Yeremia 4:2 - Wunta Mempori

² Tewala a laro mpetenunu, moleoa, ka menteea upesumpa: A nee-Do i Ue anu tuwu!, asalakono luwuno tongku ira merinonso ndi Ondae ka mpo'unde ndi Ondae.”

Yeremia 4:2 ပူးပေါင်းရင်းမြစ်များ

Tegagia 22:18

Molalo inulemu luwuno tongku i tolino ira mpohawe ronso, hangano omue momperorongeako pau-Ku.”

1 Mokole 3:6

Ka i'amba motae i Salomo, ”Ipopokitaomo pompehohawa-Miu anu langkai ndi tetenaa-Miu i Daudi, amaku, hangano ondae tuwu metenunu i aro-Miu, mentee ka moleo aroado ndi Omiu. Omiumo mekariao pompehohawa-Miu anu langkai atuu ndi ondae ka ipoweeako ira asa ana anu mentoro a ngkadera poparentaa kana a oleo andio.

Po'unde-unde 72:17

Po'ineeomo neeno ka ipo'ia mpiha, po'ineeomo neeno ka itepahe teto'ori i larono oleo metanggolili. Po'ineeomo luwuno tongku mambe ronso a neeno, ka mpotaeakono me'ura.

Po'unde-unde 99:4

Omiu Mokole anu moroso, anu mongkekewoi songka, Omiumo anu kumorahakono menteea; songka ka moleoa i olodo inuleno i Yako, Omiumo anu weweuo.

Yesaya 45:23

Anee-Ku Ongkue-Ku mesumpa Akumo, inso a nganga-Ku meluarakoomo menteea, asa pau anu nahi ta pinokompokule mbo'u, ’Luwuno ira mpenggolontu i aro-Ku, ka luwuno elo mpesumpa mpetenunu anee-Ku,

Yesaya 45:25

sine luwuno inuleno i Isaraeli ira mpohawe moleoa ka mpo'unde ndi Ondae i Ue.’ ”

Yesaya 65:16

mia anu ta mohawe ronso i wita andio, ta mo'ema ronso me'empehiako Ondae Ue Ala anu mentee, ka mia anu ta mesumpa i wita andio, ta mesumpa me'empehiako Ondae Ue Ala anu mentee, hangano luwuno ma'isoa anu i ndi'ipua kinolupeomo, ka tewuniomo inso a pongkita-Ku.”

Yeremia 10:10

Sine Ondae i Ue ondaemo Ue Ala anu mentee, Ondaemo Ue Ala anu tuwu ka Mokole anu nahina tampulaano. Tolino lelu hangano tekuda-Do, ka luwuno tongku nahi domempolio a bamburu-Do.

Yeremia 12:15

Sine, mansano Kubuta ira, Aku wali mehohawa ira. Aku mokule ira singge mia a ntia pusakano ka witano.

Yeremia 12:16

Tewala mentee ntu'u dompepaguruakono sala ntumuwudo bawaa-Ku ka dompesumpa a nee-Ku, ’A nee-Do i Ue anu tuwu,’ kana'umpe domempaguru ira bawaa-Ku ka dompesumpa a neeno Baala, asalakono ira wali mewinangu i tonga-tongado bawaa-Ku.

Yeremia 16:19

Oo Ue, rosoku ka benteku, polaiaku a oleo pompema'isoku! Ndi Omiu ira me'aiwa tongku inso i tompano tolino saru mpotae, ”Mentee ntu'u, uempu'umami butu mpope'ue pinesombai nahi mentee, pinesombai nahina pengkonaano anu nahina tuduno.

Yeremia 3:17

I tempo atuu Yerusale ta pinau kadera poparentaa-Do i Ue, ka luwuno tongku ira mpepumpu i ra'ai, i Yerusale a nee-Do i Ue, ka nahi ira mpelelu tumondao aroado anu motea ka mosa'o.

Yeremia 33:9

Kota andio ta gagi nee anu mompokomawongko, inunde-unde ka pinelangkai ndi Ongkue i arono luwudo tongku i tolino anu rumongeomo mongkona luwuno moikoa anu Kuweweuo ndi ondae; ira ntededengke ka mpondidi-ndidi hangano luwuno moikoa ka manangaia anu Kuweweuo ndi ondae.

Yeremia 5:2

Maupo dompotae, ”A nee-Do i Ue anu tuwu,” mengkaano ondae mpesumpa nahi mentee.

Yeremia 7:5

Tewala mentee ntu'u impokomoikoo pelelumiu ka mentee ntu'u imeweweuo moleoa a mpe'asa miamiu,

Yeremia 9:24

Sine isema ineheno mo'unde, laluopo ipo'undeakono mongkona andio: nine onae mokonto'orio ka tumo'ori Aku, nine Ongkuemo Ue anu mopokitao pompehohawa, moleoa ka menteea i tolino; mentee ntu'u, luwuno atuu inehe-Ku, kanandiomo pau-Do i Ue.”

Hosea 2:19

Aku mokogagiko beine-Ku a laro mpetenunu, ranta kau to'ori Ira i Ue.

Yoeli 2:12

”Sine kanandio-andio,” kanandiomo pau-Do i Ue, ”pepokulemo ndi Ongkue tompaano aroamu, saru mepuasa, mengese ka monsabangi.”

Sakaria 8:8

Aku wawa ira mpekule, ka dompo'ia i tonga-tongano Yerusale. Ka ondae mbo'u ira megagi bawaa-Ku ka Ongkue ta gagi Ue Alado a laro mpetenunu ka menteea.”

Maleaki 1:11

Hangano mompu'u saba oleo hawe sumooano, nee-Ku langkai i olodo tongku. A sompo po'ianga ta pinesombaako dupa mana mo'ahi tiano nee-Ku ka pesomba kana mbo'u anu morina, hangano langkai nee-Ku i olodo tongku, pau-Do Ueno luwuakoano.

1 KORINTI 1:31

Onaemo pu'uno kana hinao teburi, ”Ba isema anu mawongko, po'ineeomo ka imawongko ndi Ondae i Ue.”

2 KORINTI 10:17

”Sine ba isema mawongko, ka imawongkomo ndi Ondae i Ue.”

GALATIA 3:8

Ka Wunta Mempori, anu se'eluno tumo'orio, nine Ondae Ue Ala mokomentee ira mia komba to Yahudi hangano pompe'ala-ala, tese'eluomo paleleo Lele Mawongkoa ndi Burahima, ”Hangano omue luwuno tongku ta rinonso.”

Winali 10:20

Asalakono imedoitoako Ira i Ue, Ue Alamiu. Ndi Ondae asalakono impesomba ka mpe'ini moroso, ka impesumpa a nee-Do.

Winali 4:30

Tewala lembuino omiu a laro masukaraa ka luwuno anu andio umalu komiu, onae kai mpepokule ndi Ondae i Ue, Ue Alamiu, ka mperorongeakono suara-Do.

Winali 6:13

Asalakono imedoitoako Ira i Ue, Ue Alamiu. Asalakono ndi Ondaemo impesomba ka asalakono impesumpa a nee-Do.

PILIPI 3:3

hangano ontaemo mia mpetindi, anu mpesomba hangano Penaa-Do Ue Ala, ka tompo'undeakono ndi Ondae i Kerisituu Yesu ka nahi tompe'ala-alao anu mongkona tuwu ntolino.

Ruti 3:13

Po'iamo wongi andio i ndi'ai. Tisomo mo'oru, ba ineheno tumolosiko, po'ineomo onae montolosi. Sine ba nahi behe tumolosiko, ongkuemo anu tumolosiko, ia nee-Do i Ue anu tuwu. Pepombole ka poturimo i ndi'ai ranta tisomo mo'oru.”

1 Samueli 20:3

Sine i Daudi mokomanasaakono aroano i Yonata, ipotae, ”Ondae amamu doto'orio ntu'u, omue tedoa moiko ndi ongkue, onaemo ka dopewowoloo, ’ka simansa tumo'orio i Yonata mongkona andio, ranta kai masusa aroano.’ Sine a nee-Do i Ue anu tuwu ka tuwumu, asa laampa'amokoa olono ongkue ka matea.”