Yeremia 2:5 - Wunta Mempori

⁵ Kanandiomo pau-Do i Ue: Hapa anu nahi moleo hinawedo uempu'umiu ndi Ongkue, ranta ka dome'olaia-Kune, tumonda ira pinesombai susua anu nahina tuduno, ka ondaedo gagi nahina tuduno?

Yeremia 2:5 ပူးပေါင်းရင်းမြစ်များ

2 Mokole 17:15

Nahi domentarimao pompakosi ka pedandia-Do anu Dowutuomo saru uempu'udo, saru luwuno atora-Do anu Dopopoto'oriako iramo. Mpetonda ira a anu pinesombai susua anu nahina pengkonaano; mpelelu ira nahina pengkonaano tumondao luwuno tongku petengi-tengido, maupo Doparenta iramo i Ue kasi dompoweweu kanatuu.

Po'unde-unde 115:8

Ondae anu meweweuo ira gagi mpengkena kanatuu, kanatuu koa mbo'u luwuno mia anu mpe'ala-alao.

Yesaya 29:13

Mepau Iramo i Ue, ”Hangano tongku andio aiwa me'umpedaako ngangano ka melangkaia-Kune wiwino, sine aroano olai inso ndi Ongkue, ka pesombano ndi Ongkue butu koa parentano mia anu hinapalano,

Yesaya 44:9

Mia anu mpoweweu tinaha, luwuno nahina hapa-hapado, ka arataa pinehohawado atuu nahina tuduno. Luwuno sakosiido nahi domengkitao ka nahi domponto'ori hapa-hapa; onaemo pu'uno ira mempinokoko'ii.

Yesaya 46:12

Ronge Akumo hei mia anu mpompelangka-langkai, mia anu me'olai inso a moleoa:

Yeremia 10:8

Lahumoa atuu luwuno benge-benge ka monge-monge; pontisodo nahina tuduno; onae butu koa keu.

Yeremia 12:2

Omiu weweu ira tuwu ka dompehaka, ondae mentuwu mewalo ka mehasiliako wua. Omiu mpiha a wiwido, sine olai inso i aroado.

Yeremia 14:22

Hinaoke i olono pinesombai anu nahina pengkonaano inso a tongku atuu polio mompotii usa? Ke langi polioke onaeno mompotii usa marombo? Kombake butu koa Omiu, oo Ue Alamami? Ndi Omiumo pomperorohiamami, hangano Omiumo anu weweuo luwuno atuu?

Yeremia 2:31

Hei, omiu anu mentuwu kanandio-andio, ipekokoongakonomo pau-Do i Ue! Nde gagiomo pada onedo to Isaraelike Ongkue ke wita anu wongi mpusu? Tembio bawaa-Ku ka dompotae, ’Tepotola kamimo, nami kimebehe mbo'u me'aiwa ndi Omiu?’

Yeremia 2:4

Rongeomo pau-Do i Ue, hei inuleno i Yako, hei luwuno pe'etu inuledo to Isaraeli.

Yeremia 8:19

Irongeomo peboolido mpepetulungi ana beinedo tongkuku inso a luwuno po'ianga anu olai i wita andio, ”Nahi Dokongkoke i Ue i Sioni? Nahina mokolenoke i ra'ai?” Tembio tekuda-Ku ka dompokotesingkaakono luwuno tinaha-Do, saru luwuno lahumoado mia mehawe anu nahina pengkonaano?

Yehesikieli 11:15

”Hei anano mia, palilino Yerusale mpepau mongkona luwuno pepaekompomiu, oo luwuno pepaekompomiu, pe'etumiu ka luwuno suku Isaraeli, luwuno, ’Ondae ntedonta iramo inso ndi Ondae i Ue; ndi omamimo wita andio wineeako gagi tiamami.’

Yehesikieli 14:5

ka Kupopandeio aroado suku Isaraeli, anu luwudo mentonda ira lahumoado onaemo ka domepansia inso ndi Ongkue.

Yunu 2:8

Ondae anu mpe'ini a lahumoa nahina pengkonaano bara'ura domebintao petenunudo.

I MATIU 15:8

Tongku andio mpelangkai Aku a wiwido, kahinaano aroado olai inso ndi Ongkue.

WINEWEUDO TINENA 14:15

”Hei luwumiu, tembio ka impoweweu kanandio? Omami andio mia koa mengkena kana omiu. Omami kongko i ndi'ai mompaleleakomiu Lele Mawongkoa, ka imebintao wineweumiu anu nahina tuduno ka impepokule ndi Ondae Ue Ala anu tuwu, anu mokogagio langi ka tolino, tahi ka luwuno ihino.

ROMA 1:21

Hangano maupo domento'ori Ira Ue Ala, nahi dompelangkai Ira kana Ondae Ue Ala ke me'unde-unde Ira. Tendeano pinewowolodo gagi nahina tuduno ka aroado anu monge-monge gagi wongi-wongi.

Winali 32:21

Dompokomosiria-Kune anu komba Ue Ala, mokontesilaa-Kune aroa-Ku hangano lahumoado. Onaemo pu'uno Aku mokomosiriako ira saru anu komba bawaa, mokontesilaako ira tekudado saru tongku anu motea aroa.

1 Samueli 12:21

Si mepansia mpontonda pinesombai susua anu nahi mentee, anu nahina tuduno, ka nahi pokompontulungi, hangano luwuno atuu nahina pengkonaano.