Yeremia 5:3 - Wunta Mempori

³ Oo Ue, nahi te'aro a menteeake mata-Miu? Itunduhi ira, sine nahi dompompemahaki; Ihuku ira, sine nahi domebehe mpontarima pongkuahako. Dompokomoteao uludo laluaopo sekono watu, ka nahi domebehe ntepidi.

Yeremia 5:3 ပူးပေါင်းရင်းမြစ်များ

Tegagia 19:34

Tisomono anu aka motaeakono uaino, ”Hieno wongi, moturi akumo saru ondae i ama. Aiwamo wongi andio topopo'inuako ira mbo'u anggoro; Omuemo mewinso moturi saru ondae, ka topotilaloakono inuledo amato.”

1 Mokole 13:33

Umarino anu gagi mbo'u andio, i Yerobea nahi tebali inso a ntuwuno anu mosa'o atuu. Ipotoro ira mbo'u sando mpesomba inso a mpalili tiano luwuno pongku wita pesombaa. Isemamo koa anu behe ironsoo gagi sando mpesomba i luwuno pongku wita pesombaa.

2 Mokole 1:13

Ka i'amba mokole tumenao mbo'u petewawa sorodadu anu ko'otolu saru lima pulu ana buano. Petewawa sorodadu anu ko'otolu atuu mewuatako ka mansano hawe, onae menggolontu i arono i Elia, saru mo'ema pompehohawa ndi onae, ipotae, ”Oo tetenaa-Do Ue Ala, po'ineeomo penaaku saru penaado luwuno atamiu andio mentudu a pongkitamiu.

2 Tawarika 16:9

Menteeano, mata-Do i Ue mensiroio asa wawontolino moweeako ira roso-Do ndi ondae anu moleo aroano ndi Ondae. Mongkona anu andio salaomo pelelumu, onaemo pu'uno mompu'u ka kandio-andio omue mo'ia mpiha a laro mpeteaa.”

2 Tawarika 28:22

A laro tepakada, mokole Ahasi tekense moweweu nahi petenunu ndi Ondae i Ue.

Po'unde-unde 51:6

Ndi Omiu, butu koa ndi Omiu kutehala ka weweuo hapa anu pinemosa'o-Miu. Ka mentee Komiu a laro pomputusi-Miu, morina a laro mpobitaraa-Miu

Po'unde-unde 51:8

Menteeano, Omiu memoikoo moleo aroa, ka nahi teto'ori Omiu pauakune ponto'ori anu mentee.

Po'unde-unde 55:20

Ondae Ue Ala anu mo'ia mompu'u tempo i ndi'ipua, Ira rumonge aku ka me'uru-uru ira. Hangano nahi dobehe mebalio tuwudo ka nahi domedoitoako Ira Ue Ala. Sela

Powadi 21:29

Mia mosa'o gauno mokapa rupano, sine mia moleo umatorao pesalaano.

Powadi 22:12

Mata-Do i Ue mepenteeo ponto'ori, sine nahi Dopokogagio pinauno anu mompau anu mohapu pedandia.

Powadi 23:35

Omue komotae, ”Mia sumepi aku, sine nahi kupompemahaki. Mia tumunduhi aku, sine nahi kupembasaio. Te'ipiake kupekaangako? Aku mo'ungke mbo'u anggoro.”

Powadi 27:22

Maupo u'isaakono po'isa mia benge-benge, a laro nohu saru gandu, benge-bengeno nahi ta tetadi inso ndi onae.

Yesaya 26:11

Oo Ue, kae-Miu tetande, sine nahi domengkitao. Moikoano ka domengkitao po'ehe-Miu a bawaa-Miu ka domemokoko'ii! Po'ineeomo api anu rumopu ira anu umewai Komiu sumongko ira!

Yesaya 42:25

Onaemo pu'uno, Do'uwuo ndi onae mokulano tekuda-Do ka mongkokongirino peteaa, anu mokomo'aio inso a luwuno siuno, sine nahi pe'o'oleakono, ka anu tumunuo, sine nahi pekokoongakono.

Yesaya 48:4

Hangano Kuto'orio, nine omue motea aroa, motea ulu ka me'ulu watu,

Yesaya 9:13

Onaemo ka Dotebasio i Ue inso i Isaraeli ulu ka iki, watano ka sampano merongaako a oleo anu mengkena.

Yeremia 15:7

Kudukuako ira poduku a luwuno pewowa langkaino wita. Bawaa-Ku Kuweweu ira tetadi anado ka Kuweweu ira memate, hangano nahi dompepokule inso a mpeleludo.

Yeremia 17:23

Sine nahi domebehe mperorongeakono ka nahi domebehe menta'oo birido, memotea ulu ira, nahi domebehe merongeo ka nahi domebehe mpontarima pongkuahako.

Yeremia 19:15

”Kanandiomo pau-Do Ueno luwuakoano, Ue Alado to Isaraeli: Menteeano, Aku motiio a ngkota andio ka luwuno kota kodeino, luwuno masolaa anu Kupauomo ta umalu ira. Hangano, ondae memotea ulu ka nahi domperorongeakono luwuno pau-Ku.”

Yeremia 2:30

Nahina pengkonaano Kutunduhi ira anamu, pontunduhi nahi domperioo; ponaimu isa'a pingko ira nabimu kana singa mongura anu mongkaa rinakono.

Yeremia 3:3

Onaemo pu'uno pesiwuino usa te'onto ka usa a tampulaano tempo nahi hawe. Ra'imu ra'ino beine belesu, nahi uponto'ori mokoko'ii.

Yeremia 32:19

langkai a laro ntinoo-Miu ka maramba a wineweu-Miu. Mata-Miu tewile kumitao luwuno peleludo anano mia anu paguruo sompo mia menunu saru peleluno ka menunu saru wuano wineweuno.

Yeremia 35:13

”Kanandiomo pau-Do Ueno luwuakoano, Ue Alado to Isaraeli: Lakomo ka pauako iramo to Yehuda ka a mpalilino Yerusale: Nahi imentarimaoke pontunduhi saru merorongeakono luwuno pau-Ku? Kanandiomo pau-Do i Ue.

Yeremia 44:10

Nahi dompe'urumako hawe oleo andio. Nahi domedoito ka nahi domentondao songka-Ku saru pompakosi-Ku anu Kuweeakomiumo ka ndi uempu'umiu.

Yeremia 7:26

Sine, nahi domebehe mperorongea-Kune ke mpo'aroo birido. Tendeano motea palowe'udo, mpoweweu lalu mosa'o sekonopo uempu'udo.

Yeremia 7:28

Onaemo pu'uno, pauako iramo: Ndiomo tongku anu nahi behe merorongeakono pau-Do i Ue, Ue Alado, ka nahi dobehe mpontarima pohuku! Moleono aroado pingkoomo, tepahihiomo inso a ngangado.”

Yeremia 8:5

Tembio ka dompewolili tongku andio, luwuno ihino Yerusale mpewolili mpiha? Ondae mpe'ini a pompopo'oo, nahi dobehe mpekule.

Yehesikieli 2:4

A inule anu me'ulu watu ka moteaomo aroa andio Kutenako. Omue asalakono pauo ndi ondae: Kanandiomo pau-Do Ue Ala.

Yehesikieli 24:13

Hangano omue kumokoburutiakono mokoburua koroimu, onaemo pu'uno inehe-Ku mokomorinako, sine omue nahi gagi morina inso a mokoburumu. Omue nahi kopinokomorina mbo'u hawe ka itemonto tekuda-Ku ndi omue.

Danieli 9:13

Kana anu teburi a wunta Taurano i Musa, luwuno masolaa andio umalu kami, sine nahi kimpo'ema pompehohawa-Do i Ue, Ue Alamami, saru mpepokule inso a nsalamami ka mpenootio mentee-Miu.

Imama 26:23

Maupo a laro nteweweumiu anu kanandio nahi mebehe Kuhuku komiu, ka tuwumiu kongko umewai Aku,

Amosi 4:10

”Kupotolaomo haki lele i tonga-tongamiu kana a nto Masiri. Kupepateako iramo ponai inulemiu i tempono ngaramiu pinomuru. Kuweweuo mewoo pekemaamiu, iwooo engemiu. Sine nahi mpepokule ndi Ongkue,” kanandiomo pau-Do i Ue.

Amosi 4:11

”Kuwowangunsuleomo luwuno kota i olomiu, kana Dowowangunsuleo Ue Ala Sodomo ka Gumora, ranta ka imegagi kana tompa api anu inala inso a langano api. Sine nahi mpepokule ndi Ongkue,” kanandiomo pau-Do i Ue.

Amosi 4:6

”Maupo hanganomo Ongkue ka imorina ngisimiu nahina kaanga i luwuno kotamiu ka imemakuraako roti i luwuno po'iangamiu, kongkomiu nahi mpepokule ndi Ongkue,” kanandiomo pau-Do i Ue.

Amosi 4:8

palilino orua otolu kota melako kobangku-bangku i asa kota ira mpo'inu uwoi, sine nahi domentende. Sine, nahi mpepokule ndi Ongkue,” kanandiomo pau-Do i Ue.

Amosi 4:9

”Kusapoiakomiumo ponsolangi pinopaho ka haki mpinopaho. Kupokomoleuo luwuno pinopahomiu ka luwuno lere anggoromiu. Luwuno keu ara ka keu saitu piingko ikaano kosume. Sine nahi mpepokule ndi ongkue,” kanandiomo pau-Do i Ue.

Sepanya 3:7

Kupewowoloo: Manasa kanandio-andio onae ta doito ndi Ongkue; onae ta merioo pohuku. Luwuno anu Kuhukuakono nahi ta kumolupeo. Sine tendeano kogagi-gagino dompoweweu anu mokoburu.

ROMA 2:2

Sine tomento'orio, nine pohuku-Do Ue Ala pinotii a menteeano ndi ondae anu mpoweweu kanatuu.

IBARANI 12:9

Ka i'amba: inso a amato anu menteeano mpohawe kita pohuku, ka tompelangkai ira; tewala kanandio kombake asalakono laluaopo tompomperorongeako ndi Ondae Amano luwuno penaa, ka tomentuwu?