Yehesikieli 9:8 - Wunta Mempori

⁸ Kontongaado pompepate, tempo atuu bininta aku asa-asaku, ongkue menggolontu mesomba ka mebooli, kupotae, ”Oo, Ue Ala, nde Iropu ira luwuke to Isaraeli anu da tebinta a laro te'uwuno tekuda-Miu i Yerusale?”

Yehesikieli 9:8 ပူးပေါင်းရင်းမြစ်များ

Tegagia 18:23

I Burahima aiwa umpeda, ka ipotae, ”Nde Komiu mokotampula irake mia mentee meronga saru mia mosa'o gaudo?

1 Tawarika 21:16

Mansano i Daudi mengkikita, ikitao Mala'eka-Do i Ue kontongaano mentade i olono tolino ka langi, saru ponai tebuta a ngkaeno anu inio i wawono Yerusale. Ka i'amba i Daudi ka luwuno mia memota'u mpenggolontu saru mpesangka mpo'inombo.

Esera 9:5

I tempono mpesomba ngkiniwia mentade aku umariku meurumako saru sangka ka lemba meloeku anu teberi, ka ku'amba menggolontu tumangaakono kaeku ndi Ondae i Ue, Ue Alaku,

Yeremia 14:13

Ka ku'amba motae, ”Adoo, Omiu Ue Ala! Kombake domempauomo nabi ndi ondae: Omiu nahi komiu mpongkita ponai, ka mokoninggoa nahi ta umalukomiu, sine Aku moweeakomiu rodoa anu moroso a mpo'ianga andio!”

Yeremia 14:19

Nde Yehuda nami Itarima ira ntu'uke? Nde Ite'osaakonomoke Sioni? Tembio ka Itunduhi kami kanandio, ranta nahina mbo'u mokotompao hakimami? Omami mpomperorohi rodoa, sine nahina hawe maupo te'asa anu moiko; momperorohi tempo tompaano, sine anu hina butu mongkokongiria!

Yeremia 4:10

saru mpotae: Oo, Ue Ala, mentee ntu'u, tedoa Komiumo mopo'oo tongku andio ka palilino Yerusale, motae: Rodoa ta kongko ndi omiu, kahinaano ponai mokodoitoo penaamami!”

Yehesikieli 11:13

Kontongaaku mompau anu ta gagi, i Pelatia anano i Benaia mate. Ka ku'amba menggolontu mesomba ka mebooli meroku, kupotae, ”Oo, Ue Ala, nde Komiu pingko irake to Isaraeli anu da tebinta?”

Yehesikieli 4:14

Ka ku'amba sumangki, ”Oo, Ue Ala, menteeano, nahi kuhori kinokoburuti ka inso tempo kumongura hawe kanandio-andio nahi kuhori mongkaa anu mateako onaeno ke torea kinaano kondehora lambaha, bau mowai mbo'u nahi hori mewinso a ngangaku.”

Yehesikieli 7:8

Kanandio-andio Aku ronga umuwuo mosa'ono aroa-Ku ndi omue ka motiio tekuda-Ku ndi omue. Aku bitarako menunu saru pelelumu ka mombalo ndi omue luwuno wineweumu anu mokoburu.

Podoaa 14:5

Menggolontuomo i Musa ka i Haruni i arodo luwuno bawaa Isaraeli anu mpepumpu i tu'ai.

Podoaa 16:4

Mansano rumongeo i Musa mongkona atuu menggolontuomo ka mesomba.

Podoaa 16:45

”Peliahakomo inso i tonga-tongano bawaa andio, ka Kupingko ira i larono asa mpiniro.” Onaemo ka dopesomba.

Winali 9:18

Umarino atuu menggolontu aku i aro-Do i Ue pato pulu oleo ka pato pulu wongi tehineno, kana anu amba-ambano; nahi kupongkaa roti ka nahi kupo'inu uwoi. Nde, tedoa komiu ntehala, mpoweweu anu mosa'o a pongkita-Do i Ue, ranta mokotesingkao tekuda-Do.

Yosua 7:6

Ipeberisakonomo i Yosua lembano, menggolontuomo i Yosua ra'ino hawe ia wita mesomba i arono burua-Do i Ue ranta ngkiniwia, mperonga ka mia memota'udo to Isaraeli, ka toro'uludo domerawosiakono awu wita.