Yeremia 4:4 - Wunta Mempori

⁴ Tindiomo aroamu ndi Ondae i Ue, ka liahakonomo kulino anuno, hei to Yehuda ka palilino Yerusale, ka si tekuda-Ku montiu kana api, ka melanga nahi tepepate, hangano luwuno wineweumu anu mosa'o!”

Yeremia 4:4 ပူးပေါင်းရင်းမြစ်များ

2 Tawarika 34:25

hangano domebinta Akumo ka mpotunu pesomba a mpinesombai susua. Hangano luwuno inanggano kaedo mpokontesingkao tekuda-Ku. Tensilano tekuda-Ku ta pinotii a mpo'ianga andio ka nahi pinokompepate.

Yesaya 10:17

Mewineno Isaraeli ta gagi api, ka Anu Tedoa Mempori, Ondae Ue Alano, gagi langano api. Ira sumongko ka pingko ikaano ewo ka rui meronga a oleo anu mengkena.

Yesaya 30:33

Hangano inso i ndi'ipua inatoraomo po'ianga pontunua, anu mbo'u pinatindaako mokole, pompotuwua api wineweu ondalo ka malua, buke api ka keu; penaa-Do i Ue mokomo'aio kana korono walira.

Yesaya 51:17

Pekaangakomo, Pekaangakomo, pewangumo, hei Yerusale, hei omue anu mo'inukomo inso a ngkae-Do i Ue ihino piala mokulano tekuda-Do, omue anu mo'inukomo, umosoo ka ipingko ihino sangkiri anu mompokomokolili ulu!

Yeremia 15:14

Aku weweuko gagi atado iwalimu i wita anu nahi uto'orio, hangano a laro ntekuda-Ku api melanga, langano tumunuko.”

Yeremia 21:12

”Kanandiomo pau-Do i Ue, hei inuleno i Daudi: Putusiomo songka anu moleo sompo mo'oru, potolaomo anu rinontu inso a ngkaeno anu bobarasaio, ka si tensilano tekuda-Ku montiu kana api ka tensila nahi pinokompepate, hangano luwuno wineweumiu anu mosa'o!

Yeremia 21:5

Ongkue isa'a metea umewaiakomiu kae tetande ka tokia anu moroso, saru tekuda, langano tekuda ka bamburu anu langkai.

Yeremia 23:19

Kitaomo, angi mokora-Do i Ue, tensilano tekuda-Do, meluarakoomo, pewolilino lompiu umaluo uludo mia mosa'o gaudo.

Yeremia 36:7

Bara'ura ira mpohaweo po'emado i aro-Do i Ue ka ira singge ntepidi inso a mpeleludo anu mosa'o atuu, hangano mongkokongiriomo mosa'ono aroa ka tensilano tekuda anu pinokomengkaa-Do i Ue a tongku andio.”

Yeremia 44:22

Ondae i Ue nahi Dopokompeteao mbo'u kumitao luwuno wineweumiu anu mosa'o ka hapa anu mokoburu wineweumiu. Hanganomo onae witamiu gagi terawo-rawo, mongkokongiria ka pontotonaa ranta nahina palili, kana kanandio-andio.”

Yeremia 9:25

”Kitao, tempono ta hawe, kanandiomo pau-Do i Ue, Aku humuku ira mia anu mentinindi iramo tinotopi kuli anuno:

Yeremia 9:26

to Masiri, to Yehuda, to Edomi, inuleno i Amoni, to Moabi ka luwuno mia anu kumeruo wuuno a wiwi uluno, mia anu mpo'ia i pada one, hangano luwuno tongku atuu menteeano nahi dompetindi ka maupo luwuno suku Isaraeli nahi tinindi aroado.”

Ponsabangi 4:11

Ondae i Ue motolao luwuno tekuda-Do, umuwuo tekuda-Do anu tensila, ka mokomelangao api i Sioni, anu kumaano luwu empehino.

Yehesikieli 16:38

Aku humukuko kana mia bitara ira beine anu mponsosabo ka anu mpo'uwu rea; Aku motiio tekuda ka mosiri-Ku ndi omue.

Yehesikieli 18:31

Tadiomo inso ndi omiu luwuno polalo songka anu wineweumiu ndi Ongkue ka pokowo'ohuomo aroa ka penaamiu! Tembioke asalakono komiu memate, hei suku Isaraeli?

Yehesikieli 20:33

A nee-Ku anu tuwu, kanandiomo pau-Do Ue Ala, Aku parentaakomiu kae anu moroso, tokia anu tetande, ka tekuda anu te'uwu.

Yehesikieli 21:17

Ongkue mbo'u montopa kae ka tekuda-Ku gagi wali temonto. Ongkue, Ue, anu pauo.”

Yehesikieli 24:13

Hangano omue kumokoburutiakono mokoburua koroimu, onaemo pu'uno inehe-Ku mokomorinako, sine omue nahi gagi morina inso a mokoburumu. Omue nahi kopinokomorina mbo'u hawe ka itemonto tekuda-Ku ndi omue.

Yehesikieli 24:8

Ka itesingka tekuda-Ku ka moweweu pombaloa, Kunaao reano atuu a wawo pongku watu anu londa ka si tetutuwi.

Yehesikieli 44:7

Omiu mpo'inee ira mia mehawe anu nahi dopetindi ka maupo nahi dompetindi aroa mpewinso a laro po'ianga mempori-Ku ranta Domengkokoburutio Raha-Ku tempono impopesombaako kaanga-Ku, onaemo taba ka rea, kaanga-Ku atuu. Hangano kanatuu saru luwuno wineweumiu anu mokoburu imehapuomo pedandia-Ku.

Yehesikieli 6:12

Mia anu olai ta mate hangano haki lele, anu umpeda ta tebangkuako ponai, ka mia anu tola saru tepekaria ta mate hangano mokoninggoa. Kanatuumo Aku motiio mosa'ono aroa-Ku ndi ondae.

Yehesikieli 8:18

Onaemo pu'uno Aku moweweu a laro ntekuda; Nahi Aku mompehohawa ka nahi Kumokoko'unduakono. Maupo dompeboo-booli ndi Ongkue suarado meroku, nahi Aku merorongeako ira.”

Imama 26:28

manasa Ongkue mbo'u ta lansara umewai komiu ka Ongkue-Ku humuku komiu meluka pepintu hangano halamiu.

Imama 26:41

ka Ongkue mbo'u umewai ira ka wawa ira a witano iwalido ke tewala lembuino aroado anu motea atuu metuunduomo ka dome'owahio salado,

Amosi 5:6

Ungke Iramo i Ue, ka komiu mentuwu, kasi Dotiuo inuleno i Yusupu anu piingko kana ikaano api, nahina anu mepateakono Beteli.

Sepanya 2:2

se'eluno napi pe'umbaako pompakosi ndi omiu, oleo anu telalo kana ota, se'eluno ihawe tekuda-Do i Ue anu tensila ndi omiu, se'eluno ihawe oleo pontekudaako-Do i Ue ndi omiu.

ROMA 2:25

Metindi lano hinao tuduno, tewala utondao songka Taura; sine tewala ulaloo songka Taura, ka petindimu nami hina mbo'u tuduno.

Winali 10:16

Onaemo pu'uno imebaliomo aroamiu ka siimo mbo'u impe'ulu watu.

Winali 30:6

Ondae i Ue, Ue Alamu Ira balio aroamu ka aroado inulemu, ranta kai mpehohawa Ira i Ue, Ue Alamu tompaano aroamu ka tompaano tinuwumu, kai mentuwu.

Winali 32:22

Hangano tekuda-Ku pinolangaomo api ka melanga hawe a mpo'iangado mia mate. Api atuu tumunuo tolino ka hasilino, mokomo'aio pu'uno luwuno torukuno.

KOLOSE 2:11

Ndi Ondae mentinindi komiumo, komba petindi anu wineweuno mia, sine pontindi-Do i Kerisituu, onaemo pololohia koroi anu tehala,