Yeremia 26:2 - Wunta Mempori

² Kanandiomo pau-Do i Ue, ”Pentademo a kintalano Raha-Do i Ue ka pauomo a mpalilino luwuno kotano Yehuda, anu mehawe ira mpenggolontu mpesomba a Raha-Do i Ue, luwuno pau anu Kupeparentaako ka upohaweo ndi ondae. Si kurangio maupo te'asa mpudu pau!

Yeremia 26:2 ပူးပေါင်းရင်းမြစ်များ

Yeremia 1:17

Sine omue, onggoomo tongamu, ka pompari-parimo pauako ira luwuno anu Kuparentaakomu. Si doitoako ira, ka si Kuweweuko doito i arodo!

Yeremia 1:7

Sine Ondae i Ue mepau ndi ongkue, ”Sii potae: Ongkue da mongura, sine maupo ndi sema kutenako, asalakono ka ulako, ka maupo hapa anu Kuparentaakomu, asalakono ka upohaweo

Yeremia 19:14

I Yeremia mekule inso i Topeti, po'ianga Dotenao i Ue ka ipompau anu ta gagi. Onae mentade a kintalano raha-Do i Ue ka ipepau a luwuno palili,

Yeremia 23:28

Nabi anu mohawe mo'ipi, po'ineeomo itutuluo mo'ipi atuu, ka nabi anu mohawe pau-Ku, po'ineeomo ipohaweo pau-Ku atuu a menteeano! Hapa penggoeno olono seami ka gandu? Kanandiomo pau-Do i Ue.

Yeremia 25:2

Pau atuu ipohaweo i Yeremia a luwuno suku Yehuda ka a luwuno palilino Yerusale, ipotae,

Yeremia 28:5

Ka i'amba Nabi Yeremia motae ndi Nabi Hanania i arono matado sando mpesomba ka i arodo luwuno palili anu mpentade i Raha-Do i Ue,

Yeremia 36:10

I Baruki basao mbo'u i arodo luwuno palili pauno i Yeremia inso a wunta atuu a Raha-Do i Ue, a bolongkono i Gemaria, anano i Sapani, puu mpoburi poparentaa, a kintala i wawono i arono Pewowa Langkai Wo'ohu Raha-Do i Ue.

Yeremia 42:4

Sumangki nabi Yeremia ndi ondae, ”Po'emamiu kurongeomo! Kitao, aku mekakai ndi Ondae i Ue, Ue Alamiu, menunu saru po'emamiu. Luwuno pau, anu winee-Do i Ue gagi sangkino, aku koa pauakomiu; maupo te'asa mpudu pau nahi aku monaa-naa ndi omiu!”

Yeremia 7:2

”Pentademo a mpewowa langkaino Raha-Do i Ue, pebooliakonomo i ra'ai pau andio ka potae: Rongeomo pau-Do i Ue, hei luwumiu to Yehuda anu mpewinso telalo a luwuno pewowa langkai andio komiu mpenggolontu mpesombai Ira i Ue!

Yeremia 7:27

Maupo upohaweako ira luwuno pau andio, nahi ira mperorongeakomu, ka maupo upebooliako ira, nahi ira mesangkiko.

Yehesikieli 3:10

Umarino atuu Ondae mepau ndi ongkue, ”Hei anano mia, pekokoongakonomo ka rongeomo luwuno pau-Ku anu Aku mohaweo ndi omue.

Yehesikieli 33:7

Omue, anano mia, Aku pakosiko gagi puu mpodagaido suku Isaraeli. Tewala omue moronge asa pau inso a nganga-Ku, popoto'oriako ira hangano Ongkue.

Yehesikieli 40:4

Mia atuu mepau ndi ongkue, ”Hei anano mia, kitaomo saru pepenteeo ka perorongeakono ntu'u ka pekokoongakono temoiko luwuakoano anu Aku mopokitao ndi omue. Hangano, onaemo pu'uno omue winawa i ndi'ai, ka kupopokitao luwuno atuu ndi omue. Pauako iramo luwuno anu kinitamu a nsuku Isaraeli.”

I MATIU 28:20

ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”

I LUKASI 19:47

Sompo-sompo oleo Dopompaguru a laro Raha-Do Ue Ala. Luwuno petewawado sando mpesomba ka anu mponto'ori Taura saru mia mempinemota'u inso a tongku Isaraeli mpo'ungke sala ira mpepate Ira,

I YOHANE 18:20

Sumangki Ira i Yesu, ”Ongkue mepauakono wawontolino a manasaano: Ongkue wela mompaguru a luwuno raha tepumpua ka a Raha-Do Ue Ala, pepumpuado luwuno to Yahudi; Nahi Kuhori mepau mewuni-wuni.

I YOHANE 8:2

Mo'o-mo'oru ntu'u kongko Iramo mbo'u a Raha-Do Ue Ala, ka luwuno palili mehawe ndi Ondae. Mentoro Ira ka Dopaguru ira.

WINEWEUDO TINENA 20:20

Maupo kanatuu nahi kuhori kumolupeo hapa anu mentudu ndi omiu. Luwuno kupaleleo ka kupaguruakomiu, moiko i arono mia hadio maupo a luwuno tepumpua a rahamiu;

WINEWEUDO TINENA 20:27

Hangano nahi kukolupeo paleleo luwuno tinoo-Do Ue Ala ndi omiu.

WINEWEUDO TINENA 5:25

Sine haweomo asa mia tepohaweako ira mowawa lele, ”Kitao, mia anu wininsomiu a laro torungku, kongko ira a Raha-Do Ue Ala ka dopaguru ira mia hadio.”

WINEWEUDO TINENA 5:42

Ka sompo oleo dompotilaloakono pompagurudo a Raha-Do Ue Ala ka a rahado mia ka mempaleleo Lele Mawongkoa mongkona Ondae i Yesu anu Ondaemo i Mesia.

Winali 12:32

Luwuakoano anu kuparentaa komiu asalakono impetenunu meweweuo, si mentiangio ke mengkurangio.

Winali 12:5

Sine, asalakono komiu me'ungkeo po'ianga Ira binikio i Ue, Ue Alamiu, inso a luwuno sukumiu gagi po'ianga-Do mokomengkaao nee-Do i ra'ai. I ra'aimo asalakono imelako.

Winali 4:2

Si mentiangio hapa anu kuparentaa komiu ka si mengkurangio, tendeano impe'inimo a luwuno parenta-Do i Ue, Ue Alamiu, anu kupohaweakomiu.

Yosua 8:35

Nahina maupo te'asa mpali pau, anu iparentaakono i Musa nahi basao i Yosua ndi ondae to Isaraeli, ia beine ka nana'ote ka luwudo anu hawe.

MENGKAAA 22:19

Ka tewala asa mia hinao inoninino inso a luwuno pau a wunta pinau anu ta gagi andio, asalakono Ondae Ue Ala Ira umalao tiano inso a ngkeu tuwua ka inso a ngkota mempori, kana anu teburi a wunta andio.”