Yeremia 11:4 - Wunta Mempori

⁴ anu Kuparentaako iramo uempu'umiu i tempono Kuwawa ira mpeluarako inso i wita Masiri, inso a awu pompokolonoa labu. Pau-Ku: Rongeomo pinau-Ku ka weweuomo luwuno anu Kuparentaakomu, asalakono kogagi bawaa-Ku ka Ongkue gagi Ue Alamu.

Yeremia 11:4 ပူးပေါင်းရင်းမြစ်များ

Tegagia 17:8

Ndi omue ka a inulemu Kupeweengakono luwuno wita Kana'a, wita anu upo'iangario andio gagi mia hawe, gagi tiamu ranta nahina tampulaano; ka Ongkue gagi Ue Alado.”

1 Mokole 8:51

hangano ondae atuu bawaa-Miu ka tia pusaka-Miu anu Iwawa iramo mpeluarako inso i wita Masiri, inso i tongano awu pompokolonoa labu.

2 Mokole 18:6

Onae me'ini moroso ndi Ondae i Ue. Onae nahi pebungkui Ira i Ue, tendeano me'ini a luwuno parenta anu Dopohaweomo ndi Musa.

Peluarakoa 20:6

Sine Aku mopokitao pompehohawa-Ku a nsowu-sowuno mia, ndi ondae anu mpehohawa Aku ka anu mpe'ini a luwuno songka-Ku.

Yesaya 30:6

Pau-Do anu pabawa mongkona kondehora i Wita Nege. Telalo a wita anu buke ma'isoa ka te'asi, po'iangado singa waino ka singa lakino mpengaoli, po'iangado ule me'ipo ka ule mepani, domewawao arataa pompolido a wawo bungkuno kalide, ka luwuno parewa pinekariado a wawo palasa unta a tongku anu nahi domempolio mpompowee anu mentudu,

Yesaya 48:10

Menteeano, Kupokomorinakomo, sine komba kana salaka. Ku'arahakomumo a laro pompotuwua api marasaia.

Yeremia 11:7

Mentee ntu'u Kupopoto'oriako iramo uempu'umiu, i tempono Kutaate ira mpeluarako inso i wita Masiri. Maupo hawe tempo andio Kupopoto'oriako ira mpiha: Rongeomo pau-Ku!

Yeremia 24:7

Aku moweeako ira aroa ka domento'ori Aku, nine Ongkuemo Ue. Ondae ira megagi bawaa-Ku ka Ongkue gagi Ue Alado, hangano ira mpepokule ndi Ongkue a tompaano aroado.

Yeremia 26:13

Kanandio-andio, impokomoikoomo pelelumiu ka poweweumiu, ka rongeomo suara-Do i Ue, Ue Alamiu, ka Dopokogagio i Ue masolaa anu pinau-Do ndi omiu.

Yeremia 30:22

Ka komiu megagi bawaa-Ku, ka Ongkue gagi Ue Alamiu.”

Yeremia 32:28

Onaemo pu'uno kanandiomo pau-Do i Ue: Menteeano, Kupeweengakono kota andio a ngkaedo to Kasidimi ka a ngkaeno i Nebukanesa, mokole i Babeli, ka ta mongko'alao.

Yeremia 38:20

Sumangki i Yeremia, ”Nahi ira mpeweengakomu. Rongeomo pau-Do i Ue mongkona hapa anu kupohaweo ndi omue, ka ta moiko teweweumu ka omue kongko tuwu.

Yehesikieli 11:20

Kanandio ondae ira mentuwu montonda luwuno pompakosi-Ku ka mpe'ini a luwuno atora-Ku saru meweweuo. Ka ondae ira megagi bawaa-Ku ka Ongkue gagi Ue Alado.

Yehesikieli 14:11

ka si domepansia mbo'u suku Isaraeli inso ndi Ongkue ka nahi ka koroido nahi domengkokoburutiakono mbo'u luwuno polimpaido. Ba kanandio ira megagi bawaa-Ku ka Ongkue gagi Ue Alado; kanandiomo pau-Do Ue Ala.”

Yehesikieli 36:28

Komiu mpo'ia i wita anu Kuweeako iramo uempu'umiu. Komiu megagi bawaa-Ku ka Ongkue gagi Ue Alamiu.

Yehesikieli 37:23

Ondae nahi domengkokoburutiakono mbo'u koroido luwuno lahumoa ke pinesombaido anu mokoburu ke luwuno polimpaido. Sine, Aku motola ira inso a luwuno wineweudo anu pansia anu hangano onae ka dontehala, ka mokomorina ira, onaemo ka domegagi bawaa-Ku ka Aku gagi Ue Alado.

Yehesikieli 37:27

Po'ianga-Ku mbo'u ta kongko ndi ondae ka Aku gagi Ue Alado ka ondae gagi bawaa-Ku.

Danieli 3:26

Ka i'amba i Nebukanesa rumangkuhio pewowano pompotuwua api anu kolanga-langa atuu ka ipotae, ”Sadaraki, Mesaki, ka Abenego, tetenaa-Do Ue Ala anu tedoa mantande, impeluarakomo ka ime'aiwamo ramai!” Mpeluarako iramo I Sadaraki, i Mesaki ka i Abenego inso a laro api atuu.

Imama 26:12

Sine Aku kongko i tonga-tongamiu ka Aku gagi Ue Alamiu ka omiu megagi bawaa-Ku.

Imama 26:3

Tewala mentuwu komiu montonda pompakosi-Ku ka kongko mpe'ini a parenta-Ku saru meweweuo,

Sakaria 13:9

Aku numaao anu asa ntia otolu atuu a laro api ka mokomempori ira kana mompokomempori salaka. Aku umara-arahako ira, kana mo'ara-arahako wulaa. Ira mpoboio nee-Ku, ka Aku sumangki ira. Aku mepau: Ondaemo bawaa-Ku, ka ira mesangki: Ondae i Ue Ondaemo Ue Alaku!”

Sakaria 6:15

Mia inso i olaiano ira me'aiwa mpetonda mpowangu raha-Do i Ue. Ka komiu mento'orio nine Ondae Ueno luwuakoano anu tumena aku aiwa ndi omiu. Mongkona andio ta gagi, tewala mentee ntu'u imperorongeakono pau-Do i Ue, Ue Alamiu.”

Sakaria 8:8

Aku wawa ira mpekule, ka dompo'ia i tonga-tongano Yerusale. Ka ondae mbo'u ira megagi bawaa-Ku ka Ongkue ta gagi Ue Alado a laro mpetenunu ka menteea.”

I MATIU 28:20

ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”

2 KORINTI 6:16

Hapake penggoeano raha-Do Ue Ala saru lahumoa? Hangano ontae onaemo raha-Do Ue Ala anu tuwu montonda pau-Do Ue Ala andio, ”Aku mo'ia me'asaako ira ka tuwu i tonga-tongado, ka Aku gagi Ue Alado, ka ondae gagi bawaa-Ku.

Winali 11:27

ronso, tewala imperorongeakono parenta-Do i Ue, Ue Alamiu, anu kupohaweo ndi omiu a oleo andio;

Winali 4:20

Sine, Do'ala komiumo i Ue ka imewinawa mpeluarako inso i wita Masiri, inso a awu pompokolonoa labu, kai megagi bawaa-Do, kana anu gagi kanandio-andio.

Winali 5:6

’Ongkuemo Ue, Ue Alamiu anu wawa komiu mpeluarako inso i wita Masiri, inso a mpo'ianga tepe'ataa.

IBARANI 5:9

ka umari-Do humaweo pokobobotoli-Do, Ondae gagi Pu'uno tekaduduiado luwuno mia anu momperorongeako ndi Ondae anu nahina tampulaano,

1 Samueli 15:22

Sine ipotae i Semueli, ”Nde Ira memoikoo i Ue pesomba tinunu ka pesomba sinumbele, mengkena kana momperorongeako pau-Do i Ue? Menteeano, moikoopo momperorongeako, sekonopo pesomba sinumbele, tumondao songka-Do, moikoopo sekono tabano bimba laki.