Yeremia 38:2 - Wunta Mempori

² ”Kanandiomo pau-Do i Ue: Isema anu mo'ia a ngkota andio ta mateako ponai, mokoninggoa ka haki lele. Sine, isema anu lumako a nto Kasidimi, onae ta kongko tuwu. Penaano onaeno anu kinaduduino ka onae kongko tuwu.

Yeremia 38:2 ပူးပေါင်းရင်းမြစ်များ

Yeremia 21:4

Kanandiomo pau-Do i Ue, Ue Alado to Isaraeli: Menteeano, Aku mosuleo parewa mpetea a ngkaemiu, anu pinakemiu mpetea umewaio mokole i Babeli ka luwuno to Kasidimi anu mengkadu komiu i bungkuno rere watu. Aku pumpuo i tonga-tongano kota andio.

Yeremia 24:8

Sine, kanandiomo pau-Do i Ue: Mentee ntu'u, kana wua ara mosa'o atuu anu nahi pinokongkaa hangano mosa'o, kanatuumo Aku weweuo i Sedekia, mokoledo to Yehuda, saru luwuno mia pinemota'uno, ka luwuno toreano palilino Yerusale anu da mpo'ia i wita andio ka anu rodo i wita Masiri.

Yeremia 27:11

Sine tongku anu behe numaao banga we'uno a ntoto pasangano mokole i Babeli ka metuundu ndi onae, Aku mo'ineeo kongko i witano, kanandiomo pau-Do i Ue, ira me'anggao ka mpo'ia i ra'ai.”

Yeremia 27:13

Tembio omue ka palilimu asalakono memateako ponai, mokoninggoa ka haki lele kana anu pinau-Do i Ue mongkona tongku anu nahi behe metuundu ndi mokole i Babeli atuu?

Yeremia 29:16

Mentee ntu'u, kanandiomo pau-Do i Ue mongkona mokole anu mentoro a wawo ngkadera poparentaano i Daudi ka mongkona luwuno palili anu mpo'ia i kota andio, luwuno pepaekompomiu anu nahi dompeluarako mperonga omiu melako a pontadia:

Yeremia 29:18

Aku lumampuiako ira ponai, mokoninggoa ka haki lele. Aku weweu ira gagi mongkokongirido luwuno poparentaa i tolino, gagi totonaa, doitoa, pasinggiri ka mokoko'iia i olodo luwuno tongku ba isua Kusiarawo ira.

Yeremia 34:17

Onaemo pu'uno kanandiomo pau-Do i Ue: Omiu nahi meronge Aku nine sompo mia asalakono mopoto'orio pompotolaa a mpe'asa miano ka a mpepaekompono. Onaemo pu'uno, Ongkue mopoto'oriakomiu pompotolaa, kanandiomo pau-Do i Ue, ka ipineweengako a mponai, haki lele ka mokoninggoa. Aku weweu komiu gagi mongkokongiriado luwuno poparentaa i tolino.

Yeremia 39:18

tendeano, manasa Aku motolako. Omue nahi kotebangkuako ponai; penaamu ta kinadudui, hangano omue mompe'ala-ala ndi Ongkue, kanandiomo pau-Do i Ue.”

Yeremia 42:17

Luwuno mia, anu montoo ta lumako i Masiri ta mo'ia gagi mia hawe i ra'ai, ta mate hangano ponai, mokoninggoa ka haki lele; maupo te'asa mia inso ndi ondae nahina anu mokotola inso a masolaa anu Kupotiio ndi ondae.

Yeremia 42:22

Onaemo pu'uno, penootiomo tementee, nine komiu memate hangano ponai, mokoninggoa ka haki lele a mpo'ianga anu kinekewoimiu komiu mpo'ia gagi mia hawe i ra'ai.”

Yeremia 44:13

Aku humuku ira anu mpo'ia i wita Masiri, mengkena kana Kuhukuomo Yerusale, onaemo saru ponai, mokoninggoa, ka haki lele.

Yeremia 45:5

Nde kana'umpe omue umungke ira anu langkai tiamu omuemu? Si ungkeo! Hangano, menteeano, Aku mompotii masolaa a luwuno anu tuwu, kanandiomo pau-Do i Ue, sine penaamu omuemu Aku dumagaio a luwuno po'ianga maupo ba isua ulako.”

Yehesikieli 14:21

Menteeano, kanandiomo pau-Do Ue Ala: Laluaopo mongkokongiri mbo'u, tewala Kupotiio ponai, mokoninggoa, kondehora lambaha, ka haki lele, opaa pohuku-Ku anu mobea, i Yerusale mokotampulao mia ka kondehora i ra'ai!

Yehesikieli 6:11

Kanandiomo pau-Do Ue Ala, ”Pontopamo, petundoakono karumu, ka pebooliakonomo: Petangkoro! Hangano luwuno wineweudo suku Isaraeli anu mokoburu ka mosa'o, ira memate tebangkuako ponai, mokoninggoa, ka haki lele.

Yehesikieli 7:15

Ponai kongko i bungkuno kota, haki lele ka mokoninggoa kongko i larono. Ba isema i bungkuno kota ta mateako ponai, ka ba isema i laro kota ta mate hangano mokoninggoa ka haki lele.