Yeremia 4:6 - Wunta Mempori

⁶ Tandeomo luwuno bandera te'aro i Sioni! Pontuturakomo mpelimba, si butu mpo'ia! Hangano Aku mompotii masolaa inso i utara ka terawoa anu langkai.

Yeremia 4:6 ပူးပေါင်းရင်းမြစ်များ

Yesaya 62:10

Pelempamo, pelempamo telalo a luwuno pewowa langkai, patindaomo salado bawaa, ungkahiomo, ungkahiomo sala langkai, liahako iramo watu, pontade iramo banderado luwuno tongku!

Yeremia 10:22

Terongeomo lele: Kitao, tewukaa langkai ta hawe inso i wita utara, anu ta weweuo luwuno kotano Yehuda boni-boni, gagi pewuniado serigala.

Yeremia 18:11

Onaemo pu'uno, pauako iramo to Yehuda ka palilino Yerusale: Kanandiomo pau-Do i Ue: Menteeano, Ongkue tekonai mompatinda masolaamiu ka motudaakomiu tinoo. Asalakono omiu singge mia ka itepidi inso a mpeleluno anu mosa'o, impokomoikoomo pelelumiu ka poweweumiu!

Yeremia 21:7

Umarino atuu, i Sedekia, mokoledo to Yehuda, ka luwuno pegawaino saru palilino kota andio, anu tola inso a haki lele, ponai ka mokoninggoa, Aku meweengako ira a ngkaeno i Nebukanesa, mokole i Babeli, kanandiomo pau-Do i Ue, a ngkaeno iwalido anu momporaakono penaado. Mia ta mepateako ira mata mponai nahina pompehohawa, nahina mokoko'undu ka nahina ampu.

Yeremia 22:7

Aku pakosio anu ira meropuko, singge mia saru parewa mpeteano; ira mentuehio keu arasi bininikimu ka mpetadiakono a laro api.

Yeremia 25:9

menteeano, Aku tumena ira luwu suku tongku i utara, kanandiomo pau-Do i Ue, ka lumeluo mbo'u i Nebukanesa, mokole i Babeli, tetenaa-Ku atuu; Aku wawa ira me'ewaio wita andio, palilino ka umewai ira tongku petengi-tengino andio, anu Aku rumopuo ka weweuo gagi asa anu mompokodoito, pomansu pasinggiri ka terawono anu nahina tampulaano.

Yeremia 4:21

Opiapo mbo'u tehineno kukita ira bandera, ka rumongeo unino tawuwua atuu?

Yeremia 50:2

”Pauomo i olodo luwuno tongku ka paleleomo, wuatako iramo bandera ka paleleomo, si wunio, pauomo: Babeli pinongko'alaomo, Pinesombai Bela pinokoko'ii, i Merodaki tededengke! Luwuno tinahano pinokoko'ii, luwuno lahumoano ntededengke!

Yeremia 50:22

Rurunduno peteaa i wita atuu, terawo-rawoa langkai gagiomo!

Yeremia 51:12

Tandeako iramo bandera luwuno rere watuno Babeli, pokorosoomo podagaia! Naa iramo puu mpodagai, patindaomo pontowokia! Hangano, Dosongkaomo i Ue ka weweuo mbo'u hapa anu pinau-Do te'aro a mpalilino Babeli.

Yeremia 51:27

Tande iramo bandera i tolino, puuriomo tawuwua i olodo luwuno tongku, patinda iramo tongku umewaio Babeli, tena iramo poparentaa umewaio: Arara, Mini ka Asikenasi! Potoroomo asa mia tadulako umewaio, wawa iramo ngara kana bawaano kosume!

Yeremia 51:54

Rongeo! Peraali inso i Babeli ka terawoa langkai inso i witado to Kasidimi!

Yeremia 6:1

Pontuturakomo pelimba, hei luwuno to Benami, inso i tonga-tongano Yerusale! Puuriomo tawuwua i Tekoa, ka wuatakonomo ahu gagi petondoni i wawono Beti-Keremi! Hangano masolaa momporaomo inso i utara, asa masolaa langkai.

Yeremia 6:22

Kanandiomo pau-Do i Ue, ”Mentee ntu'u, asa tongku ta aiwa inso i wita utara, asa tongku anu langkai ira mpelelu me'aiwa inso i tompano tolino.

Yehesikieli 9:1

Ka ku'amba rumonge Ira mebooli suara-Do meroku, ”Asalakono mia anu ta molempao pohuku a ngkota andio aiwa me'umpedaako, singge mia saru parewa poropu a ngkaeno!”

Yehesikieli 9:2

Kitao, onoo mia tama aiwa inso te'aro a Mpewowa Langkai Wawono, anu me'aro i utara, singge mia saru parewa pontunduhi a ngkaeno. Asa mia i olodo mesangka lena ka a ntongano hinao parewa poburi. Ondae mpewinso ka mpentade i horino meda pontunua pesomba mala.

Sepanya 1:10

Ka a oleo atuu, kanandiomo pau-Do i Ue, ta teronge pebooli inso a Mpewowa Langkai Bou ka ponsabangia inso a Mpe'iniaa Sarai ka unino tehoa langkai inso a luwuno pongku wita.

Sakaria 6:6

Anu rinendeno ngara mo'ito atuu meluarako lumako i Wita Utara; anu mopute atuu meluarako i bungkudo; anu meboti-boti atuu meluarako lumako i Wita Selata;