Yeremia 3:2 - Wunta Mempori

² Pengkitamo ngkoraane a luwuno pongku londa ka kitaomo! A mpo'ianga isua nahi upinewowaliako? A luwuno wiwi nsala omue mentoro monsikori kinekewoimu, kana asa mia puu mporontu i pada one. Wita usosa'ariakonomo ponsosabomu ka saru wineweumu anu mosa'o.

Yeremia 3:2 ပူးပေါင်းရင်းမြစ်များ

Tegagia 38:14

ilohuo sangka tuwu beineno, mompake tutuwi rupa ka mesoumbu. Ka i'amba lumako mentoro a mpewowa mewinso i Enaimi anu po'iangano a nsala lumako i Timina, hangano ikitao nine i Siela sompoomo tinuwuno, sine onae nahi pinokogagi beineno i Siela.

1 Mokole 11:3

Onae pitu etu kombiano inso a ulea mokole ka tolu etu samburueno. Kombiano atuudo mokopansiao aroano.

2 Mokole 23:13

Ondae mokole mokoburutio luwuno pongku wita pesombaa anu kongko i sabaano oleo Yerusale i selatano Pongku wita Tekalea ka anu winanguno i Salomo mokole i Isaraeli, tiano i Asitore, mokoburua anu pinesombaido to Sidoni, ka tiano i Kamosi, mokoburua anu pinesombaido to Moabi, ka tiano i Milikomi, pontataa anu pinesombaido to Amoni.

Po'unde-unde 106:38

ka mpo'uwu reano mia anu nahina salano, reano nana'ote ntama ka nana'ote beinedo, anu pinesombaakodo a luwuno lahumoado to Kana'a, onaemo pu'uno wita atuu ka itesosa'ai hangano pasua rea.

Powadi 23:28

Tendeano, kana puu porontu ipontowoki, ka mokohadioo anu mohapu pedandia i olodo mia.

Powadi 7:11

hadio mpau ka lansara beine andio, karuno nahi pokorodo i raha,

Yeremia 12:12

Anu mponsolangi mehawe iramo ntelaloio luwuno pongku londa i pada one, hangano ponai-Do i Ue mompepate inso i tompano wita anu asa hawe a tompano susuano; nahina rodoa a luwuno anu mentuwu.

Yeremia 2:20

Hangano mompu'u i ndi'ipua upuduomo pasangamu, ka biteo koloro tanggomu. Upotae: Nahi kubehe mbo'u pine'ata. Mentee ntu'u i wawono sompo pongku anu kontasi-tasi ka i totono sompo keu anu marombo omue mepombole ka mebelesu.

Yeremia 2:23

Nde kana'umpe ka upotae: Nahi kuhori mokoburutio koroiku, nahi kuhori tumonda ira Baala? Kitaomo pelelumu i lembono, to'oriomo hapa anu umari wineweumu: hei unta waino anu melulu-lulu ngkoraane ngkoramai,

Yeremia 2:7

Kuwawa komiu a wita anu mewalo ka imperapio wuano ka luwuno anu moiko inso ndi onae. Sine mansamiu mpewinso, imengkokoburutio wita-Ku; wita-Ku imeweweuomo gagi mokoburua.

Yeremia 3:1

Pau-Do, ”Tewala asa mia teposuaakono kombiano, ka beine atuu bintao ka i'amba gagi kombiano mia susua, ta mepokuleke onae a beine atuu? Kombake wita atuu mente ntu'u tesosa'ariomo? Monsosabokomo saru hadio kinekewoi, ka komepokule ndi ongkue? Kanandiomo pau-Do i Ue.

Yeremia 3:13

Polomo koa akuiomo salamu, nine u'ewai Iramo i Ue, Ue Alamu. Utia-tiaomo pongkekewoimu a luwuno pinesombaido mia mehawe a ntoto sompo keu anu marombo, ka nahi perorongeakono pau-Ku, kanandiomo pau-Do i Ue.”

Yeremia 3:21

Rongeo! A wawo luwuno pongku londa teronge pengesedo nana'ote Isaraeli anu mpo'ema ntu'u, hangano mpobiniki iramo sala anu tesaa, ka kumolupe Ira i Ue, Ue Alado.

Yeremia 3:9

Hangano moruanano mebelesu, isosa'ario wita. Onae monsosaboako mompesombai watu ka keu.

Yeremia 7:29

Keruomo wuu a ulumu ka tadiomo! Ponsabangimo a luwuno pongku londa, hangano nami Dotarimao i Ue ka tumadio inule anu kona tekuda-Do!

Yehesikieli 16:16

Omue umala ira sangkamu poweweu luwuno po'ianga pompelangkaia anu mesora-sora ka u'amba mebelesu i tu'ai. Mongkona kanatuu napi hori gagi ka nahi ta gagi mbo'u.

Yehesikieli 20:28

Umarino Kuwawa ira i wita anu Kudandiakono sumpa Aku weeako ira, tendeano ondae mpengkita a sompo pongku anu mantande ka sompo keu anu marombo, ka i'amba pinesombaako luwuno pesombado i ra'ai ka mpompowee pesomba anu mompokotesingka tekuda-Ku. I ra'ai ondae mpohaweo mbo'u luwuno pesomba anu mana mo'ahi ka mpesombaakono luwuno pesomba tinawado a mpo'ianga atuu.

Hosea 2:5

Onaemo pu'uno, menteeano Aku umolotiakono ewo rui salano, ka mompontade rere watu umukoo, ranta nahi pokompohawe salano.

I LUKASI 16:23

Mia kaea mbo'u atuu mate, ka i'amba kinaburu. Ka kontongaano mompemarasai a mpo'iangado mia mate ka ipentombu, inso olai ikitao i Burahima, ka i Lasaru mentoro i'awio.

Winali 12:2

Asalakono imeropu ira ntu'u luwuno po'ianga pesombaa anu pinesombaido tongku anu liniahakomiu atuu, moiko a ntorukuno ondau, a pongku wita ka i totono sompo keu anu marombo.