Yeremia 1:9 - Wunta Mempori

⁹ Ka Do'amba i Ue weroo kae-Do umanggao ngangaku. Ondae i Ue mepau ndi ongkue, ”Menteeano Kunaao luwuno pau-Ku a laro ngangamu.

Yeremia 1:9 ပူးပေါင်းရင်းမြစ်များ

Yesaya 49:2

Doweweuo ngangaku kana ponai montaso ka mekaria aku a pokongkomino kae-Do. Dopokogagi aku ana mpana anu montaso ka wuni aku a laro ngkadu pana-Do.

Yesaya 50:4

Ondae Ue Ala Dopoweeakunemo elono asa mia ana guru, kai butu pau kupolio moweeakono roso mia anu telusa molema. Mo'oru me'eu mo'oru Dopokomontasoo porongeku ka kuporonge kana asa ana guru.

Yesaya 51:16

Aku numaao pau-Ku a laro ngangamu ka dumagaiko a laro mpo'engoino kae-Ku, Ongkue anu wileo langi ka numaao empehino tolino, ka mepau ndi Sioni: Omuemo bawaa-Ku!

Yesaya 59:21

Ndiomo pedandia-Ku saru ondae, pau-Do i Ue, Penaa-Ku anu medongkoiko ka pau-Ku anu kunaao a laro ngangamu nahi ta bintao ngangamu saru ngangado inulemu ka inuledo, mompu'u kanandio-andio hawe nahina tampulaano, pau-Do i Ue.

Yeremia 15:19

Onaemo pu'uno kanandiomo pau-Do i Ue, ”Tewala inehemu mepokule, Aku mokuleko gagi puu pompekakaako-Ku, ka tewala mompauko hapa anu mentudu ka komba anu mokoburu, asalakono omue kogagi ponsombu elo ndi Ongkue. Maupo ira mpepokule ndi omue, omue siimo pepokule ndi ondae.

Yeremia 34:6

Nabi Yeremia mohaweo luwuno pau andio ndi Sedekia, mokoledo to Yehuda, i Yerusale,

Yeremia 36:2

”Alaomo paluluno wunta ka buriomo i larono luwuno pau anu Kupauomo ndi omue mongkona Isaraeli, Yehuda ka luwuno tongku, mompu'u Kupepau ndi omue tempono i Yosia hawe tempo andio.

Yeremia 5:14

Onaemo pu'uno kanandiomo pau-Do i Ue, Ue Alano luwuakoano, ”Hangano mpotae ira kanatuu, menteeano Aku weweuo luwuno pau-Ku, gagi api a laro ngangamu, ka tongku andio gagi keu, ka pingko ikaano api atuu.

Yehesikieli 3:10

Umarino atuu Ondae mepau ndi ongkue, ”Hei anano mia, pekokoongakonomo ka rongeomo luwuno pau-Ku anu Aku mohaweo ndi omue.

Danieli 10:10

Sine hinao asa kae tumengku aku ka weweu aku mondidi-ndidi a olontuu ka kaeku.

Danieli 10:16

Sine hinao asa anu kana mia tumengkuo wiwiku. Ongkue mbo'u mompu'u mepau, kupotaeakono anu mentade i aroku atuu, ”Ueku, hangano pongkita atuu i'alu aku pompemahaki ka nahina mbo'u rosoku.

Podoaa 23:5

Ka Do'amba i Ue numaao pau a laro ngangano i Bilea ka mepau, ”Pekulemo ndi Bala ka pauomo kanandio.”

I MATIU 10:19

Tewala dompeweengakomiu, si mensalalaro mongkona ba kana'umpe ka mongkona hapa anu, asalakono komiu pompau, hangano luwuno atuu komiu mewineeako i tempo koa mbo'u atuu.

I MARAKUSU 7:33

Ka umarido i Yesu monsiao inso a mia hadio, ranta orua iramo koa, Dowinsoo toniso-Do a birino mia atuu, ka Do'amba me'onui ka rumareo elono mia atuu.

I LUKASI 12:12

Hangano i tempo koa mbo'u atuu Penaa Mempori ta paguruakomiu hapa anu asalakono komiu mempauo.”

I LUKASI 21:15

Hangano Ongkue isa'a mowee komiu pau ponto'ori, ranta nahi dompoko'ewai komiu ke mesangki komiu taromiu.

Winali 18:16

Mongkona andio menunu saru anu inemamiu i ndi'ipua ndi Ondae i Ue, Ue Alamiu, i torukuno Hore, ia oleo pepumpua, ka impotae, ”Po'ineeomo nami kurongeo mbo'u pepau-Do i Ue, Ue Alaku, ka api anu langkai andio nami kukitao mbo'u, kasi kumate.”

Winali 18:17

Ka Do'amba i Ue mepau ndi ongkue, ”Hapa anu pinaudo atuu moiko.

Winali 18:18

Asa nabi Aku tumenaako ira i olono pepaekompodo, kana ongkue andio. Aku numaao pau-Ku a laro ngangano, ka onae ta pauako ira luwuno anu Kuparentaakono.