Yeremia 4:1 - Wunta Mempori

¹ ”Tewala beheko mepokule, hei Isaraeli, kanandiomo pau-Do i Ue, Pepokulemo ndi Ongkue. Tewala beheko tumadi ira lahumoamu anu mokoburu inso i aro-Ku, siimo te'embi-embi!

Yeremia 4:1 ပူးပေါင်းရင်းမြစ်များ

Tegagia 35:2

Ka i'amba motae i Yako a luwuno pe'asa rahano ka luwuno mia anu perongano, ”Imentadio luwuno pinesombai susua anu kongko i olomiu, impokomemporiomo koroimiu ka ime'euomo sangkamiu.

2 Mokole 23:13

Ondae mokole mokoburutio luwuno pongku wita pesombaa anu kongko i sabaano oleo Yerusale i selatano Pongku wita Tekalea ka anu winanguno i Salomo mokole i Isaraeli, tiano i Asitore, mokoburua anu pinesombaido to Sidoni, ka tiano i Kamosi, mokoburua anu pinesombaido to Moabi, ka tiano i Milikomi, pontataa anu pinesombaido to Amoni.

2 Mokole 23:24

I Yosia mokotampula ira puu pompoboi onitu ka luwuno anu mpongkita anu ta gagi, saru mbo'u tinaha terapimi, luwuno lahumoa ka luwuno pinesombai mokoburu anu tengkita i wita Yehuda ka i Yerusale, anu tinoono umihiio pauno songka Taura anu teburi a wunta hinaweno sando mpesomba Hilikia a raha-Do i Ue.

2 Tawarika 15:8

Mansano rumongeo i Asa pau andio ka pe'oliwi-Do i Ue ndi nabi Asaria anano i Odedi atuu, ipokorosoo aroano ka itadio luwuno pinesombai mokoburua inso a luwuno wita Yehuda ka Benami, ka inso a luwuno kota anu pinongko'alano i mentorukuno Eparai. Ipokomoikoo meda pontunua pesomba ndi Ondae i Ue anu kongko i arono bolongko Raha Mempori-Do i Ue.

2 Tawarika 33:8

Nahi Aku weweu ira mbo'u to Isaraeli mpelanda mpeluarako inso i wita anu Kupatotoomo tiado uempu'umiu, polomo koa ka domeweweuo mpiha luwuno anu Kuparentaako iramo, luwuno songka, pompakosi ka atora, anu pinohaweno i Musa.”

2 Tawarika 34:33

I Yosia tumadio luwuno mokoburua inso a luwuno witado to Isaraeli ka tumena ira luwu mia anu kongko i Isaraeli mpesomba ndi Ondae i Ue, Ue Alado. Asa ntinuwuno i Yosia ondae mpetenunu tumonda Ira i Ue, Ue Alano uempu'udo.

Yesaya 31:6

Impepokulemo, hei to Isaraeli, ndi Ondae anu tedoa iramo pinebungkui!

Yeremia 15:19

Onaemo pu'uno kanandiomo pau-Do i Ue, ”Tewala inehemu mepokule, Aku mokuleko gagi puu pompekakaako-Ku, ka tewala mompauko hapa anu mentudu ka komba anu mokoburu, asalakono omue kogagi ponsombu elo ndi Ongkue. Maupo ira mpepokule ndi omue, omue siimo pepokule ndi ondae.

Yeremia 15:4

Aku mokogagi ira mongkokongiria a luwuno poparentaa i tolino, hangano i Manase anano i Hisikia, mokole i Yehuda, hangano luwuno anu wineweuno i Yerusale.”

Yeremia 18:11

Onaemo pu'uno, pauako iramo to Yehuda ka palilino Yerusale: Kanandiomo pau-Do i Ue: Menteeano, Ongkue tekonai mompatinda masolaamiu ka motudaakomiu tinoo. Asalakono omiu singge mia ka itepidi inso a mpeleluno anu mosa'o, impokomoikoomo pelelumiu ka poweweumiu!

Yeremia 24:9

Aku weweu ira gagi asa anu mongkokongirido luwuno poparentaa i tolino, gagi mokoko'iia ka pasinggiria, gagi tetewehia ka totonaa a luwuno po'ianga ba isua Kusiarawo ira.

Yeremia 25:5

Dompotae: Intepidimo singge mia inso a mpelelumiu anu mosa'o ka inso a luwuno wineweumiu anu mosa'o, ka impo'ia mpiha i wita anu Doweeakomiumo i Ue ka a uempu'umiu inso i ndi'ipua hawe nahina tampulaano.

Yeremia 3:1

Pau-Do, ”Tewala asa mia teposuaakono kombiano, ka beine atuu bintao ka i'amba gagi kombiano mia susua, ta mepokuleke onae a beine atuu? Kombake wita atuu mente ntu'u tesosa'ariomo? Monsosabokomo saru hadio kinekewoi, ka komepokule ndi ongkue? Kanandiomo pau-Do i Ue.

Yeremia 3:12

Lakomo ka pebooliakonomo luwuno pau andio i utara. Potaemo: Pepokulemo, hei Isaraeli anu mehapuakono pompe'ala-alano, kanandiomo pau-Do i Ue. Rupa-Ku nahi ta mo'oro ndi omiu, hangano Ongkue me'aroa; nahi Aku tekuda ranta nahina tampulaano, kanandiomo pau-Do i Ue.

Yeremia 3:14

Impepokulemo, hei nana'ote anu mehapuakono pompe'ala-alano, kanandiomo pau-Do i Ue, hangano Ongkuemo uemiu! Aku umalakomiu, asa mia inso a sompo kota ka orua mia inso a sompo sombori, ka Aku wawakomiu i Sioni.

Yeremia 3:22

Pepokulemo, hei nana'ote anu mehapuakono pompe'ala-alano! Aku mokotompa komiu inso a mpehapuamiu.” ”Ndio kamimo, me'aiwa kami ndi Omiu, hangano Omiumo Ue, Ue Alamami.

Yeremia 35:15

Nahi otu-otu Kutena ira tetenaa-Ku ndi omiu, luwuno nabi, mempauo: Impepokulemo singge mia inso a mpelelumiu anu mosa'o atuu, impokomoikoomo wineweumiu, si mpetonda a mpinesombai susua saru mpesomba ndi ondae, ka komiu koa mpo'ia mpiha i wita anu Kuweeakomiumo ka uempu'umiu. Sine nahi mebehe mpo'aroo birimiu ka nahi mebehe meronge Aku.

Yeremia 36:3

Tewala domerongeo suku Yehuda mongkona luwuno masolaa anu tinoo-Ku motiio ndi ondae, bara'ura ira singge ntepidi inso a mpeleludo anu mosa'o atuu, ranta ka Ku'oniniako ira sala ka halado.”

Yeremia 4:4

Tindiomo aroamu ndi Ondae i Ue, ka liahakonomo kulino anuno, hei to Yehuda ka palilino Yerusale, ka si tekuda-Ku montiu kana api, ka melanga nahi tepepate, hangano luwuno wineweumu anu mosa'o!”

Yeremia 7:3

Kanandiomo pau-Do Ueno luwuakoano, Ue Alado to Isaraeli: Pokomoikoomo pelelumu ka wineweumu, asalakono Aku mo'inee komiu mpo'ia a mpo'ianga andio.

Yeremia 7:5

Tewala mentee ntu'u impokomoikoo pelelumiu ka mentee ntu'u imeweweuo moleoa a mpe'asa miamiu,

Yeremia 7:7

asalakono Aku koa mo'inee komiu mpo'ia a mpo'ianga andio, ka wita anu Kuweeako iramo uempu'umiu, inso i ndi'ipua ranta nahina tampulaano.

Yehesikieli 11:18

Umarido mehawe i ra'ai, ira mpoko'olaio luwuno lahumoano ka luwuno wineweu anu mokoburu inso i wita atuu.

Yehesikieli 18:13

mompowee saru mo'ala bungano doi ka mo'ala tiangino, ka mia anu kanandio nahi ta tuwu. Luwuno mokoburua andio iweweuo, onaemo pu'uno onae asalakono mate; reano umaluo koroino onaeno.

Yehesikieli 43:9

Kanandio-andio, ira mpoko'olaio pebelesua ka wata ngkoroido luwuno mokoledo inso ndi Ongkue ka Aku mo'ia i tonga-tongado ranta nahina tampulaano.

Hosea 14:1

Samaria asalakono tumembio salano, hangano onae umewa ndi Ondae Ue Alano. Ira memateako ponai, luwuno anadalono ta pinerego ka luwuno beineno anu mentia ta binonsi kompono.

Hosea 2:2

kasi mansa Kulohuo sangkano ranta kai kolambe-lambe, ka mo'ineeo kana a oleo ipine'anaako, weweuo kana pada one, weweuo kana wita mokari, ka mo'ineeo kai mate mokoranga.

Hosea 7:16

Mpepokule ira sine komba ndi Ondae Anu i Wawono, ondae kana pana anu teposule pe'aroano; luwuno mia pinemota'udo ira memateako ponai, hangano elodo bukeako pontotonaa. Onaemo pasinggiri ndi ondae i wita Masiri te'ipua.

Yoeli 2:12

”Sine kanandio-andio,” kanandiomo pau-Do i Ue, ”pepokulemo ndi Ongkue tompaano aroamu, saru mepuasa, mengese ka monsabangi.”

Sakaria 1:4

Siimo imengkana uempu'umiu anu dompopoto'oriako ira nabi anu i ndi'ipua, kanandio: Kanandiomo pau-Do Ueno luwuakoano: Impepokulemo inso a mpelelumiu anu mosa'o ka wineweumiu anu mokoburu! Sine nahi domebehe merongeo ka nahi domebehe mperio Aku, kanandiomo pau-Do i Ue.

Winali 27:15

’Tetotonaaomo mia anu moweweu tinaha pina'o ke tinaha tinawa, aasa mokoburu-Do i Ue, wineweuno kaeno asa mia puu mpo'angga, ka montadeo mewuni-wuni.’ Luwuno tongku atuu, asalakono mpotae, ’Ami!’

Winali 4:30

Tewala lembuino omiu a laro masukaraa ka luwuno anu andio umalu komiu, onae kai mpepokule ndi Ondae i Ue, Ue Alamiu, ka mperorongeakono suara-Do.

Yosua 24:14

Gaagi kanandio, imedoitoako Iramo i Ue, ka impesombamo ndi Ondae ia memoleo ka petenunu. Ime'olaiakono luwuno pinesombaido ue mpu'umiu i asatowano koro Eparata ka Masiri, ka impesomba ndi Ondae i Ue.

Puu Mpobitara 10:16

Ka do'amba imeliahakono luwuno anu pinesombaido mia hawe atuu ka dowali mpesomba ndi Ondae i Ue, ranta kanami dopokotahao i Ue aroa-Do kumitao masukarado to Isaraeli.

1 Samueli 7:3

Ka i'amba i Semueli motaeako ira luwudo to Isaraeli, ”Tewala komiu mpepokule ndi Ondae i Ue a bobotolino aroamiu, imeliahakono luwuno anu pinesombaido mia hawe ka i Asitore inso i olomiu ka impo'asao aroamiu ndi Ondae i Ue. Butu ndi Ondae pesombaamiu, ka Ondae i Ue Ira motolakomiu inso a ngkaedo to Pelisiti.”