Yeremia 2:2 - Wunta Mempori

² ”Lako ka pebooliakonomo andio ka domerongeo palilino Yerusale: Kanandiomo pau-Do i Ue: Kurambeo petenunumu i tempono umongura, pongkekewoimu i tempono ugagi umbungkoroi, kana'umpe utondari Aku i pada one, a wita anu nahi rinawohi.

Yeremia 2:2 ပူးပေါင်းရင်းမြစ်များ

Po'unde-unde 129:1

Penani mekoho. Sompoomo dompokoma'iso aku mompu'u tempo kumongura – po'ineeomo to Isaraeli dompotae kanandio –

Peluarakoa 14:31

Mansado mengkitao to Isaraeli, wineweu-Do i Ue anu mongkokongiri a nto Masiri, medoito iramo tongku atuu ndi Ondae i Ue. Ka i'amba dompompe'ala-ala ndi Ondae i Ue ka ndi Musa, tetenaa-Do atuu.

Peluarakoa 16:8

Ipotae mbo'u i Musa, ”Ba lano Ondae i Ue anu moweeakomiu bau i tempono ngkiniwia ka roti kai melalembula i tempono mo'oru, hangano Dorongeomo i Ue pewuruki miu ndi Ondae, isemake omami andio? Pewuruki miu atuu komba ndi omami sine ndi Ondae i Ue!”

Powadi 1:20

Ponto'ori anu mentee mebooli meroku a luwuno pesalaa, a luwuno tanalapa onae moporongeo suarano,

Penani Maramba 3:11

luwuno ana beine Sioni, peluarakomo ka kitaomo mokole Solema saru ramba-ramba uluno anu ipokonaakono ineno a oleo petaoano, a oleo mawongkoano aroano.

Penani Maramba 3:6

Isemake atuu anu me'umbaako inso i pada one kana pebotono ahu api tetutuwiako mana mo'ahino mire ka dupa inso a mperupa-rupa awuno anu mana mo'ahi pinebalu-baluako?

Yesaya 58:1

Pebooliakonomo temeroku, siimo onto-ontoo! Pokolangkaio suaramu kana tawuwua, pauako iramo bawaa-Ku pe'ewado ka a inuleno i Yako halado!

Yeremia 11:6

Mepau Iramo i Ue ndi ongkue, ”Pebooliakonomo luwuno pau andio a luwuno kotano Yehuda ka a luwuno sala i Yerusale: Rongeomo ka weweuomo luwuno pau pedandia andio!

Yeremia 19:2

pelungkamo lumako i Lembono Beni-Hinomi, a Mpewowa Langkai Parewa inso a wita pulu! Pebooliakonomo i ra'ai luwuno pau anu Aku mohaweo ndi omue!

Yeremia 2:1

Pau-Do i Ue hawe ndi ongkue, kanandio,

Yeremia 2:6

Nahi dompesikeno mbo'u: Isua Irake i Ue, anu tumaate kita mpeluarako inso i wita Masiri, anu wawa kita i pada one, a wita anu londa ka mpebobanga, a wita anu tedoa mokari ka wongi-wongi, a wita anu nahi dontelaloio mia ka nahi dompo'iangario mia?

Yeremia 3:4

Kombake dasaraipo upoboi Aku: Amaku! Omuemo sambe'eku mompu'u kodei!

Yeremia 7:2

”Pentademo a mpewowa langkaino Raha-Do i Ue, pebooliakonomo i ra'ai pau andio ka potae: Rongeomo pau-Do i Ue, hei luwumiu to Yehuda anu mpewinso telalo a luwuno pewowa langkai andio komiu mpenggolontu mpesombai Ira i Ue!

Yehesikieli 16:22

A laro luwuno wineweumu anu mokoburu ka pebelesumu atuu nahi upewowoloo mbo'u i tempono umongura, tempono ukolambe-lambe saru mesumpe-sumpe a laro meranoako reamu.

Yehesikieli 16:60

Sine, Aku rumambeo pedandia-Ku saru omue i tempono umongura ka Aku mokorosoakomu pedandia anu nahina tampulaano.

Yehesikieli 16:8

Ongkue telalo umpeda ndi omue ka kumitako; mentee ntu'u, omue haweomo a tempono umingki mewowali. Kuwileo hawu-Ku i wawomu ka tumutuwio pinekaria winunimu. Saru mesumpa Ongkue moweweu pedandia saru omue, kanandiomo pau-Do Ue Ala, ka saru atuu omue gagi mia-Ku.

Yehesikieli 23:19

Onae moweweu laluaopo hadio pebelesuno rumambeo tempono da imongura ipebelesu i wita Masiri.

Yehesikieli 23:3

Ondae mebelesu i Masiri, ondae mebelesu i tempono da domemongura. I ra'ai wua radado pinisi-pisi, radado da moondo inini-ini.

Yehesikieli 23:8

Onae nahi bintao pebelesuno mompu'u inso i Masiri. Hangano tempono imongura dompewowaliakonomo mia, ka ondae me'ini-inio rada moondono saru mpoweeo pebelesudo ndi onae.

Hosea 11:1

Tempono i Isaraeli da mongura, Kupehohawao, ka inso i Masiri Kupoboio ana-Ku atuu.

Hosea 2:15

Ia oleo atuu, kanandiomo pau-Do i Ue, Omue komoboi Aku: Tamaku, ka nami poboi Aku mbo'u: Baalaku!

Hosea 2:17

Aku mowutu pedandia ndi omue i tempo atuu saru luwuno kondehora i tongampada, saru luwuno manu-manu i laro meene, ka luwuno kondehora melele a wawo wita; Aku umoninio wo'eno pana, ponai ka parewa mpetea inso i witamu, Aku weweuko rodo mepombole.

Hosea 2:7

Sine nahi to'orio nine Ongkuemo anu moweeakono gandu, anggoro, ka lana, ka anu mokohadioakono salaka ka wulaa anu domeweweuo tinaha Baala.

Hosea 8:1

Puuriomo tawuwua! Tepatinda kana rajawali a wawo raha-Do i Ue! Hangano domelinggeiomo pedandia-Ku ka me'ewaio pompaguru-Ku.

Hosea 9:10

Kana wua anggoro i pada one i Isaraeli Kuhaweo i ndi'ipua; kana wua amba-ambano, hasilino amba-ambano wua ara, Kukitao uempu'umu. Sine melako ira ndi Baala-Peori ka mpesombaakono koroido a lahumoa anu mompokoko'ii. Megagi ira mokoburu kana hapa anu kinekewoido.

Yunu 1:2

”Lakomo pontuturako i Niniwe, kota anu langkai atuu, pebooliakonomo pepopoto'ori ndi ondae, hangano wineweudo mosa'o haweomo ndi Ongkue.”

I MATIU 11:15

Isema anu mebiri, ka iporonge!

I LUKASI 12:13

Asa mia inso a mia hadio atuu motaeako ira i Yesu, ”Guru, ipauakonomo pepaekompoku ka kipetiao pusaka.”

Winali 2:7

Mentee ntu'u Ondae i Ue, Ue Alamiu rumonso komiu a laro luwuno inanggano kaemiu. Dokongkomi komiu a mpelempaamiu lumaloo pada one anu malua andio. I larono pato pulu nta'u andio Dokongkomi komiu i Ue, Ue Alamiu, ka nahina maupo hapa makuramiu.

Winali 33:3

Mentee ntu'u Dopehohawa ira bawaa-Do, luwuno mia-Do anu mempori, a laro ngkae-Do i Ue. A ngkaru-Miumo dompentoro, morako aasa inso a mpau-Miu.

Winali 8:2

Impewowoloo koa luwuno pelempaa anu tinondamiu a mpo'ehe-Do i Ue, Ue Alamiu i pada one i larono pato pulu nta'u andio. Tinoo-Do weweukomiu mpe'urumako ka umara-arahako komiu ka Doto'orio hapa anu kongko i laro aroamiu, ba mpe'ini komiu koa a parenta-Do ke naahi.

YAKOBU 4:4

Hei omiu, mia anu nahi mpetenunu! Nahi imento'orioke, nine pesambe'ea saru wawontolino onaemo pe'iwalia saru Ondae Ue Ala? Gaagi ba isema mingki gagi sambe'eno wawontolino andio, ipokogagio koroino iwali-Do Ue Ala.

MENGKAAA 2:4

Sine maupo kanandio Kutatako, hangano ubintaomo pompehohawamu anu amba-ambano.