Yehesikieli 9:9 - Wunta Mempori

⁹ Dosangki aku, ”Salado suku Isaraeli ka Yehuda tedoa langkai, ranta wita andio bukeako rea ka kota andio bukeako poweweu nahina moleoa. Hangano, dompotae, ’Wita andio Dobintaomo i Ue ka nahi Dokitao i Ue.’

Yehesikieli 9:9 ပူးပေါင်းရင်းမြစ်များ

2 Mokole 21:16

Laanopo mbo'u i Manase mompepate mia anu nahina salano, hadio ntu'u ranta buke Yerusale inso i tompano hawe i tompano, napi tewinso luwuno halano anu poko'ariano to Yehuda mpoweweu ira mbo'u hala hangano mpoweweu anu mosa'o a pongkita-Do i Ue.

2 Mokole 24:4

hangano mbo'u reado mia anu nahina salado anu i'uwuomo. Hangano iweweuomo Yerusale bukeako reano mia anu nahina salano, ka Ondae i Ue nahi Dobehe umampunio.

Ayubi 22:13

Sine upewowoloo: Hapa tino'ori-Do Ue Ala? Ira polioke mompau kara-kara inso i asambalino seru anu wongi-wongi?

Po'unde-unde 10:11

Onae mepau i laro aroano, ”Ondae Ue Ala kumolupeo; Ondae wunio rupa-Do, ka nahi ta hori mbo'u kumitao.”

Po'unde-unde 94:7

ka dompotae, ”Nahi Dokitao i Ue, Ondae Ue Alano i Yako nahi Doperioo.”

Yesaya 1:4

Masola ntu'u tongku anu tehala, bawaa anu bukeako sala, inuledo mia anu melolambaha, mia anu mpoweweu mokoburu! Domebinta Ira i Ue, tumata Ira Anu Tedoa Mempori, Ue Alado to Isaraeli, ka mpewolili mpebungkui Ira.

Yesaya 29:15

Masola ntu'u mia anu wunio tedoa ondalo tinoono ndi Ondae i Ue, anu luwuno inanggano iweweuo a laro wongi-wongi saru motae, ”Isemake anu kumita kami ka isemake anu tumo'ori kami?”

Yesaya 47:10

Omue roodo a laro wineweumu anu mosa'o, potaemu, ”Nahina anu kumita aku!” Pandemu mompewowolo ka ponto'orimu mokontesaako, onaemo ka upotae a laro aroamu, ”Butu ongkue; nahina anu susua i horiku!”

Yeremia 2:34

A lembamu hinawe mbo'u reado mia mongkokolaro anu nahina salado; Uhawe ira komba a tempo tekonai mponako! Maupo luwuno atuu anu gagi,

Yeremia 22:17

Sine matamu ka aroamu butu te'aro a po'ungkea me'uraa, a mpo'uwua reano mia anu nahina salano, a porontua ka pobobarasaia!

Ponsabangi 1:5

Luwuno anu me'ewaio pabawaio, luwuno iwalino mempo'unde. Mentee ntu'u, Ondae i Ue weweuo boni-boni, hangano hadio salano; nana'oteno mpelempa i arodo iwali gagi mia mentinawa.

Yehesikieli 7:23

Patindao pompongu, hangano wita atuu bukeako pasua rea ka kota atuu buke pobobarasaia.

Yehesikieli 8:12

Pau-Do ndi ongkue, ”Nde ukitaoke, hei anano mia, hapa anu wineweudo mia memota'udo suku Isaraeli a laro wongi-wongi, singge mia a laro bolongko po'iangano luwuno ngginorido? Hangano, dompotae: Ondae i Ue nahi Dokita kita; Wita andio Dobintaomo i Ue.”

Yehesikieli 8:17

Ka Do'amba mepau ndi ongkue, ”Nde ukitaoke atuu, hei anano mia? Kara-kara kodeike atuu a nsuku Yehuda meweweu ira wineweu mokoburu anu domeweweuo i ndi'ai? Hangano, wita andio domebuketiakono pobobarasaia ka mokontesingkao mpiha tekuda-Ku. Mentee ntu'u, ondae mpelelu nahi penunu i aro-Ku.

Habaku 1:4

Onaemo pu'uno songka nami tinudu ka moleoa nahi tineahako, hangano mia anu nahi perio Ira i Ue kumadu ira mia mentee. Onaemo pu'uno moleoa pinoposule-sule.

Sepanya 1:12

Ia tempo atuu Aku paresao Yerusale saru mowawa pansona ka Aku humukuo luwuno mia anu bakuomo kana anggoro a wawo potonduano ka anu mepau i laro aroano: Ondae i Ue nahi Ira moweweu moiko ke moweweu mosa'o!

I LUKASI 11:50

ka itinuntu a mia andiodo reado luwuno nabi anu te'uwuomo mompu'u ipinokogagi wawontolino,

Winali 31:29

Hangano kuto'orio, tewala mate akumo, komiu mpoweweu tedoa mokoburu ka mepansia inso a nsala anu kutenaakomiu. I lembuino masolaa ta umalukomiu, tewala mpoweweu komiu anu mosa'o a pongkita-Do i Ue, ka mpokotesingkao tekuda-Do hangano wineweuno kaemiu.”

Winali 32:5

Mpoweweu ira mokoburu ndi Ondae, komba ana-Do mbo'u hango hinao tataado, asa ntuwua anu molengku ka mpelelengkupi.