Yeremia 2:3 - Wunta Mempori

³ I tempo atuu to Isaraeli mempori ndi Ondae i Ue, gagi wua amba-ambano inso a lere-Do. Luwuno anu mengkaano gagi sala, masolaa umalu ira, kanandiomo pau-Do i Ue.

Yeremia 2:3 ပူးပေါင်းရင်းမြစ်များ

Peluarakoa 22:29

Si tekolupe mompesombaako wua gandumu ka uwoi anggoromu. Anamu tama anu amba-ambano asalakono pesombaakono ndi Ongkue.

Peluarakoa 23:16

Impelangkaio mbo'u rame-rame umari sumowi, wua amba-ambano inso a mpo'anggamu morawo inii i lere, ka rame-rame pompumpua wua pinopaho, i tempono upopumpu wua pinopaho a mpo'anggamu i lere ia pokotampulaano ta'u.

Yesaya 41:11

Menteeano, luwuno mia anu tekuda ndi omue ta pinokoko'ii ka kona mongkoko'iia; mia anu me'ewaio pinaumu ira mengkana nahina ka ira memate;

Yesaya 47:6

Ongkue hieno tekudaako ira bawaa-Ku, ka mengkokoburutio tia pusaka-Ku, ka meweengako ira a ngkaemu; Omue nahina pompehohawamu ndi ondae, tendeano tedoa upokomobeo tinembi a mia anu mota'u.

Yeremia 12:14

Kanandiomo pau-Do i Ue, ”Mongkona luwuno pehori raha-Ku anu mosa'o wineweudo, luwuno tongku anu monsosanggoli wita anu Kuweeako iramo bawaa-Ku Isaraeli gagi tia pusakado, menteeano Aku buta ira inso i witado ka Aku buta ira suku Yehuda inso i tonga-tongado.

Yeremia 2:4

Rongeomo pau-Do i Ue, hei inuleno i Yako, hei luwuno pe'etu inuledo to Isaraeli.

Yeremia 30:16

Sine luwuno mia anu tumeleko ta tinele, ka luwuno iwalimu ira mpewinso a laro pontawaa; mia anu merontuko ta gagi rinontu, ka luwuno mia anu mpomuruko Aku weweuo gagi pomurua.

Yeremia 50:7

Isemamo koa anu tepohaweako ira, ikaa ira, ka luwuno iwalido mpotae: Nahi kimensala! Hangano mentehala iramo ndi Ondae i Ue, po'iangano menteea, Ondae i Ue, pomperorohiado uempu'udo!

Yoeli 1:3

Imentutuluomo mongkona atuu a luwuno anamiu, ka po'inee iramo anamiu mentutuluako ira anado, ka luwuno anado a inule lembuino.

Amosi 6:1

”Memasola iramo ntu'u mia anu momperodo i Sioni, mia anu momperodo i torukuno Samaria, luwuno mia memota'u inso a tongku amba-ambano, anu dontepohaweakono tongku Isaraeli!

Habaku 1:11

Ka do'amba mpopalari kana angi ka mpotilalo mpiha. Ondae mensala hangano mpelahumoaako rosodo.

Sakaria 1:15

Sine tedoa langkai tekuda-Ku a luwuno tongku anu rumasao koroino roodo. Tempono nahi Kutekuda lahi ndi ondae, luwuno tongku atuu mpotiangi marasaiado.

Sakaria 2:8

Hangano kanandiomo pau-Do Ueno luwuakoano, anu a laro maramba-Do tumena akumo, mongkona luwuno tongku anu mpomuru komiumo, hangano isema dumanggi komiu, pengkonaano dumanggio ihi mata-Do.

Podoaa 18:12

Luwuno anu moiko ntu'u inso a lana, inso a anggoro maupo gandu anu pinesombaakodo ndi Ondae i Ue gagi hasilino amba-ambano, Kuweeakomu.

ROMA 11:16

Tewala mempori roti amba-ambano, asalakono luwuno anu sinalo mempori koa mbo'u, ka tewala mempori haka, asalakono luwuno sampano mempori koa mbo'u.

ROMA 16:5

Tabea mbo'u a bawaa i rahado. Tabea ndi Epenetu, pepaekompo anu pinehohawaku, anu onaemo wua amba-ambano inso i wita Asia tia-Do i Kerisituu.

EPESU 1:4

Hangano ndi Ondae Dobiniki kitamo Ue Ala se'eluno napi pinokogagi wawontolino, ka tomemempori ka nahina tataato i aro-Do.

Winali 14:2

Hangano omiumo bawaa anu mempori tia-Do i Ue, Ue Alamiu, ka omiu bininiki-Do i Ue kai megagi bawaa pinehohawa-Do inso i olono luwuno tongku anu i wawontolino.

Winali 26:19

Kanandiomo Ira tumande komiu i wawono luwuno tongku anu pinokogagi-Do, ka igagi inunde-unde, tepalele nee ka pinelangkai. Komiu megagi bawaa anu mempori tia-Do i Ue, Ue Alamiu, kana anu dinandi-Do.

Winali 7:6

Hangano omiumo bawaa-Do i Ue, Ue Alamiu anu mempori. Omiumo anu bininiki-Do i Ue, Ue Alamiu inso a luwuno tongku i wawontolino kai megagi bawaa pinehoha-Do.

YAKOBU 1:18

A mpo'ehe-Do Ondae-Do Dopokogagi kitamo a mpau menteea, ka tomegagi ana aka i olodo luwuno pinokogagi-Do a ntudano tetantui.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:

MENGKAAA 14:4

Ondaemo mia anu nahi domengkokoburutiakono beine koroido, hangano memempori ira kana ana beine moondo. Ondaemo mia anu mentonda Ira i Ana Bimba atuu ba isuamo koa Dolako. Ondae mentinolosi inso i olodo mia kana pesomba amba-ambano tia-Do Ue Ala ka tia-Do i Ana Bimba atuu.