Yeremia 27:9 - Wunta Mempori

⁹ Gagi, siimo imperorongeako ira nabimiu, anu hadio tino'orino, puu mpo'ipi, anu mompau nahi manasa ta gagi, puu ponsihirimiu anu mpotae ndi omiu, ’Si mebehe mpetuundu ndi mokole i Babeli!’

Yeremia 27:9 ပူးပေါင်းရင်းမြစ်များ

Peluarakoa 22:18

”Asa mia beine pande sihiri si po'ineeo tuwu.

Peluarakoa 7:11

Ka i'amba i Pirao moboi ira mia anu mpoto'ori ka pande sihiri to Masiri ka dompoweweu mbo'u anu kanantuu, montonda ponto'orido.

Powadi 19:27

Hei anaku, siimo mbo'u poronge pompaguru tewala omue pansia mbo'u inso a luwuno pau anu mompowee ponto'ori.

Yesaya 8:19

Ka tewala mia mpotae ndi omue, ”Po'emamo pontiso a onitu ka luwuno penaa anu mompau nahi manasa ta gagi anu metanga-tanga ka momuti-muti,” ka sangkiomo, ”Kombake asa tongku tekona mo'ema pontiso a mpinesombaino? Nde asalakonoke ira mpo'ema pontiso a mia mate tiano mia tuwu

Yeremia 14:14

Sumangki Ira i Ue ndi ongkue, ”Nabi atuudo mpompau anu nahi mentee ta gagi a nee-Ku! Nahi Kutena ira, nahi Kuparenta ira, ka nahi Kupepau ndi ondae. Ondae mpompau anu ta gagi ndi omiu pongkita nahi mentee, mpompau mooa ka pompopo'oono aroano onaeno.

Yeremia 23:16

Kanandiomo pau-Do Ueno luwuakoano, ”Siimo perorongeakono pinaudo luwuno nabi anu mpompau anu ta gagi ndi omue! Ondae butu mpoweeakomu pomperorohia anu nahina pengkonaano, ka mpohaweo pongkita pohaweno aroado ondaedo, komba hapa anu meluarako inso a nganga-Do i Ue.

Yeremia 23:25

Kurongeomo hapa anu mempinaudo nabi, anu mpompau nahi mentee a nee-Ku saru mpotae: Mo'ipi akumo, mo'ipi akumo!

Yeremia 23:32

Menteeano, Aku umewai ira anu mpompau luwuno mo'ipi pegaupi, kanandiomo pau-Do i Ue ka anu tumutuluo ranta bawaa-Ku ntesaaako pegaupido ka mpompaudo anu nahi mentee. Nahi Kuhori tumena ira ka nahi Kuhori parenta ira. Ondae nahina ntu'u tududo a tongku andio, kanandiomo pau-Do i Ue.

Yeremia 29:8

Mentee ntu'u, Kanandiomo pau-Do Ueno luwuakoano, Ue Alado to Isaraeli: Si domempopo'oo komiu nabimiu anu kongko i tonga-tongamiu ka luwuno mia mpompau anu nahi manasa ta gagi. Si mperorongeakono mo'ipimiu anu impetenaako ka domemo'ipiakono!

Yehesikieli 21:29

Maupo hinao luwuno pongkita anu nahi upementeeo ka luwuno tino'ori anu nahi upe'ala-alao, ponai atuu ta ninaa a we'udo mia mosa'o gaudo anu mpebungkui Ira i Ue, anu tempono haweomo tiano pohukua pokotompa.

Danieli 4:7

Ka i'amba luwuno anu pande mpebali-bali mata, anu pande mpobasa-basa, luwudo to Kasidimi, ka anu mpopau nahi manasa ta gagi me'aiwa mpe'aro. Kututuluako ira mo'ipi atuu, sine nahi domempolio pauakune pengkonaano.

Mika 3:7

Luwuno puu mpongkita ira memongkoko'ii ka luwuno mia mpompau anu nahi manasa ta gagi ira mpohawe tataado; luwudo ira metompoo ngangado, hangano nahina sangkino inso ndi Ondae Ue Ala.

Sakaria 10:2

Hangano hapa anu pinauno terapimi onaemo mosa'o, ka anu kinitado mia anu nahi manasa ta gagi onaemo pegaupi, ka luwuno mo'ipi anu mempinaudo nahina pengkonaano; ondae mpontarero anu nahina tuduno. Onaemo pu'uno tongku atuu mpelakopi kana bawaano bimba ka pompemarasai hangano nahina puu mpompakambi.

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

WINEWEUDO TINENA 8:11

Ka domentondao, hangano tehineomo ipokontengiriako ira sihirino.

EPESU 5:6

Omiu si ntepopo'ooako luwuno paudo mia anu nahina tuduno, hangano mongkona anu kanandio mokontekuda Ira Ue Ala a luwuno mia lambaha.

Winali 13:2

Tewala petondoni ke anu kinohali-haliako anu pinohaweno ndi omiu atuu gagi, ka ipotae, ”Aiwa kato mpetonda a anu pinesombai susua,” anu nahi imento'orio, ”ka aiwa tompesomba ndi onae,”

Winali 18:14

Lano, luwuno tongku anu witado komiu mpentorokio andio mpoperorongeeako puu mpopau anu ta gagi ke mia mpoto'ori, sine Ondae i Ue, Ue Alamiu, nahi Do'eheakomiu mpoweweu anu kanatuu.

Yosua 13:22

Ka mbo'u i Bilea anano i Beori, sando atuu dompepate iramo to Isaraeli mompake ponai, saru mia memate anu tinobodo.

MENGKAAA 18:23

Ka wantano hulu nahi ta mepansari mbo'u i laromu, ka suarano umbu ngkoroi tama ka umbu ngkoroi beine nahi ta teronge mbo'u i laromu. Hangano puu mpebalu-balumu onaemo luwuno anu langkai potorodo i tolino, hangano ponto'ori sihirimu luwuno tongku pinopo'oo.”

MENGKAAA 21:8

Sine mia medoito, mia anu nahi dompompe'ala-ala, mia memokoburu, mia anu pompepate, mia mebelesu, puu ponsihiri, anu mpesomba a lahumoa ka luwuno anu mpegaupi, ondae ira mpohawe tiado a laro ntahi anu kolanga-langa hangano api ka walira; onaemo andio matea anu ko'orua.”

MENGKAAA 22:15

Sine luwuno dahu ka puu mposihiri, mia mebelesu, mia anu pompepate, anu mpesomba a lahumoa ka sompo mia anu kumekewoio pegaupi ka anu meleluakono, mpo'ia i bungkuno.

MENGKAAA 9:21

ka nahi dontepidi inso a pompepatea, sihiri, pebelesua ka ponakoa.