami ka kime'akuio wineweumami anu mosa'o:

Po'unde-unde 104:20

Tewala Ipotiio wongi-wongi, ka oleo mbo'u gagi woongi, tempono atuu dompompu'u mpelakopi luwuno kondehora ntobu.

Esera 10:10

Mentadeomo sando mpesomba i Esera, ka ipotaeako ira, ”Omiu nahi mpetenunu, hangano mpokombia komiu beinedo mia mehawe, ka hangano kanatuu imentiangiomo salado to Isaraeli.

Esera 9:6

ka kupotae, ”Oo Ue Alaku, mongkokoanuku ka mongkokolaro tumandeo rupaku ndi Omiu, oo Ue Alaku, hangano hala mami tehowuomo lumaloo ulu mami, ka sala mami haweomo i langi.

Podoaa 32:14

Kitaomo, kanandio-andio mpentade komiu umeu ira amamiu, tepumpuado mia mentehala, tumiangio mbo'u tekuda-Do i Ue anu tensila a nto Isaraeli atuu.

Po'unde-unde 80:13

Tembio ka Ipobangkuo rere watuno, ranta ka i'opuo sompo mia anu telalo?

Yeremia 8:5

Tembio ka dompewolili tongku andio, luwuno ihino Yerusale mpewolili mpiha? Ondae mpe'ini a pompopo'oo, nahi dobehe mpekule.

Yeremia 30:15

Tembioke ka upebooli hangano mobelamu, hangano pompemopoemu tedoa lansara? Hangano salamu hadio, halamu porokono hadio, ka luwuno andio Kuweweuomo ndi omue.

2 Tawarika 36:14

Luwuno mbo'u petewawado sando mpesomba ka palili mararu dompelelu nahi dompetenunu saru mentondao luwuno wineweudo mosa'o tongku susua. Dompokomokoburuo Raha-Do i Ue anu Dopokomemporiomo i Yerusale.

Ayubi 10:16

Tewala ongkue mompelangka-langkai, Komiu lumulu aku kana singa, ka wali mopokitao ndi ongkue pabawa-Miu anu tinengiriako.

Yesaya 1:23

Luwuno petewawamu ondaemo anu me'ewa ka ntepo'asa saru puu mponako. Inehedo luwu mpontarima pompowee nahi pototono ka inehedo mpo'ala anu komba tiado. Nahi dompe'alaako a ntiado nana'ote nahina amado, ka kara-karado tuwu beine nahi hawe ndi ondae.

Yeremia 2:31

Hei, omiu anu mentuwu kanandio-andio, ipekokoongakonomo pau-Do i Ue! Nde gagiomo pada onedo to Isaraelike Ongkue ke wita anu wongi mpusu? Tembio bawaa-Ku ka dompotae, ’Tepotola kamimo, nami kimebehe mbo'u me'aiwa ndi Omiu?’

Yeremia 8:7

Maupo manu-manu timba'u i laro meene mento'orio tempono, manu-manu wurokou, wowitu, ka koro mentondao tempo pekuleado, sine bawaa-Ku nahi domento'orio songka-Do i Ue.