Yeremia 38:4 - Wunta Mempori

⁴ Ka i'amba luwuno mia pinemota'u mpotae ndi mokole, ”Po'ineeomo mia andio ihinuku mate! Hangano, menteeano pau anu kanatuu onae mokomolusao rosodo sorodadu anu da mentuwu i kota andio ka rosodo palili. Mentee ntu'u, mia andio nahi po'ungkeaono manangaino tongku andio, tendeano masolaa.”

Yeremia 38:4 ပူးပေါင်းရင်းမြစ်များ

1 Mokole 21:20

Motae i Ahabi ndi Elia, ”Gagi uhawe akumo, hei iwaliku?” Sumangki, ”Lano kuhawekomo, hangano upe'ataomo karoimu moweweu anu mosa'o a pongkita-Do i Ue.

2 Tawarika 24:21

Sine, ntepo'asa ira umewaio, ka i'amba a mparentano mokole domewunoakono watu a kintalano raha-Do i Ue.

Esera 4:12

Moikoano kai to'orio mokole, nine luwudo to Yahudi, anu mpelungka inso a mpo'iangamiu ueku aiwa a mpo'ianga mami, mehawe iramo i Yerusale. Ondae kontongaado wali mpowangu kota anu inehedo mpe'ewa ka mosa'o gaudo atuu. Ondae kontongaado mpopoko'umari powangua rere watu ka mpokomoikoo pondasino.

Nehemia 6:9

Menteeano luwudo inehedo mpokodoito kami, pinewowolodo, ”Ira mpo'ineeo anggaa atuu ranta nahi pinoko'umari.” Sine ongkue me'o'osu aku ntu'u tompaano rosoku.

Peluarakoa 5:4

Sine ipotae mokoledo to Masiri ndi Musa ka ndi Haruni, ”Tembio ka iweweu ira tongku atuu mpebungkuio anggaado? Ilakomo umanggao anggaamiu!”

Yeremia 11:21

Onaemo pu'uno kanandiomo pau-Do i Ue mongkona luwuno to Anatoti anu inehedo mpepate aku saru mpotae, ”Si pompau anu ta gagi a nee-Do i Ue, ka si umate a ngkaemami!”

Yeremia 18:23

Sine Omiu, oo Ue, Omiu tumo'orio luwuno tinoodo mingki mpepate aku. Siimo I'oniniako ira salado, ka siimo Ipahihio halado inso i aro-Miu, sine po'ineeomo dontetidu i aro-Miu; a oleo tekuda-Miu Iweweuo ndi ondae!

Yeremia 26:11

Ka i'amba luwuno sando mpesomba ka luwuno nabi mpotae a luwuno mia pinemota'u ka luwuno palili atuu, kanandio, ”Mia andio tekona ihinuku mate, hangano onae mompauomo anu ta gagi mongkona kota andio, kana anu imerongeakono birimiu.”

Yeremia 29:7

Weweumo manangaiano kota ba isua Kutadi komiu, ka impekakaimo ndi Ondae i Ue tiano kota atuu, hangano manangaiano onaemo manangaiamiu.

Yeremia 38:16

Ka i'amba mokole Sedekia mewuni-wuni mesumpa ndi Yeremia, kanandio, ”A nee-Do i Ue anu tuwu anu moweeakitamo penaa andio, nahi aku mepateko ka nahi aku meweengakomu a ngkaedo mia anu mpomporaakono penaamu.”

Yeremia 38:25

Tewala domerongeo mia pinemota'u nine mepau akumo saru omue, ka do'amba me'aiwa ndi omue ka mpotae, ’Pauakamimo hapa anu pinaumu ndi mokole ka hapa anu pinaudo mokole ndi omue. Si powuniakami, ka si kimpepateko’,

Yeremia 43:3

Manasa i Baruki anano i Neria anu mosingkiko umewai kami saru tinoo meweengako kami a ngkaedo to Kasidimi, ka dompepate kami ke mewawa kami a laro pontadia i Babeli.”

Yehesikieli 22:27

Luwuno mia pinemota'u i tonga-tongano kana serigala anu momperangkami kaangano ka ipo'uwu rea ka mompepate mia hangano ime'uraakono koroino onaeno.

Amosi 7:10

I Amasia sando mpesomba i Beteli, montena mia lumako ndi Yerobea, mokole i Isaraeli, saru pe'oliwi, ”I Amosi moweweuomo tepo'asaa umewai komiu ueku i tonga-tongano tongku Isaraeli; wita andio nahi pokompeteao mbo'u a luwuno pinauno.

I LUKASI 23:2

I tu'ai mpompu'u iramo tumuluri Ira, dompotae, ”Kimehaweomo, nine mia andio mokontesaa ira tongkumami, ka umonto ira mpo'owahi sima'ulu a Datu, ka mongkona koroi-Do Dopotae, nine Ondaemo i Kerisituu, anu Mokole.”

WINEWEUDO TINENA 16:20

Mansado winawa orua ira i arodo anu langkai potorodo a ngkota atuu, dompotae, ”Mia andiodo morisui a ngkotato andio, hangano ondae to Yahudi,

WINEWEUDO TINENA 17:6

Sine mansano nahi domehawe ira, domerendeo i Yasoni ka ba opia ira pepaekompo i arodo anu langkai potorodo a ngkota, saru mpebooli, ”Mia anu mpopokomarisu i asa wawontolino mehawe ira koa mbo'u ramai,

WINEWEUDO TINENA 24:5

Mengkaaomo ndi omami, nine mia andio onaemo haki lele, asa mia anu mompokomarisu i olodo luwuno to Yahudi i asa wawontolino anu mponto'ori gau, ka nine onae asa mia petewawado mia Sarani.

WINEWEUDO TINENA 28:22

Sine mingki kami merongeo inso ndi omue, ba kana'umpe pompewowolomu, hangano mongkona pompaguru andio kimento'orio, nine isua-suamo koa onae inewai.”