Yeremia 42:3 - Wunta Mempori

³ Po'ineeomo Ondae i Ue, Ue Alamu, pauakami pesalaa anu asalakono kami mentondao ka hapa anu asalakono kami meweweuo.”

Yeremia 42:3 ပူးပေါင်းရင်းမြစ်များ

1 Mokole 8:36

po'ineeomo i suruga ka I'ampunio halado tetenaa-Miu, bawaa-Miu Isaraeli, hangano Omiumo anu montisoako ira sala anu moiko anu asalakono ira mentondao. Po'ineeomo Ipompotii usa a wawo wita-Miu anu Iweeako iramo bawaa-Miu gagi tia pusaka-Do.

Esera 8:21

Ka i'amba i ra'ai, i wiwi ngkorono Ahawa atuu, kupopoto'orio puasa ka kimpe'urumako i aro-Do Ue Ala mami ka mo'ema ndi Ondae ka Dokongkomi kami a pelempaa saru sombori mami ka luwuno arataa mami.

Po'unde-unde 27:11

Itisoakunemo pesalaa-Miu, oo Ue, ka Itaate akumo a mpesalaa anu merete umaropio iwaliku.

Po'unde-unde 86:11

Itisoakunemo pesalaa-Miu, oo Ue, ka kutuwu montonda mentee-Miu; Ipokobobotoliomo aroaku dumoitoakono nee-Miu.

Powadi 3:6

Pe'ala-ala Iramo a laro ntumuwumu, ka Ira mokomoleoo pesalaamu.

Yesaya 2:3

ka hadio sukuno tongku ira melako saru mpotae, ”Aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno pesalaa-Do, ka tompesala a mpesalaa-Do; hangano inso i Sioni ta saba pompaguru ka pau-Do i Ue inso i Yerusale.”

Yeremia 6:16

Kanandiomo pau-Do i Ue, ”Pentademo a luwuno sala ka kitaomo, pesikenoakonomo luwuno sala inso a tempo se'eluno, isua hinao sala anu moiko, tondaomo atuu, ka komiu mpohawe rodoano sumangamiu. Sine dompotae: Nahi kimebehe mentondao!

Mika 4:2

”aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno sala-Do, ka tompelempa a nsala-Do; hangano inso i Sioni ta hawe pompaguru ka pau-Do i Ue inso i Yerusale.”

Winali 5:26

Hangano anu hinao penaano isuake anu rumongeomo suara-Do Ue Ala anu tuwu, anu mepau inso i tonga-tongano api, kana omami andio ka kongko tuwu?

Winali 5:29

Po'ineeomo aroado kai kanandio mpiha: doito ndi Ongkue ka mpe'ini a luwuno parenta-Ku, ka imoiko tuwudo ka inuledo anu nahina tampulaano!