Yeremia 2:7 - Wunta Mempori

⁷ Kuwawa komiu a wita anu mewalo ka imperapio wuano ka luwuno anu moiko inso ndi onae. Sine mansamiu mpewinso, imengkokoburutio wita-Ku; wita-Ku imeweweuomo gagi mokoburua.

Yeremia 2:7 ပူးပေါင်းရင်းမြစ်များ

Nehemia 9:25

Luwuno kota mebente dompoko'alao ka wita anu mewalo. Domerontuo luwuno raha anu bukeako mperupa-rupa sangka masuli olino, luwuno sumuru anu kineke, lere anggoro ka lere saitu saru luwuno keu anu mewua tedoa hadio. Mpongkaa ira memowohi ka gagi mewalo. Hadio ntu'u pepotuwudo, hangano pompehohawa-Miu anu langkai.

Nehemia 9:26

Sine dome'ewaio parenta-Miu ka me'ewai Komiu. Dompebungkuio songka-Miu ka mpepate ira nabi-Miu anu mopoto'oriako ira kadompepokule ndi Omiu. Mpoweweu ira anu tedoa mosa'o.

Yesaya 19:25

anu rinonso-Do Ueno luwuakoano saru pau, ”Rinonsoomo Masiri, bawaa-Ku ka Asuri wineweuno kae-Ku, saru Isaraeli, tia pusaka-Ku.”

Yeremia 16:18

Amba-ambano Aku humukuo sala mpoweweu ka halado meluka mpendua hangano wita-Ku domengkokoburutiakonomo wata ngkoroino lahumoado anu mokoburu ka mebuketiakono wita-Ku wineweudo anu mokoburu.”

Yeremia 3:1

Pau-Do, ”Tewala asa mia teposuaakono kombiano, ka beine atuu bintao ka i'amba gagi kombiano mia susua, ta mepokuleke onae a beine atuu? Kombake wita atuu mente ntu'u tesosa'ariomo? Monsosabokomo saru hadio kinekewoi, ka komepokule ndi ongkue? Kanandiomo pau-Do i Ue.

Yeremia 3:2

Pengkitamo ngkoraane a luwuno pongku londa ka kitaomo! A mpo'ianga isua nahi upinewowaliako? A luwuno wiwi nsala omue mentoro monsikori kinekewoimu, kana asa mia puu mporontu i pada one. Wita usosa'ariakonomo ponsosabomu ka saru wineweumu anu mosa'o.

Yeremia 3:9

Hangano moruanano mebelesu, isosa'ario wita. Onae monsosaboako mompesombai watu ka keu.

Yeremia 32:23

Ka do'amba mpewinsokio ka mpetorokio, sine nahi domperorongeakono pau-Miu ka nahi domentuwu montonda Songka-Miu. Luwuno anu Iparentaako ira ka domeweweuo, nahi domeweweuo. Onaemo pu'uno ka Ipotiiako ira luwuno masolaa andio.

Yeremia 32:30

Hangano to Isaraeli ka to Yehuda mpoweweu butu anu mosa'o a pongkita-Ku mompu'u tempo imongura; mentee ntu'u, to Isaraeli butu mpokotesingkao tekuda-Ku hangano wineweuno kaedo, kanandiomo pau-Do i Ue.

Yehesikieli 20:24

Hangano, nahi domeweweuo luwuno atora-Ku, nahi domentarimao luwuno pompakosi-Ku, ka mengkokoburutio luwuno oleo Saba-Ku saru matado te'aro a lahumoano luwuno amado.

Yehesikieli 20:28

Umarino Kuwawa ira i wita anu Kudandiakono sumpa Aku weeako ira, tendeano ondae mpengkita a sompo pongku anu mantande ka sompo keu anu marombo, ka i'amba pinesombaako luwuno pesombado i ra'ai ka mpompowee pesomba anu mompokotesingka tekuda-Ku. I ra'ai ondae mpohaweo mbo'u luwuno pesomba anu mana mo'ahi ka mpesombaakono luwuno pesomba tinawado a mpo'ianga atuu.

Yehesikieli 20:6

A oleo atuu Ongkue mesumpa ndi ondae Aku wawa ira inso i wita Masiri lumako i wita anu Kubinikiako ira, wita anu hadio ntu'u susu ka siu hoanino, wita anu tekosi i olono luwuno wita.

Yehesikieli 23:35

Onaemo pu'uno, kanandiomo pau-Do Ue Ala: Hangano omue kumolupe Aku ka mebungkui Aku, kanandio-andio tembiomo asa-asamu mokoburumu ka pebelesumu.”

Yehesikieli 36:17

”Hei anano mia, suku Isaraeli anu mpo'ia i witado mengkokoburutiakonomo pelelu ka poweweudo wita atuu. Peleludo mengkena kana mokoburuno hawe wulano beine i aro-Ku.

Hosea 9:3

Nahi ira mpo'ia mpiha i wita-Do i Ue. I Eparai asalakono mekule i Masiri, ka i Asuri ira mpongkaa kaanga mokoburu.

Mika 2:10

Lakomo pontuturako, hangano andio komba po'ianga penaa-naaa, hangano mokoburua anu mompepate, ka mateano nahi tepomule.

Podoaa 13:27

Domentutuluakono, ”Mpewinso kamimo i wita, isua itena kami. Lano wita atuu hadio ntu'u susu ka siu hoanino, ndiomo hasilino.

Winali 21:23

si mpo'ineeo wata ngkoroino asa wongi a ngkeu pinontade atuu. Sine, asalakono imengkaburuo a oleokoa mbo'u atuu, hangano asa mia anu ndinoe Dototonaao Ue Ala. Si mengkokoburutio wita anu Doweeakomiu i Ue, Ue Alamiu gagi tia pusakamiu.”

Winali 32:9

Sine tia-Do i Ue onaemo bawaa-Do, i Yako onaemo tia-Do pusaka anu pinakosi-Do.

Winali 6:18

Asalakono imeweweuo hapa anu mentee ka moiko a pongkita-Do i Ue, kai moiko tumuwumiu ka impewinsokio saru mpetorokio wita anu moiko, anu dinandi-Do i Ue saru sumpa ndi ondae uempu'umiu,