Yeremia 2:8 - Wunta Mempori

⁸ Luwuno sando mpesomba nahi dompesikeno mbo'u: Isua Irake i Ue? Mia anu mpompolempa songka nahi domento'ori Aku mbo'u, ka luwuno puu mpompakambi me'ewa ndi Ongkue. Luwuno nabi mpompau anu ta gagi a neeno Baala, ondae mpetonda a lahumoa anu nahi mentudu.

Yeremia 2:8 ပူးပေါင်းရင်းမြစ်များ

1 Mokole 18:22

Ka i'amba i Elia motaeako ira palili atuu, ”Asa-asakumo koa nabi-Do i Ue, sekono luwuno nabino Baala atuu pato etu lima pulu mia.

1 Mokole 18:29

Mansano laloomo ntonga oleo, kana iramo mia pinewinsokino i mosa'o ranta kai haweako tempono mompesombaako pesomba ngkiniwia, sine nahina anu sumangki, nahina merio ira.

1 Mokole 18:40

Motae i Elia ndi ondae, ”Imerako iramo luwu nabi Ba'ala atuu, si mpo'ineeo maupo te'asa mia inso ndi ondae anu tola.” Mansado merinako, iwawa ira i Elia a ngkorono Kisoni ka isumbele ira i ra'ai.

Ayubi 35:10

Sine mia nahi dompesikeno: Isua Ira Ue Ala anu weweu aku, ka anu mompowee penani po'unde-unde i tempono wongi;

Yesaya 28:7

Sine mia mbo'u i ndi'ai memokolili ulu hangano anggoro ka mokolili hangano ara. Moiko sando mpesomba maupo nabi memokolili ulu hangano ara, memarisuako anggoro; ondae memokoliliako ara, mokolili ulu a pongkita, mobea asambali a pomputusi.

Yesaya 29:10

Hangano Doweweu komiumo i Ue ka impoturi rodo; matamiu, onaemo luwuno nabi, Dopokompepusu iramo ka rupamiu, onaemo luwuno puu pongkita, Doborungi iramo.

Yesaya 30:5

luwuno ta mohawe mokoko'ii hangano tongku atuu nahi polio moweeako ira anu mentudu, ka nahi polio moweeako ira pontulungi ke anu mentudu; sine butu mompokoko'ii, tendeano moweweuako ira tataado.

Yeremia 10:21

Mentee ntu'u, luwuno puu mpopakambi gagi mebenge-benge; nahi dompo'ema pontiso-Do i Ue. Onaemo pu'uno nahi dompehasili; luwuno pinotuwu pinakambido ntesiarawo.

Yeremia 12:10

Hadio puu mpopakambi anu mensolangiomo lere anggoro-Ku, ka melolandao wita-Ku. Ondae meweweuo wita-Ku anu tekosi gagi pada one anu boni-boni.

Yeremia 16:19

Oo Ue, rosoku ka benteku, polaiaku a oleo pompema'isoku! Ndi Omiu ira me'aiwa tongku inso i tompano tolino saru mpotae, ”Mentee ntu'u, uempu'umami butu mpope'ue pinesombai nahi mentee, pinesombai nahina pengkonaano anu nahina tuduno.

Yeremia 18:18

Dompotae, ”Aiwamo tompotudao tinooto umewaio i Yeremia, hangano pompaguru nahi ta pingko inso a nsando mpesomba, patudu inso a mia pande monsongka, ka pau inso a nabi. Aiwa tomentunduhiakono pau ka si pinekokoongako sompo pinauno!”

Yeremia 2:11

horioke asa tongku tumobosio pinesombaino kahinaano luwuno pinesombai atuu komba Ondae Ue Ala? Sine bawaa-Ku, Ue Alado anu maramba domentobosiakono luwuno pinesombai anu nahi mentudu.

Yeremia 2:6

Nahi dompesikeno mbo'u: Isua Irake i Ue, anu tumaate kita mpeluarako inso i wita Masiri, anu wawa kita i pada one, a wita anu londa ka mpebobanga, a wita anu tedoa mokari ka wongi-wongi, a wita anu nahi dontelaloio mia ka nahi dompo'iangario mia?

Yeremia 4:22

”Mentee ntu'u, bawaa-Ku atuu mebenge-benge, nahi domento'ori Aku! Ondae onaemo nana'ote monge-monge, nahina tino'orido! Ondae pande mpoweweu mosa'o, sine nahi domponto'ori mpoweweu moiko.”

Yeremia 5:31

Luwuno nabi mpompau anu ta gagi nahi mentee ka luwuno sando mpesomba mpetewawa po'ehedo, ka bawaa-Ku inehedo mongkona anu kanatuu! Sine, hapa anu komiu mpoweweu, tewala hawe oleo tampulaano?

Yeremia 7:8

Sine, menteeano impe'ala-ala ira pau mpegaupi anu nahi mentudu.

Yeremia 9:14

Tendeano, domentondao moteano aroado ka mentonda ira Baala kana anu domempaguruako ira uempu'udo.

Yehesikieli 22:26

Luwuno sando mpesomba mpolimpai songka Tora-Ku ka mengkokoburuti ira mongkona anu mempori ndi Ongkue. Nahi domponsisinggeo olono anu mempori saru anu nahi mempori, nahi dompopaguruako teposisinggeno olono anu mokoburu saru anu morina. Ondae mpepusu a luwuno oleo Saba-Ku. Kanatuumo Kukinokoburuti i tonga-tongado.

Yehesikieli 34:2

”Hei anano mia, pauomo anu ta gagi umewai ira puu mpopakambido to Isaraeli, pauomo anu ta gagi ka potaemo ndi ondae, a luwuno puu mpopakambi atuu: Kanandiomo pau-Do Ue Ala: Masola iramo puu mpopakabido to Isaraeli, anu pakambio koroino onaeno! Kombake luwuno bimba anu asalakono domempakambi ira puu mpopakambi atuu?

Hosea 4:6

Bawaa-Ku memasola hangano nahi doto'ori Ira Ue Ala; hangano nahi utarimao ponto'oria atuu, Ongkue mbo'u nahi Aku tumarimako gagi sando mpesomba-Ku. Hangano ukolupeo pompaguru-Do Ue Alamu, Ongkue mbo'u Aku kumolupe ira anamu.

Habaku 2:18

Hapa tuduno tinaha pesomba pina'o, pina'ono anu weweuo? Hapa tuduno tinaha pesomba tinawa, anu mompaguru pegaupi atuu? Hangano anu weweuo me'ala-alao wineweuno, ka hinaano luwuno lahumoa wineweuno atuu beebe nahi dompepau.

I MATIU 16:26

Hapa tuduno asa mia ba ihaweo asa wawontolino sine tetadi penaano? Ka hapake anu polio ipeweengakono gagi euno penaano?

I LUKASI 11:52

Memasola komiumo, hei guru agama, hangano ime'alaomo kunsino ponto'ori; omiu-miu nahi mpewinso i larono ka mia anu me'ungkeakono ira mpewinso i larono ime'onsoio.”

I YOHANE 16:3

Ira mpoweweu kanandio, hangano nahi domento'orio moiko Ondae i Ama maupo Ongkue.

I YOHANE 8:55

kahinaano nahi imento'ori Ira, sine Ongkue tumo'ori Ira. Ka tewala motae Aku: Nahi Kuto'ori Ira, megaupi Akumo, mengkena kana omiu, sine Kuto'ori Ira ka Kutondao pau-Do.

2 KORINTI 4:2

Sine nahi kimentarimao luwuno wineweu tewuni anu mompokoko'ii; nahi kimpompopo'oo ka nahi kimebalio pau-Do Ue Ala. Tendeano kimpokomengkaao menteea ka hangano kanandio kimpeweengakono koroimami ka domentimbangao luwuno mia i aro-Do Ue Ala.

Winali 33:10

Dopaguruako ira atora-Miu ndi Yako, songka-Miu a nto Isaraeli; mponaa ira pesomba anu mana mo'ahii aro-Miu ka pesomba anu tinunu luwu i wawono meda pontunua pesomba ndi Omiu.

1 Samueli 12:21

Si mepansia mpontonda pinesombai susua anu nahi mentee, anu nahina tuduno, ka nahi pokompontulungi, hangano luwuno atuu nahina pengkonaano.

1 Samueli 2:12

Sine orua ira anano i Eli anu tama, lambaha ira, nahi dopelangkai Ira i Ue,