Yeremia 22:3 - Wunta Mempori

³ Kanandiomo pau-Do i Ue: Weweuomo moleoa ka menteea, potolaomo anu rinontu inso a ngkaeno anu bobarasaio. Si pompokonsii ka si bobarasai ira mia mehawe, nana'ote nahina amano ka tuwu beine, ka si mbo'u po'uwu reano mia nahina salano a mpo'ianga andio.

Yeremia 22:3 ပူးပေါင်းရင်းမြစ်များ

2 Samueli 23:3

Ondae Ue Alado Isaraeli mepau, torukuno watu Isaraeli mepau ndi ongkue: Tewala asa mia moparenta mia a moleoano, moparenta ka doitoako Ira Ue Ala,

2 Mokole 24:4

hangano mbo'u reado mia anu nahina salado anu i'uwuomo. Hangano iweweuomo Yerusale bukeako reano mia anu nahina salano, ka Ondae i Ue nahi Dobehe umampunio.

Ayubi 22:9

Mia tuwu beine utena ira melako mooa ngkae, ka tokiano elu-elu upiregoo.

Ayubi 24:9

Nana'ote nahina amano inala inso a uono ineno ka nana'otedo mia mongkokolaro tinarima gagi pe'inia.

Po'unde-unde 68:5

Penanimo tia-Do Ue Ala, penanimo umunde-undeo nee-Do, pelangkai Iramo anu me'ula a nseru! Nee-Do onaemo i Ue; mawongkomo i aro-Do!

Po'unde-unde 82:4

Potola iramo mia marasai ka mongkokolaro, potola iramo inso a ngkaeno mia mosa'o gauno!”

Po'unde-unde 94:21

Ondae mpedandi tepo'asa mpoweweu mosa'o umewaio mia mentee, ka mehuku mateo mia nahina salano.

Po'unde-unde 94:6

tuwu beine ka mia hawe domensumbeleo, nana'ote nahina amado dompepate ira;

Peluarakoa 22:21

”Mia hawe si pokonsiio ke komiu me'akalao, hangano maupo i ndi'ipua mia komiu mehawe i wita Masiri.

Peluarakoa 22:22

Asa mia tuwua beine ke nana'ote nahina amano, si pokonsiio.

Powadi 23:10

Si limbao tidano wita anu tehine, ka mewinsokio lereno nana'ote nahina amano.

Powadi 6:17

mata mompelangka-langkai, elo megaupi, kae anu mo'uwu reano mia anu nahina salano,

Yesaya 1:23

Luwuno petewawamu ondaemo anu me'ewa ka ntepo'asa saru puu mponako. Inehedo luwu mpontarima pompowee nahi pototono ka inehedo mpo'ala anu komba tiado. Nahi dompe'alaako a ntiado nana'ote nahina amado, ka kara-karado tuwu beine nahi hawe ndi ondae.

Yesaya 58:6

Naahi! Mepuasa anu inehe-Ku onaemo ka ulolohi ira pompongu lambaha ka motola ira kolorono tinembi, ka upokomaradeka ira anu ntebobarasai ka puduo sompo tinembi,

Yesaya 58:7

ka usiba-sibao rotimu tiado mia anu mokoninggo ka wawao a rahamu mia mongkokolaro anu nahina rahano, ka tewala mongkitako mia kolambe-lambe, ka upoweeakono sangka ka si pewuniako ira pepaekompomu omuemu!

Yeremia 19:4

Hangano, dompebungkui Akumo, mensosa'aio po'ianga andio, ka mpotunu pesomba i tu'ai a luwuno pinesombai susua anu nahi tino'ori moiko ondaedo maupo uempu'udo ka luwuno mokoledo to Yehuda. Domeweweuomo po'ianga andio bukeako reado mia anu nahina salano.

Yeremia 21:12

”Kanandiomo pau-Do i Ue, hei inuleno i Daudi: Putusiomo songka anu moleo sompo mo'oru, potolaomo anu rinontu inso a ngkaeno anu bobarasaio, ka si tensilano tekuda-Ku montiu kana api ka tensila nahi pinokompepate, hangano luwuno wineweumiu anu mosa'o!

Yeremia 22:17

Sine matamu ka aroamu butu te'aro a po'ungkea me'uraa, a mpo'uwua reano mia anu nahina salano, a porontua ka pobobarasaia!

Yeremia 26:16

Ka i'amba mpotae iramo mia pinemota'u ka luwuno palili atuu a luwuno sando mpesomba ka nabi atuudo, ”Mia andio nahi pototono mohawe pohuku mate, hangano onae mepauomo ndi ontae a nee-Do i Ue, Ue Alato.”

Yeremia 5:28

gagi mewalo ka tekosi. Susuaano atuu dompo'ineeo poweweu anu mosa'o, nahi domperioo songka, nahi dompokonangio kara-karano nana'ote nahina amano, ka tiano mia mongkokolaro nahi dokorahakono.

Yeremia 7:23

Butu koa onae ndio anu Kuparentaako iramo: Perorongeakonomo pau-Ku, asalakono Aku gagi Ue Alamiu ka omiu gagi bawaa-Ku, ka tondaomo luwuno sala anu Kuparentaakomiu, ka imoiko tumuwumiu!

Yeremia 9:24

Sine isema ineheno mo'unde, laluopo ipo'undeakono mongkona andio: nine onae mokonto'orio ka tumo'ori Aku, nine Ongkuemo Ue anu mopokitao pompehohawa, moleoa ka menteea i tolino; mentee ntu'u, luwuno atuu inehe-Ku, kanandiomo pau-Do i Ue.”

Ponsabangi 3:36

ke mia wineweu nahi moleo a laro kara-karano, nahike Ira kumitao i Ue?

Yehesikieli 18:12

mompokonsii mia marasai ka mongkokolaro, morontu, nahi pokuleo ginadeno mia, mo'aroo matano a luwuno lahumoa ka moweweu anu mokoburu,

Yehesikieli 18:7

nahi pompokonsii mia susua, mokuleo ginadeno mia, nahi porontu maupo hapa, mompaka mia mokoninggo, moweeakono sangka mia kolambe-lambe,

Yehesikieli 22:7

Luwuno ama ka ine i olomu pinokongkodei, ka i tonga-tongamu mia mpo'ala komba tiado a mia mehawe; nana'ote mbo'u anu nahina amano ka tuwu beine i olomu pinokonsii.

Yehesikieli 45:9

Kanandiomo pau-Do Ue Ala, ”Sompoomo, hei luwuno mokoledo to Isaraeli, impoko'olaiomo pobobarasaia ka pompokonsiia, sine weweuomo moleoa ka menteea. Impenaa-naamo mporontu wita tiado bawaa-Ku, kanandiomo pau-Do Ue Ala.

Yoeli 3:19

Masiri ta gagi boni-boni, ka Edomi ta gagi pada one boni-boni, hangano pompokonsii a nto Yahudi, hangano mpo'uwu iramo reano mia anu nahina salano i witano.

Imama 19:15

Si memolengku a mpopaua kara-kara: si mpo'alaako mia mongkokolaro ke mentondao po'ehedo mia langkai potorono, sine asalakono impopau mentee kara-karado pe'asa miamiu.

Amosi 5:15

O'aliaakonomo anu mosa'o, kekewoiomo anu moiko ka weweuomo moleoa a mpewowa langkai. Bara'ura Ondae i Ue, Ue Alano luwuakoano Ira mehohawao inuleno i Yusupu anu da mentuwu.

Amosi 5:24

Sine laluopo moleoa mekalu-kalulu kana uwoi ka menteea kana uwoi korono anu waa mpiha.”

Mika 3:11

Luwuno mia pinemota'uno memputusio songka hangano pompowee nahi pototono, ka sando mpesombano mompaguru hangano inowahi, nabino mpompau anu nahi manasa ta gagi hangano doi, kahinaano dompotae mpehonda ira ndi Ondae i Ue; kombake Ondae i Ue kongko Ira i tonga-tongato! Masolaa nahi ta umalu kita!”

Mika 6:8

”Oo mia, umariomo upinauako hapa anu moiko, ka hapa anu tinuntu-Do i Ue inso ndi omue umarino melelu moleo, kumekewoio petenunu, ka tuwu me'urumako i aro-Do Ue Alamu?”

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

I MATIU 23:23

Memasola komiumo, hei anu mponto'ori Taura ka to Parisi, hei omiu mia mpo'onde-onde, hangano tia hopuluno solasi, adasi mo'ahi ka jinta ime'owahio, sine anu lalua a songka Taura nahi mentondao, onaemo: moleoa ka pompehohawa ka petenunu. Anu aasa asalakono ka iwineweu ka anu mehano si mpebungkuio.

Winali 10:18

Ondae mo'alaako tiado nana'ote nahina amado ka tuwu beine ka mehohawa ira mia hawe saru moweeako ira kaanga ka sangka.

Winali 24:17

Sirontuo tiano mia hawe ka nana'ote nahina amano. Si alao mbo'u sangkano asa mia tuwu beine gagi pegade.

Winali 24:7

Tewala asa mia hinawe mompolaisako asa mia pepaekompono inso i olodo to Isaraeli, ka i'amba weweuo kana ata ke i'asao, asalakono anu mompolaisako atuu mate. Kanatuumo u'oninio anu mosa'o atuu inso i tonga-tongamu.

Winali 25:1

Tewala hinao pe'u'uaa i olono ba opia mia, ka domelako a pompaua kara-kara, ka pinau kara-karado kai pinutusi isema anu mentee ka isema anu sala.

Winali 27:19

’Tetotonaaomo mia anu morontu tiano mia hawe, nana'ote nahina amano, ka tuwu beine.’ Luwuno tongku atuu asalakono mpotae, ’Ami!’

YAKOBU 1:27

Pesomba anu mempori ka anu nahina tataano i aro-Do Ue Ala, Amato, onaemo lumako te pohaweako ira elu-elu ka tuwu beine a laro masusado, ka dumagaio koroino ka si kokoburutio wawontolino.