Yeremia 27:3 - Wunta Mempori

³ Ka i'amba oliwiomo pe'oliwi ndi mokoledo to Edomi, mokoledo to Moabi, mokoledo inuleno i Amoni, mokoledo to Tirusi ka mokoledo to Sidoni, telalo a mia mentinena anu mehawe iramo i Yerusale mpe'aro ndi Sedekia, mokoledo to Yehuda.

Yeremia 27:3 ပူးပေါင်းရင်းမြစ်များ

2 Tawarika 36:13

Onae mbo'u i'ewaio mokole Nebukanesa, anu umari tumenao ka ipesumpa ndi Ondae Ue Ala. Ipokomoteao uluno, mokomoteao aroano ka nahi behe mepokule ndi Ondae i Ue, Ue Alado to Isaraeli.

Yesaya 23:4

Mokoko'iimo Sidoni, hei bente i wiwi ntahi, hangano tahi mepau, ”Nahi kuhori memoluki mompemahaki ka nahi kupe'ana, nahi kuhori mokolangkai ira nana'ote mongura, ka nahi kupompekakaako nana'ote beine.”

Yeremia 27:12

Ndi Sedekia, mokoledo to Yehuda, kupohaweomo pau mengkena, ”Naaomo banga we'umu a ntoto pasangano mokole i Babeli. Petuundumo ndi onae ka a mpalilino, asalakono komiu mentuwu.

Yeremia 27:4

Parenta iramo ka domempauako ira uedo pau-Do Ueno luwuakoano, Ue Alado to Isaraeli: kanandiomo asalakono imempauako ira uemiu:

Yeremia 28:1

A nta'u atuu, a pompu'uano poparentaano i Sedekia, mokoledo to Yehuda, a wula ko'olima ta'u ko'opaa, nabi Hanania anano i Asuri anu inso i Gibeoni motae ndi ongkue a Raha-Do i Ue, i arono matado sando mpesomba ka luwuno palili,

Yehesikieli 29:18

”Hei anano mia, i Nebukanesa, mokole i Babeli, tumena ira sorodaduno mpeteahako ntu'u umewaio Tirusi. Luwuno ulu londaomo ka luwuno owea telohuiomo, sine moiko onae maupo sorodaduno nahi dompohawe me'uraa inso ndi Tirusi a mpeteahakodo umewaio.

Amosi 1:9

Kanandiomo pau-Do i Ue, ”Hangano otolu wineweuno Tirusi anu mosa'o, ke opaa, nahi Aku balio mbo'u pomputusi-Ku: hangano dompeweengako iramo luwu mia tinadi ndi Edomi ka nahi pinewowolo pedandi pepaekompoa,