Yeremia 14:3 - Wunta Mempori

³ Anu langkai potorodo mentena ira puu pompekakaakodo mpo'ungke uwoi. Mansado mehawe a nsumuru, nahi dompohawe uwoi, onaemo ka dompekule saru ponaapado anu mooa. Memokoko'ii ka mengkurama, onaemo ka domensoumbuo uludo.

Yeremia 14:3 ပူးပေါင်းရင်းမြစ်များ

2 Samueli 15:30

I Daudi morake a Pongku Wita Saitu kontongaano mengese, uluno mesoumbu ka ipelempa nahi pe'empehi karu. Luwuno palili anu mentondao mpesoumbu ira luwu, mporake kontongaado mpengese.

2 Samueli 19:4

Ondae mokole tumutuwio rupado ka doponsabangi meroku, ”Anaku Abisalo, Abisalo, anaku, anaku!”

1 Mokole 17:7

Sine umarino ba'opia tempo, korono atuu mo'are, hangano nahi petii usa i wita atuu.

2 Mokole 18:31

Si merongeo i Hisikia, hangano kanandiomo paudo mokoledo to Asuri: Poweweumo pedandia sintuwu saru ongkue ka peluarakomo tepohaweakune, ka sompo mia inso i olomiu ta mongkaa inso a ngkeu anggorono ka keu arasino saru mo'inu inso a nsumuruno,

Esetere 6:12

Ka I'amba i Modekai mekule a mpewowa langkai langkanaedo mokole, sine i Hamani modadusi mekule i rahano saru masusa aroano ka mesoumbu.

Ayubi 6:20

sine mokoko'iido hangano pompe'ala-alado atuu, sahawedo i ra'ai mpe'o'ole ira.

Po'unde-unde 109:29

Po'ineeomo mia anu tumuluri aku ka ipesangkaako mokoko'iia, ka po'ineeomo dompelemba meloeako mokoko'ii.

Po'unde-unde 40:14

Moikoomo oo Ue Ipotola aku; Ue, Irongamo tumulungi aku!

Yeremia 14:4

Anggaa a lere pinenaa-naaako, hangano nahina usa i wita atuu. Puu mpelere mpe'o'ole ka mensoumbuo uludo.

Yeremia 15:18

Tembioke marasaiku nahina tompaano, ka mobelaku tedoa mahaki, nahi tepakuli? Mentee ntu'u, Omiu kana korono anu wela motu'i ndi ongkue, uwoi anu nahi pinokomperorohi.

Yeremia 2:13

Hangano bawaa-Ku mpoweweu orua rupa wineweu mosa'o: domebinta Aku, insoano uwoi tuwua, ka mpokeke ponaapado uwoi, ponaapa anu telompa, anu nahi pokomponaa uwoi.

Yeremia 2:37

Inso i ra'ai mbo'u komeluarako saru tumandeo kaemu, hangano anu pine'ala-alamu nahi Dotarima ira i Ue ka omue nahi komehasili saru ondae.”

Yeremia 20:11

Sine Ondae i Ue kumongkomi aku kana puu mpetea anu moroso, onaemo pu'uno anu melampui aku ira ntetidu ntebangku ka nahi domehawe aku. Ondae gagi tedoa memokoko'ii, hangano nahi domehawe aku, asa mokoko'iia anu nahi ta kinolupe ranta nahina tampulaano!

Yeremia 3:3

Onaemo pu'uno pesiwuino usa te'onto ka usa a tampulaano tempo nahi hawe. Ra'imu ra'ino beine belesu, nahi uponto'ori mokoko'ii.

Ponsabangi 4:4

Elono nana'ote kodei metako a langirano hangano mokoranga; nana'ote mpo'ema ira roti, sine nahina maupo te'asa mia mompowee.

Hosea 2:3

Luwuno anano nahi Aku mehohawa ira, hangano ondae onaemo nana'ote belesu.

Yoeli 1:20

Luwuno mbo'u kondehora mo'ila ntekewoi ndi Omiu, hangano korono wela mo'are, mo'areomo, ka wita pompakambia mbo'u i pada one pingkoomo ikaano api.

Amosi 4:7

”Nahi Kupotiio usa ndi omiu, otolu wula se'eluno imensowi. Kupotiio usa a wawo ngkota anu asa ka nahi pinotii a wawo ngkota susua; lere anu asa i'aluo usa, ka lere anu nahi pohawe usa gagi mokari;

Amosi 4:8

palilino orua otolu kota melako kobangku-bangku i asa kota ira mpo'inu uwoi, sine nahi domentende. Sine, nahi mpepokule ndi Ongkue,” kanandiomo pau-Do i Ue.

Sakaria 14:17

Sine tewala inso i olodo luwuno suku i tolino hinao anu nahi aiwa i Yerusale ta menggolontu mesombai Ira Mokole, Ueno luwuakoano, manasa ndi ondae nahi ta metii usa.