Yeremia 3:9 - Wunta Mempori

⁹ Hangano moruanano mebelesu, isosa'ario wita. Onae monsosaboako mompesombai watu ka keu.

Yeremia 3:9 ပူးပေါင်းရင်းမြစ်များ

Yesaya 57:3

Sine omiu, imperangkuhakomo ramai, hei anado beine puu ponsihiri, hei inuleno mia anu monsosabo ka beine belesu!

Yesaya 57:6

Tiamu kongko ia watu-watu molori a ngkorono, ka butu koa ondae anu pinakosi tiamu; ndi ondae koa mbo'u utawao pesomba tinawa, ka mompesombaako pesomba kaanga. Nde asalakonoke Aku sabara mongkona atuu?

Yeremia 10:8

Lahumoa atuu luwuno benge-benge ka monge-monge; pontisodo nahina tuduno; onae butu koa keu.

Yeremia 16:18

Amba-ambano Aku humukuo sala mpoweweu ka halado meluka mpendua hangano wita-Ku domengkokoburutiakonomo wata ngkoroino lahumoado anu mokoburu ka mebuketiakono wita-Ku wineweudo anu mokoburu.”

Yeremia 2:27

Dompotae a asa mpole keu: Omuemo amaku! ka a watu: Omuemo anu me'anaakune! Mentee ntu'u, dompebungkui Aku ka nahi dompewolili ndi Ongkue. Sine, mansano umalu ira masolaa mpotae ira: Oo, Ikadudui kamimo!

Yeremia 2:7

Kuwawa komiu a wita anu mewalo ka imperapio wuano ka luwuno anu moiko inso ndi onae. Sine mansamiu mpewinso, imengkokoburutio wita-Ku; wita-Ku imeweweuomo gagi mokoburua.

Yeremia 3:2

Pengkitamo ngkoraane a luwuno pongku londa ka kitaomo! A mpo'ianga isua nahi upinewowaliako? A luwuno wiwi nsala omue mentoro monsikori kinekewoimu, kana asa mia puu mporontu i pada one. Wita usosa'ariakonomo ponsosabomu ka saru wineweumu anu mosa'o.

Yehesikieli 16:17

Omue umala ira mbo'u peramba-rambamu anu wineweu inso a wulaa ka salaka anu Kuweeakomu, ka u'amba weweu ira tinaha tama ka upebelesu saru ondae.

Yehesikieli 23:10

Ondae mesungkeo pinekaria winunino, luwuno anano tama ka beine merinako ka onae pinepateako ponai. Hangano kanandio onae gagi wua wiwido beine hangano pohuku dinontaiomo ndi onae.

Yehesikieli 23:21

Omue mosisiriakono mokoburua tempo da umongura, tempono to Masiri me'ini-inio radamu ka mempisi-pisio wua rada ana beinemu.

Yehesikieli 23:3

Ondae mebelesu i Masiri, ondae mebelesu i tempono da domemongura. I ra'ai wua radado pinisi-pisi, radado da moondo inini-ini.

Hosea 2:2

kasi mansa Kulohuo sangkano ranta kai kolambe-lambe, ka mo'ineeo kana a oleo ipine'anaako, weweuo kana pada one, weweuo kana wita mokari, ka mo'ineeo kai mate mokoranga.

Hosea 4:12

Bawaa-Ku mpesikeno a ngkeuno, ka tukono moweeakono sangkino, hangano penaa ponsosaboa mokopansia ira, ka ondae mponsosabo binta Ira Ue Alado.

Yoeli 1:19

Ndi Omiu, oo Ue, aku mebooli, hangano pingkoomo ikaano api wita pompakambia i pada one, ka langano api mokomo'aio luwuno keu a ntonga mpada.

Habaku 2:19

Masola ntu'u mia anu mepau a ngkeu asa mpole, ”Pelikemo!” ka a asa watu beebe nahi pepau, ”Pewangumo!” Kana'umpe ka ipokompopaguru? Lano onae mewaluako wulaa ka salaka, sine nahina ntu'u penaa i larono.

I MATIU 5:32

Sine Kupauakomiu: Sompo mia anu teposuaakono beineno sangkadio hangano monsosabo, onaemo weweuo beineno ka iponsosabo; ka isema anu kumombiao beine anu tineposuaako, onae monsosabo.