Yeremia 41:2 - Wunta Mempori

² mentadeomo i Sumaila anano i Netania saru hopulu mia anu perongano, ka mepateakono ponai i Gedalia anano i Ahikami anano i Sapani. Kanatuumo ipepateo i Gedalia anu pinotorono mokole i Babeli gagi pabawa i wita atuu.

Yeremia 41:2 ပူးပေါင်းရင်းမြစ်များ

2 Samueli 3:27

Tempono i Abinere mekule i Heberoni, i Yoabi umoluakono lumako i horino, i larono pewowa langkai atuu, kana-kana ta mepauakono butu ondaedo. I ra'ai itoboo kompono i Abinere ranta kai mate, hangano reano i Asaeli, uaino.

2 Mokole 25:25

Sine ia wula ko'opitu haweomo i Sumaeli anano i Netania anano i Elisama, asa mia ulea mokole ka hopulu mia perongano. Dompepateo i Gedalia, luwuno to Yehuda ka to Kasidimi anu kongko saru onae i Misipa.

Po'unde-unde 109:5

Domensuloakono wineweu mosa'o ndi ongkue euno moikoa ka po'o'alia euno pompehohawaku.

Po'unde-unde 41:9

”I'aluomo haki mompepate, pohona mepombole, onae nahi ta mewangu mbo'u.”

Yeremia 40:14

Dompotae ndi onae, ”Nde uto'orio koake nine i Baalisi, mokoledo inuleno i Amoni, itenaomo i Sumaila anano i Netania mepateko?” Sine i Gedalia anano i Ahikami nahi pe'ala-ala ira.

Yeremia 40:16

Sine i Gedalia anano i Ahikami sumangkio i Yohanani anano i Kareahi, ”Si weweuo atuu! Hangano hapa anu pinaumu mongkona i Sumaila atuu pegaupi.”

Yeremia 40:5

Se'eluno i Yeremia napi pewolili lumako, motae mbo'u, ”Moiko upekule ndi Gedalia anano i Ahikami anano i Sapani anu dopotoroomo mokole i Babeli gagi anu pabawa a luwuno kotano Yehuda. Po'iamo saru onae i tonga-tongado palili, ke lakomo ba isua pinementeemu.” Petewawa sorodadu podagai mokole atuu moweeakono kaanga ka pompowee, ka i'amba motolao lumako.

Yeremia 40:7

Luwuno tadulako sorodadu, anu da mekongko a mpada saru luwuno miado, merongeo nine mokole i Babeli motoroomo i Gedalia anano i Ahikami anano i Sapani gagi anu pabawa i wita atuu, saru mbo'u luwuno tama, beine ka nana'ote, luwuno mia mongkokolaro tuwudo i wita atuu, anu nahi domewinawa a pontadia i Babeli.

Yeremia 40:8

Melako iramo ntepohaweakono i Gedalia i Misipa. Ondae onaemo i Sumaila anano i Netania, i Yohana anano i Kareahi, i Seraia anano i Tanahumeti, luwuno anano i Epai to Netopa atuu, ka i Yesania, anado to Ma'aka, meronga saru luwuno miano.

Yeremia 41:3

Luwuno to Yehuda anu perongano i Gedalia i kota Misipa ka luwuno to Kasidimi, anu hinawe i ra'ai gagi sorodadu, ipepate ira mbo'u i Sumaila.

I YOHANE 13:18

Komba mongkona omiu luwu Kupepau. Kuto'orio, isema anu Kubinikiomo. Sine asalakono inihii anu teburi a Wunta Mempori andio: Mia anu mongkaa roti-Ku, itandeomo tundono ndi Ongkue.