Yeremia 26:3 - Wunta Mempori

³ Bara'ura ira koa mebehe mperorongeakono ka singge mia mepokule inso a mpeleluno anu mosa'o, ranta ka Kupe'o'ole a masolaa anu Kupontooako ira hangano luwuno wineweudo anu mosa'o.

Yeremia 26:3 ပူးပေါင်းရင်းမြစ်များ

1 Mokole 21:27

Rumongeo pinau atuu, i Ahabi berio sangkano, mompokona sawu po'inombo a ngkoroino ka mepuasa. Onae moturi saru mompake sawu po'inombo ka melempa telusa.

1 Mokole 21:29

”Nde ukitaomo i Ahabi tedoa me'urumako i aroku? Hangano onae me'urumakoomo i aro-Ku, nahi Aku mopotii masolaa tempono da ituwu. Ambapo a temponopo anano, Aku mompotii masolaa a somborino.”

Yeremia 26:13

Kanandio-andio, impokomoikoomo pelelumiu ka poweweumiu, ka rongeomo suara-Do i Ue, Ue Alamiu, ka Dopokogagio i Ue masolaa anu pinau-Do ndi omiu.

Yeremia 26:19

Nde i Hisikia, mokoledo to Yehuda ka luwuno to Yehuda mehuku mateo onae? Kombake onae doitoako Ira i Ue, onaemo ka ipo'ema pompehohawa-Do i Ue, ka si Dopokogagio masolaa anu pinau-Do ndi ontae? Sekono ontae, mebehe kitake mpopokohina masolaa anu langkai a ngkoroito ontaeto?”

Yeremia 36:3

Tewala domerongeo suku Yehuda mongkona luwuno masolaa anu tinoo-Ku motiio ndi ondae, bara'ura ira singge ntepidi inso a mpeleludo anu mosa'o atuu, ranta ka Ku'oniniako ira sala ka halado.”

Yeremia 36:7

Bara'ura ira mpohaweo po'emado i aro-Do i Ue ka ira singge ntepidi inso a mpeleludo anu mosa'o atuu, hangano mongkokongiriomo mosa'ono aroa ka tensilano tekuda anu pinokomengkaa-Do i Ue a tongku andio.”

Yehesikieli 12:3

Onaemo pu'uno, omue, anano mia, patindaomo tiamu luwuno parewano asa mia tinadi ka pelempamo kana asa mia tinadi tempono meene i arono matado. Lakomo inso a mpo'iangamu kanandio-andio a mpo'ianga anu susua kana asa mia tinadi i arono matado. Bara'ura ira mpokonto'orio nine ondae atuu suku mpe'ewa.

Yehesikieli 18:21

Sine, tewala mia mosa'o gauno tepidi inso a luwuno hala anu wineweuno ka me'ini a luwuno pompakosi-Ku saru weweuo moleoa ka menteea, ka onae manasa tuwu, nahi ta mate.

Hosea 11:9

Nahi Aku motiio tekuda-Ku anu tensila, nahi ta sinolangi mbo'u i Eparai. Hangano Ongkue andio Ue Ala komba mia, anu mempori i tonga-tongamiu, ka nahi Aku hawe a laro ntekuda.

Yoeli 2:14

Ba mansa Ira wali me'o'ole, ka Dobintao ronso, gagi pesomba kaanga ka pesomba tinawa ndi Ondae i Ue, Ue Alamu.

Yunu 4:2

Ka mekakaiomo ndi Ondae i Ue, ipotae, ”Oo Ue, kombake kupauomo mongkona andio, tempono ongkue da i witaku? Onaemo pu'uno, ka kupolai i ndi'ipua lumako i Tarasisi, hangano kuto'orio, nine Omiumo Ue Ala anu me'aroa ka mompehohawa, anu tedoa sabara ka tedoa metenunu mompehohawa, saru me'o'ole hangano masolaa anu tinoo-Do.