Yeremia 48:2 - Wunta Mempori

² tampulaomo marambano Moabi! I Hesiboni mia mpontooakono masolaano: Aiwa tompokotampulao gagi tongku! Omue mbo'u, hei Mademeni, kopinokongkomino, ilolampuiko ponai.

Yeremia 48:2 ပူးပေါင်းရင်းမြစ်များ

Yesaya 15:1

Pau-Do anu pabawa a nto Moabi. Mentee ntu'u, i larono asa wongi Ari-Moabi sinolangiomo, pinokotampula; mentee ntu'u, i larono asa wongi Kiri-Moabi sinolangiomo, pinokotampula!

Yesaya 15:5

Meraaliki aroaku kumitao Moabi, mia mpeliahako haweomo i Soari, i Egilati-Selisia. Mentee ntu'u, mia mporake a mporakea Luhiti saru mpengese; ka a nsala lumako i Horonaimi mia mpopemahaki hangano i'alu ira urasa'o.

Yesaya 16:14

Sine kanandio-andio Ondae i Ue mepau, ”I larono otolu nta'u, mengkena kana tempo po'anggado sorodadu mentinambo, marambano Moabi, saru luwuno maroano anu langkai, ta gagi pompokongkodei, ka mia anu tebinta tamo koa ntu'u tedei ka nahina rosodo.”

Yesaya 25:10

Hangano kae-Do i Ue ta kumaduduio torukuno andio, sine Moabi ta linolanda a mpo'iangano onaeno, kana seami linolanda a laro kineke pontadia anu mokoburu.

Yeremia 25:15

Kanandiomo pau-Do i Ue, Ue Alado to Isaraeli, ndi ongkue, ”Alaomo inso a ngkae-Ku piala me'ihi anggoro mokulano tekuda andio ka ihino popo'inuako iramo luwuno tongku anu kutenaakomu ndi ondae.

Yeremia 25:17

Ku'alaomo piala atuu inso a ngkae-Do i Ue, ka i'amba ihino kupopo'inuako ira luwuno tongku anu Dotena aku i Ue ndi ondae:

Yeremia 31:36

”Menteeano, kana luwuno pompakosi andio nahi ta melimba inso i aro-Ku, kanandiomo pau-Do i Ue, kanatuumo mbo'u inuleno i Isaraeli nahi ta menaa-naa gagi tongku i aro-Ku asa ntinuwu.

Yeremia 33:24

”Nahi upekokoongakonoke hapa anu pinaudo mia andio: Orua suku poparentaa anu bininiki-Do i Ue atuu nami Dotarimao? Ba kanandio domempokongkodei iramo bawaa-Ku ka merekeo komba asa tongku mbo'u.

Yeremia 46:28

Omue siimo doito, hei tetenaa-Ku Yako, kanandiomo pau-Do i Ue, hangano Ongkue kumongkomiko: Aku pingko ira luwuno tongku anu i tonga-tongano omue Kusiarawoko, sine omue nahi Aku mokopingkoko. Aku tumunduhiko montonda songka, Nahi Aku mo'ineeko tola kanatuumo koa.”

Yeremia 48:17

Sabangiomo, hei luwuno anu kongko a mpetengi-tengino, hei luwuno anu mento'orio neeno! Potaemo: Mentee ntu'u, tepuduomo pabawa anu iwawono ntu'u, tuko pompelangkai atuu!

Yeremia 48:42

Moabi ta ropu kana tongku, hangano onae mompelangka-langkai ndi Ondae i Ue.

Yeremia 48:45

A mpe'engoano Hesiboni anu mempolai mpenaa-naa, pingko rosodo; sine api meluarako inso i Hesiboni, langano api inso a langkanaeno i Sihoni, anu kumaano ka ipingko nipi-nipino Moabi ka taku uludo anu mporisui.

Yeremia 49:3

Ponsabangimo, hei Hesiboni, hangano anu momperawo-rawo lumakoomo monsapoi, impeboolimo, hei ana beineno i Raba, pokonaomo sawu po'inombo, impo'inombomo, impelempamo telimbu saru mobela sinoreki, hangano i Milikomi ta lumako a pontadia meronga luwuno sando mpesomba ka mia pinemota'uno.

Yeremia 49:37

Aku weweuo Elami doito i arodo luwuno iwalino ka i arodo mia anu momporaakono penaano. Aku mompotii masolaa ndi onae, tekuda-Ku anu tensila, kanandiomo pau-Do i Ue. Aku tumenao ponai lumampui ira hawe ka Kupingko ira.

Podoaa 32:37

Inuleno i Rube wanguo Hesiboni, Eleale, Kiriataimi,