Yeremia 3:1 - Wunta Mempori

¹ Pau-Do, ”Tewala asa mia teposuaakono kombiano, ka beine atuu bintao ka i'amba gagi kombiano mia susua, ta mepokuleke onae a beine atuu? Kombake wita atuu mente ntu'u tesosa'ariomo? Monsosabokomo saru hadio kinekewoi, ka komepokule ndi ongkue? Kanandiomo pau-Do i Ue.

Yeremia 3:1 ပူးပေါင်းရင်းမြစ်များ

Po'unde-unde 106:38

ka mpo'uwu reano mia anu nahina salano, reano nana'ote ntama ka nana'ote beinedo, anu pinesombaakodo a luwuno lahumoado to Kana'a, onaemo pu'uno wita atuu ka itesosa'ai hangano pasua rea.

Yesaya 24:5

Tolino mokoburu hangano palilino, hangano ondae mpolingei songka, mpolimpa'i pompakosi ka mehapuo pedandia nahina tampulaano.

Yeremia 2:20

Hangano mompu'u i ndi'ipua upuduomo pasangamu, ka biteo koloro tanggomu. Upotae: Nahi kubehe mbo'u pine'ata. Mentee ntu'u i wawono sompo pongku anu kontasi-tasi ka i totono sompo keu anu marombo omue mepombole ka mebelesu.

Yeremia 2:23

Nde kana'umpe ka upotae: Nahi kuhori mokoburutio koroiku, nahi kuhori tumonda ira Baala? Kitaomo pelelumu i lembono, to'oriomo hapa anu umari wineweumu: hei unta waino anu melulu-lulu ngkoraane ngkoramai,

Yeremia 2:7

Kuwawa komiu a wita anu mewalo ka imperapio wuano ka luwuno anu moiko inso ndi onae. Sine mansamiu mpewinso, imengkokoburutio wita-Ku; wita-Ku imeweweuomo gagi mokoburua.

Yeremia 22:20

Pewuatakomo i Libano ka peboolimo! Poporongeomo suaramu i Basani! Peboolimo inso i Abarimi, hangano luwuno pinehohawamu tampulaomo!

Yeremia 3:22

Pepokulemo, hei nana'ote anu mehapuakono pompe'ala-alano! Aku mokotompa komiu inso a mpehapuamiu.” ”Ndio kamimo, me'aiwa kami ndi Omiu, hangano Omiumo Ue, Ue Alamami.

Yeremia 3:9

Hangano moruanano mebelesu, isosa'ario wita. Onae monsosaboako mompesombai watu ka keu.

Yeremia 31:22

Opiapo mbo'u tehineno unanta-nanta, hei ana beine anu mebungkui Ira i Ue? Mentee ntu'u, Ondae i Ue mompokogagi asa anu wo'ohu i wita andio kana pelempano beine mongkopui tama.”

Yeremia 4:1

”Tewala beheko mepokule, hei Isaraeli, kanandiomo pau-Do i Ue, Pepokulemo ndi Ongkue. Tewala beheko tumadi ira lahumoamu anu mokoburu inso i aro-Ku, siimo te'embi-embi!

Yeremia 4:14

Pokomorinaomo aroamu inso a wineweu mosa'o, hei Yerusale, ka ukinadudui! Opiapo mbo'u tehineno ipo'ia i laro aroamu luwuno tinoomu anu mosa'o?

Ponsabangi 1:2

Ia wongi onae sensedu mengese, uwoi matano tewaa a kombisi; inso a luwuno pinehohawano, nahina maupo te'asa mia anu tumareroo. Luwuno walino nahi dompetenunu, ondae megagi iwalino.

Yehesikieli 16:26

Omue mebelesuako to Masiri, pehori rahamu, anu langkai anuno atuu, onaemo ka iteti-tetiangi pebelesumu, ka mokotesingkao tekuda-Ku.

Yehesikieli 16:30

Langkai ntu'u po'eheno koroimu atuu, kanandiomo pau-Do Ue Ala, omue anu weweuo luwuno andio, poweweuno asa beine belesu tinutundali.

Yehesikieli 16:35

Onaemo pu'uno, hei beine belesu, rongeomo pau-Do i Ue!

Yehesikieli 33:11

Pauako iramo: Hangano Ongkue anu tuwu, kanandiomo pau-Do Ue Ala, nahi Kupe'eheo mateno mia mosa'o gauno, tendeano inehe-Ku a mpepokuleno mia mosa'o gauno atuu inso a nsala ntumuwuno ka ituwu. Pepokulemo, Pepokulemo inso a nsala ntumuwumu anu mosa'o wineweumu atuu! Tembio ka i'asalakono komiu memate, hei suku Isaraeli?

Hosea 1:2

Tempono Ondae i Ue mompu'u mepau molalo i Hosea, mepau Iramo ndi Hosea, ”Lakomo, kombiaomo asa beine belesu ka pe'ue iramo ana belesu, hangano wita andio inehedo mpebelesu saru mpebungkui Ira i Ue.”

Hosea 2:2

kasi mansa Kulohuo sangkano ranta kai kolambe-lambe, ka mo'ineeo kana a oleo ipine'anaako, weweuo kana pada one, weweuo kana wita mokari, ka mo'ineeo kai mate mokoranga.

Mika 2:10

Lakomo pontuturako, hangano andio komba po'ianga penaa-naaa, hangano mokoburua anu mompepate, ka mateano nahi tepomule.

Sakaria 1:3

Onaemo pu'uno, pauako iramo: Kanandiomo pau-Do Ueno luwuakoano: Impepokulemo ndi Ongkue, kanandiomo pau-Do Ueno luwuakoano, ka Ongkue mbo'u mepokule ndi omiu, pau-Do Ueno luwuakoano.

I MATIU 5:31

Pinauomo mbo'u: Isema anu teponsuaakono beineno asalakono ipoweeakono wunta teposuaa.

Winali 22:21

asalakono ana beine winawa meluarako i arono pewowa rahano amano. Luwuno tama pe'asa kotano asalakono mewunoakono watu, ranta kai mate, hangano mebelesu i rahano amano. Gagi isosa'ai iramo to Isaraeli. Kanatuumo asalakono ime'oninio anu mosa'o inso i tonga-tongamiu.

Puu Mpobitara 19:2

Sine samburueno atuu nahi moleo ndi onae, lumako ndi amano i Beteleme-Yehuda opaa wula tehineno.