Yeremia 4:7 - Wunta Mempori

⁷ Singa me'umbaakoomo inso a ntonga ewo, anu ta rumopu ira tongku melungkaomo, meluarako inso a mpo'iangano ta weweuo witamu boni-boni; luwuno kotamu gagi howuno anu terawo nahina palilino.

Yeremia 4:7 ပူးပေါင်းရင်းမြစ်များ

2 Mokole 24:1

I tempono poparentaano i Nebukanesa, mokoledo to Babeli, lumako monsapoi. I Yoyakimi metenunu ndi onae otolu nta'u tehineno. Sine lembuino onae mewolili umewaio i Nebukanesa.

2 Mokole 25:1

Ia ta'u ko'osio poparentaano, ia wula kohopulu, tanggala hopulu wula atuu, haweomo i Nebukanesa mokole i Babeli saru luwuno sorodaduno sumapoio Yerusale. Onae mekema kumaduo ka mowangu rere watu pongkadu lumimbuo.

Yesaya 1:7

Witamu gagi boni-boni, kotamu pingko tinunu. I arono matamu mia hawe mpomuruo witamu, boni-boni, domesongkoo mia mehawe.

Yesaya 5:9

A biriku teronge sumpa-Do Ueno luwuakoano, ”Menteeano hadio raha ta gagi boni-boni; luwuno raha anu langkai ka tekosi nahi ta hina mo'iangario.

Yesaya 6:11

Ka ku'amba mesikeno, ”Hawe opia tehineno, Oo Ue?” Ka Do'amba sumangki, ”Hawe luwuno kota gagi terawo-rawo nahina palilino, luwuno raha nahina miano, wita tepo'ia ka boni-boni.

Yeremia 2:15

Ndi onae luwuno singa mongura mpengaoli, mpokomerokuo unino, witano pinokolonda, luwuno kotano tinunu, nahina mbo'u palilino.

Yeremia 22:6

Hangano kanandiomo pau-Do i Ue mongkona somborino mokoledo to Yehuda: Omue kana Gileadi ndi Ongkue, kana punsuno Libano! Sine manasa Aku weweuko gagi pada one, gagi kota nahina mo'iangario.

Yeremia 22:7

Aku pakosio anu ira meropuko, singge mia saru parewa mpeteano; ira mentuehio keu arasi bininikimu ka mpetadiakono a laro api.

Yeremia 25:38

Kana singa Ondae bintao tonga ewo-Do, hangano witado gagiomo boni-boni, hangano ponai anu mompokonsii, hangano tekuda-Do anu tensila atuu.”

Yeremia 25:9

menteeano, Aku tumena ira luwu suku tongku i utara, kanandiomo pau-Do i Ue, ka lumeluo mbo'u i Nebukanesa, mokole i Babeli, tetenaa-Ku atuu; Aku wawa ira me'ewaio wita andio, palilino ka umewai ira tongku petengi-tengino andio, anu Aku rumopuo ka weweuo gagi asa anu mompokodoito, pomansu pasinggiri ka terawono anu nahina tampulaano.

Yeremia 26:9

Tembio ka upompau anu ta gagi a nee-Do i Ue saru motae: Raha andio ta kana Silo, ka kota andio ta gagi tekale-kale nahina palilino?” Luwuno palili menggowoo i Yeremia a Raha-Do i Ue.

Yeremia 27:8

Sine tongku ka poparentaa anu nahi behe metuudu ndi Nebukanesa, mokole i Babeli, ka anu nahi behe numaao banga we'uno a ntoto pasangano mokole Babeli, tongku atuu Aku humukuakono ponai, mokoninggoa ka haki lele, kanandiomo pau-Do i Ue, ranta ka Kupokotampulaako ira kaedo.

Yeremia 33:10

Kanandiomo pau-Do i Ue: A mpo'ianga andio, anu pinaumiu gagiomo terawo nahina mia ka pinotuwu, a luwuno kotano Yehuda ka a luwuno sala i Yerusale anu boni-boni atuu nahina mia ke palili ke maupo pinotuwu,

Yeremia 34:22

Menteeano, kanandiomo pau-Do i Ue, Ongkue mompowee parenta ka wawa ira mpekule i kota andio ka dompeteaakono, mpoko'alao ka mpokoropuo. Aku weweuo luwuno kotano Yehuda gagi boni-boni nahina palilino.”

Yeremia 4:29

Hangano peboolido sorodadu mpengara ka mpepana luwuno palilino kota mpolai. Mpewinso ira a laro ntonga ewo ka mpewuatako a luwuno pongku watu. Luwuno kota binintaomo ka nahina maupo te'asa mia mo'ia i larono.

Yeremia 44:2

”Kanandiomo pau-Do Ueno luwuakoano, Ue Alado to Isaraeli: Impembasaiomo luwuno masolaa anu Kupotiiomo i Yerusale ka luwuno kotano Yehuda. Mentee ntu'u, luwuno atuu kanandio-andio gagiomo terawo-rawo ka nahina maupo te'asa mia mo'ia i ra'ai,

Yeremia 46:18

A nee-Ku anu tuwu, kanandiomo pau-Do Mokole anu nee-Do Ueno luwuakoano, ira hawe kana Torukuno Tabori i olono luwuno torukuno, kana Torukuno Karameli umpeda a ntahi.

Yeremia 49:19

Menteeano, kana singa meluarako inso a ntobu mongurano Koro Yarade me'aiwa a mpada pompakambia, kanatuumo Aku weweu ira mpepobingko mpolai inso i wita atuu ka onae dompotoroo anu bininiki-Ku. Isemake puu mpopakambi anu polio umaropi Aku?

Yeremia 5:6

Onaemo pu'uno singa inso a ntobu ta merangkami ira, ka serigala i pada one ta rumako ira. Nggapu langkai meboti-boti ta mompora umpeda a luwuno kotado, sompo mia anu meluarako ta meberi-berio. Hangano hadioomo halado, ka tesaado tetiangi.

Yeremia 50:17

I Isaraeli kana bimba anu tesiarawo, domensaario singa. Amba-ambano mokoledo to Asuri kumaano, ka poko'ariano kanandio-andio i Nebukanesa, mokole i Babeli, kumarasi ira wukuno.

Yeremia 50:44

Menteeano, kana singa meluarako inso a ntobu mongurano Koro Yarade sumapoio pada pompakambia, kanatuumo Aku weweu ira mpepobingko mpolai inso i wita atuu ka mpotoroo onae anu bininiki-Ku. Hangano isemake anu kana Ongkue? Isemake anu mosia tumuntu Aku? Isemake puu mpopakambi anu polio umaropi Aku?

Yeremia 8:16

”Pewunsulino ngarado iwali inso i Dani; hangano pekiilino ngara lakinodo mondidi-ndidiomo asa wawontolino. Ondae me'aiwa ka mengkaano pingko wita ka luwuno ihino, kota saru palilino.

Yeremia 9:11

Aku weweuo Yerusale gagi howuno anu terawo, pewuniado serigala; Luwuno kotano Yehuda Aku weweuo boni-boni, nahina mbo'u palilino.”

Yehesikieli 12:20

Luwuno kota anu da dompo'iangario mia ta gagi tekale-kale ka wita atuu ta gagi boni-boni; Ka ira mento'orio nine Ongkuemo Ue.”

Yehesikieli 21:31

Aku umuwuo bamburu-Ku ndi omue ka wurosio api tekuda-Ku ndi omue, umarino atuu meweengakomu a ngkaedo mia monge-monge anu tepaguru mporopu.

Yehesikieli 32:2

”Hei anano mia, penaniakomo ponsabangi mongkona i Pirao, mokole i Masiri ka potaemo ndi onae: Omue mongkenao koroimu saru singa mongura i olodo luwuno tongku. Sine, omue kana naga a ntahi malua; luwuno korono uweweuo tehento, uwoi uwewuiakono karumu ka weweu ira korono merege.

Danieli 5:19

Hangano pompelangkai anu Doweeakonomo atuu, mia inso a luwuno tongku medoito ka mpondende ndi onae. Onae mompepate isema anu ineheno ka mo'ineeo tuwu isema anu ineheno, melangkaio isema anu ineheno ka me'uru-uruo isema anu ineheno.

Danieli 7:4

Anu amba-ambano rupano kana asa singa ka mepaniako panino manu-manu rajawali. Kukitao mpiha ranta ka itebuta panino ka onae tetande inso a wita. Onae pinontade a orua karuno kana mia, ka ndi onae pinoweeako aroano mia.

Imama 26:31

Luwuno kotamiu Aku weweuo gagi hanga ngkota ka luwuno po'ianga memporimiu Aku sumolangio ka nami Kubehe mbo'u mowoo woono pesombamiu anu mompokomawongko.

Imama 26:33

Sine omiu Aku meweengakono i olodo luwuno tongku susua ka Ku'alao ponai lumulu komiu, ka witamiu ta gagi po'ianga londa ka luwuno kotamiu ta gagi hanga ngkota.