Yeremia 12:3 - Wunta Mempori

³ Oo Ue, Omiu tumo'ori aku ka kumita aku. Omiu umarahakono ihino aroaku ndi Omiu. Pae iramo mpeluarako kana bawaano bembe bimba sumbelea, ka pesusua iramo tiano oleo ponsumbelea.

Yeremia 12:3 ပူးပေါင်းရင်းမြစ်များ

2 Mokole 20:3

”Oo Ue, po'ineomo Irambeo nine tuwu akumo metenunu i aro-Miu ka moleo aroa; moweweu akumo hapa anu moiko a pongkita-Miu.” Ka i'amba i Hisikia mengese mongkoko'undu.

1 Tawarika 29:17

Kuto'orio, oo Ue Alaku, nine Omiumo anu umara-arahakono aroa ka memoikoo moleoa, onaemo ka kupesombaakono luwuno atuu a moleono aroa. Kanandio-andio bawaa-Miu anu mehawe i ndi'ai kukita iramo mpompowee pesomba ndi Omiu a moleono aroa ka mawongko.

Ayubi 23:10

Hangano Doto'orio sala ntumuwuku; ande-andeno Do'arahako aku, aku meluarako kana wulaa.

Po'unde-unde 11:5

Ondae i Ue paresao mia mentee ka mia mosa'o gauno, ka Do'o'aliaakono mia anu mongkekewoi pobobarasaia.

Po'unde-unde 139:23

Iparesa akumo, oo Ue Ala, ka Ito'oriomo aroaku, I'arahakunemo ka Ito'oriomo luwuno pinewowoloku;

Po'unde-unde 17:3

Tewala Omiu umarahakono aroaku, paresao i tempono wongi, ka mepentee aku, nahi Komiu mohawe hapa-hapa; pinewowolo mosa'o nahi haweako meluarako inso a wiwiku,

Po'unde-unde 26:1

Inso ndi Daudi. Oo Ue, Ipokomengkaaomo nine ongkue mentee hangano tuwu akumo nahina tataano; Ndi Ondae i Ue kupompe'ala-ala nahi nanta-nanta.

Po'unde-unde 7:9

Ondae i Ue bitara ira tongku. Ibitara akumo, Ue, hangano mentee aku, ka bobotoli ntu'u aroaku.

Yeremia 15:15

Omiu tumo'orio, oo Ue. Irambeomo ka Iperio akumo; Ipombaloakunemo a luwuno mia anu lumampui aku. Si po'inee aku inala, hangano melai sabara-Miu; Ito'oriomo mobeano kutembio pontetewehi hangano Omiu!

Yeremia 17:16

Ongkue isa'a nahi kuhori medada gagi puu mpompakambi tumonda Komiu komba ineheku oleo masolaa! Omiumo anu tumo'orio hapa anu meluarako inso a wiwiku, luwuno mengkaa i aro-Miu.

Yeremia 17:18

Po'ineeomo mia anu melampui aku mpohawe mokoko'ii, sine siimo kupinokoko'ii; po'ineeomo ka domedoito, sine siimo kupinokodoito! Ipotiiomo oleo masolaa ndi ondae, ka Irawo-rawoako iramo porawo-rawo meluka.

Yeremia 20:12

Oo Ueno luwuakoano, anu umarahako ira mia mentee, anu kumitao laro aroa ka aroa, po'ineeomo ka kukitao pombaloa-Miu ndi ondae, hangano kupohaweomo ndi Omiu kara-karaku.

Yeremia 48:15

Anu ta rumawo-rawoo Moabi ka luwuno kotano melako iramo mpetea, luwuno mia mongura anu tebiniki mpetii iramo a mponsumbelea, kanandiomo pau-Do Mokole anu nee-Do Ueno luwuakoano.

Yeremia 50:27

Pepate ira luwu sapino, po'ineeomo dompetii a mposumbelea! Memasola iramo, hangano tempono haweomo, tempo domehinuku!

Yeremia 51:4

Mia anu mempinepate ta matumbole i witado to Kasidimi ka anu mapari mobelano a luwuno pesalaano,

I YOHANE 21:17

Dopotaeakono i Yesu anu kopentoluno, ”Simo, anano i Yohane, nde upehohawa Aku koake?” Masusaomo aroano i Peturu hangano pentolumo Dopotaeakono i Yesu, ”Nde upehohawa Aku koake?” Ka ipotaeako Ira, ”Ue, Ito'orio luwuakoano, Ito'orio, nine kupehohawa Komiu.” Dopotaeakono i Yesu, ”Pakambi iramo bimba-Ku.

YAKOBU 5:5

Mentuwu komiumo a laro mare'ea ka mpompemana-manangai i tolino, impotendeomo aroamiu mengkena kana a oleo ponsumbelea.

2 PETURU 2:12

Sine ondae atuu mengkena saru pinotuwu anu nahina akalano, mengkena saru kondehora anu butu pine'anaako ka irinako ka rinopu. Dompepaukiakono hapa anu nahi domento'orio, ranta hangano wineweudo anu mosa'o ondae isa'a ira memate kana kondehora mo'ila,