Yeremia 10:3 - Wunta Mempori

³ Hangano, gaudo tongku atuu nahina pengkonaano. Kombake lahumoa atuu keu anu tinuehi inso a ntobu, anu inanggano asa mia puu mpo'angga keu mompake pa'o?

Yeremia 10:3 ပူးပေါင်းရင်းမြစ်များ

Po'unde-unde 115:4

Luwuno lahumoado butu salaka ka wulaa, wineweuno kaeno mia,

Yesaya 45:20

”Mpepumpumo ka aiwamo, ime'aiwamo meronga-ronga, hei luwumiu anu mentola i olodo tongku! Nahina ponto'orido mia anu mpowawa tinaha inso a ngkeu kanantuu koa mbo'u ondae anu mpekakai a mpinesombai anu nahi polio mongkadudui.

Yeremia 1:16

Aku mokomengkaao pohuku-Ku ndi ondae, hangano luwuno wineweudo anu mosa'o; domebinta Akumo, ka mpontunu ira dupa a mpinesombai susua ka mpenggolontu mpesombaio wineweuno kaedo.

Yeremia 10:8

Lahumoa atuu luwuno benge-benge ka monge-monge; pontisodo nahina tuduno; onae butu koa keu.

Yeremia 14:22

Hinaoke i olono pinesombai anu nahina pengkonaano inso a tongku atuu polio mompotii usa? Ke langi polioke onaeno mompotii usa marombo? Kombake butu koa Omiu, oo Ue Alamami? Ndi Omiumo pomperorohiamami, hangano Omiumo anu weweuo luwuno atuu?

Yeremia 16:19

Oo Ue, rosoku ka benteku, polaiaku a oleo pompema'isoku! Ndi Omiu ira me'aiwa tongku inso i tompano tolino saru mpotae, ”Mentee ntu'u, uempu'umami butu mpope'ue pinesombai nahi mentee, pinesombai nahina pengkonaano anu nahina tuduno.

Yeremia 2:5

Kanandiomo pau-Do i Ue: Hapa anu nahi moleo hinawedo uempu'umiu ndi Ongkue, ranta ka dome'olaia-Kune, tumonda ira pinesombai susua anu nahina tuduno, ka ondaedo gagi nahina tuduno?

Imama 18:30

Onaemo pu'uno omiu asalakono me'inio anu lano tekona imeweweuo ndi Ongkue, kasi mpoweweu te'asa inso a gau anu mokoburu atuu, anu wineweudo se'eluno omiu, ka si meweweuo koroimiu mokoburuako luwuno atuu. Ongkuemo Ue, Ue Alamiu.”

I MATIU 6:7

Ka mbo'u a laro mpekakaimu atuu si hadio mpena pau kana anu domeleleoakono mia anu nahi domento'ori Ira Ue Ala. Potaedo nine hangano hadiono pau pekakaido ta inindu.

WINEWEUDO TINENA 19:26

Kanandio-andio omiu isa'a mengkitao ka merongeo, kana'umpe i Paulu, komba butu i Epesu, sine mingki asa wawo wita Asia mbo'u ipopandei iramo ka mompokontesaa hadio mia ipotae, nine hapa anu wineweuno kaeno mia komba anu pinesombai.

ROMA 1:21

Hangano maupo domento'ori Ira Ue Ala, nahi dompelangkai Ira kana Ondae Ue Ala ke me'unde-unde Ira. Tendeano pinewowolodo gagi nahina tuduno ka aroado anu monge-monge gagi wongi-wongi.

1 PETURU 1:18

Hangano imento'orio, nine mentinolosi komiumo inso a gau ntumuwu anu nahina tuduno pusakamiu inso a uempu'umiu atuu komba saru sangka anu ta tampula, komba mbo'u saru salaka ke wulaa,