Yeremia 3:8 - Wunta Mempori

⁸ Ikitao nine hangano ponsosabono Kupensuaakonomo i Isaraeli anu mehapuakono pompe'ala-alano atuu, ka moweeakono wunta teposuaa. Sine i Yehuda, pepaekompono beine anu nahi petenunu atuu, nahi doito, tendeano lumako mbo'u mebelesu.

Yeremia 3:8 ပူးပေါင်းရင်းမြစ်များ

2 Tawarika 21:11

Ka iweweuo mbo'u luwuno pompesombaia a luwuno torukuno i Yehuda. Onae weweu ira palili i Yerusale mponsosabo ka onae mokopansia ira to Yehuda.

Yesaya 50:1

Kanandiomo pau-Do i Ue, ”Nde isuaomoke wunta teposuano inemu tondonino Kusaariomo? Ke ndi semake i olodo puu ponsinga-Ku Kuhori umasako? Menteeano, hangano salamu omuemu ka imempinoko'asa ka hangano salamu omuemu inemu sinaari.

Yeremia 2:19

Pelelumu anu mosa'o ta humukuko, ka ipehapuakono pompe'ala-alano ta bongoko! To'oriomo ka kitaomo, tedoa mosa'o ka mopa'ino tempono ubinta Ira i Ue, Ue Alamu; ka nahi udoito ndi Ongkue, kanandiomo pau-Do i Ue Alano luwuakoano.

Yeremia 3:1

Pau-Do, ”Tewala asa mia teposuaakono kombiano, ka beine atuu bintao ka i'amba gagi kombiano mia susua, ta mepokuleke onae a beine atuu? Kombake wita atuu mente ntu'u tesosa'ariomo? Monsosabokomo saru hadio kinekewoi, ka komepokule ndi ongkue? Kanandiomo pau-Do i Ue.

Yeremia 33:24

”Nahi upekokoongakonoke hapa anu pinaudo mia andio: Orua suku poparentaa anu bininiki-Do i Ue atuu nami Dotarimao? Ba kanandio domempokongkodei iramo bawaa-Ku ka merekeo komba asa tongku mbo'u.

Yeremia 5:7

Tewala kanatuu, kana'umpe Aku umampuniko? Luwuno anamu domebinta Akumo, ka mpesumpa a neeno anu komba Ondae Ue Ala. Umarino Kupokomowohi ira, ondae mponsosabo ka mperonga-ronga melako a raha mpebelesua.

Yehesikieli 16:46

Akamu anu lalu te'aka onaemo Samaria, anu mo'ia saru luwuno anano beine te'alaako i utaramu, ka akamu anu lalu mongura onaemo Sodomo, anu mo'ia saru luwuno anano beine te'alaako i selatamu.

Yehesikieli 16:47

Kombake omue tuwu montonda peleludo ka weweuo luwuno wineweudo anu mokoburu, tendeano nahi ta tehine mbo'u omue moweweu laluaopo mosa'o sekono ondae a laro luwuno ntumuwumu.

Yehesikieli 16:51

Samaria nahi poweweu maupo entongano inso a luwuno halamu, tendeano omue moweweu hadioopo mokoburua sekono ondae orua ira, ranta saru luwuno mokoburua anu wineweumu, omue weweu ira akamu beine tengkita mentee.

Yehesikieli 23:44

Ondae me'aiwa ndi onae kana mia aiwa a beine belesu. Kanatuumo dome'aiwa ndi Ohola ka ndi Oholiba, beine mokoburu atuu.

Yehesikieli 23:9

Onaemo pu'uno, onae Kupeweengakono a ngkaedo kinekewoino, a ngkaedo to Asuri ndi sema imingki mewowaliakono.

Hosea 3:4

Hangano to Isaraeli ta tehine domentuwu nahina mokole, nahina petewawa, nahina pesomba, nahina tugu lahumoa, nahina epo ka terapimi.

Winali 24:1

Tewala asa tama mo'ala asa beine ka igagi tamano, sine lembuino nami pekonoo mbo'u beine atuu, hangano ihaweo anu nahi penunu ndi onae. Ka i'amba moburi wunta teponsuaa ka ipeweengakono a ngkaeno beine atuu, ka itenao lumako inso i rahano.

Winali 24:3

Tewala tama anu lembuino andio nami behe mbo'u, ka i'amba moburi wunta teposua ka ipeweengakono a ngkaeno beine atuu kai tenao meluakoro inso i rahano, ke ba tama anu lembuino umalao gagi kombiano atuu mate,