Yehesikieli 9:6 - Wunta Mempori

⁶ Pompepate ka ropu ira mia anu mota'u, ana ntama kontuwuado, ka ana beine kontuwuado, nana'ote kodei ka luwuno beine! Sine, luwuno mia anu tinondoniomo, si danggi ira! Pompu'umo inso a mpo'ianga mempori-Ku!” Ka do'amba mpompu'u inso a mia memota'u anu mekongko i arono Raha Mempori.

Yehesikieli 9:6 ပူးပေါင်းရင်းမြစ်များ

Tegagia 4:15

Mepau Ira i Ue ndi onae, ”Naahi ntu'u, isemamo koa anu mepateo i Kai ta pinombaloako meluka pepintu.” Ka Do'amba i Ue monaakono tondonino i Kai, ka si dompepateo mia isemamo koa anu tepotowoakono.

2 Tawarika 36:17

Ondae i Ue lumeluo mokoledo to Kasidimi umewai ira. Mokole atuu mepateako ira ponai ana ntama kontuwuado a laro raha memporido, ka nahi pinehohawa mangalitau ke ana beine, mia mota'u ke mia me'uwa. Luwuno Dopeweengakono i Ue a ngkaeno.

Peluarakoa 12:23

Ka Ondae i Ue melempa sumompoo humukuo luwuno wita Masiri. Itempono Dokitao rea a orua karuno pewowa ka montoweano iwawono atuu, Ondae i Ue Ira lumaloo pewowa atuu ka nahi Dopo'ineeo mala'eka pompepate mewinso a laro raha humuku komiu.

Yeremia 16:6

Moiko anu langkai maupo anu kodei ta mate i wita andio. Ondae nahi ira mengkinaburu, ka nahina mia anu ta sumabangi ira; nahi ta hina mia anu ta sumosorekio koroino ka lumondahio uluno hangano ondae.

Yeremia 25:29

Hangano menteeano a ngkota anu nineeako montonda nee-Ku, Aku mompu'u motiio masolaa. Nde komiu mentolake inso a mpohuku? Nahi komiu mentola inso a mpohuku, hangano Aku mompotii ponai a luwuno palilino tolino, kanandiomo pau-Do Ueno luwuakoano.

Yeremia 44:7

Kanandio-andio, kanandiomo pau-Do i Ue, Ue Alano luwuakoano, Ue Alado to Isaraeli: Tembio ka impoweweu masolaa langkai a ngkoroimiu ranta mokotampulao tama, beine, nana'ote ka nana'ote da sarai ihina inso i Yehuda nahina toreano tiano koroimu?

Yeremia 44:8

Tembio ka impokotesingkao tekuda-Ku hangano wineweuno kaemiu, saru mpotunu pesomba a luwuno pinesombai susua i wita Masiri anu pinewinsokimiu komiu mpo'ia gagi mia hawe i ra'ai? Tembio ka imebehe gagi pontotonaa ka mokoko'iia i olodo luwuno tongku i tolino?

Yeremia 6:11

Ongkue mbo'u bukeako pontekudaako-Do i Ue, mokendo akumo meteao. ”Uwuomo atuu a wawo nana'ote kodei a nsala, ka a wawo pepumpuado mangalitau mperonga-ronga. Mentee ntu'u, moiko tama maupo beine ta rinako, mia mota'u mbo'u ka anu tende ntinuwu.

Yeremia 9:21

”Matea me'oloako a luwuno pentangoato, mpewinso i larono luwuno benteto. Ondae mokotampula ira nana'ote inso a nsala, luwuno mangalitau inso i tanalapa;

Yehesikieli 11:1

Ka i'amba Penaa-Do i Ue tumande aku ka wawa aku a mpewowa langkai i sabaano oleo Raha-Do i Ue, pewowa anu me'aro i sabaano oleo. Kitao, a mpewowa langkai atuu hinao rua pulu ka olima mia ka i olodo kukitao i Ya'asana anano i Asuri ka i Pelatia anano i Benaia, luwuno petewawa tongku.

Yehesikieli 9:4

Pau-Do i Ue ndi onae, ”Pelempamo inso i tonga-tongano kota Yerusale ka buriomo aasa petondoni a ra'ido mia anu pompemasusa hangano luwuno wineweu mokoburu anu wineweu i ra'ai.”

Yehesikieli 9:5

A anu susua kuronge Ira mepau, ”Tondaomo inso i bungkuno telalo a ngkota atuu ka weweuomo pompepatea siimo pompehohawa ka nahina mokoko'undua.

Amosi 3:2

”Butu omiu anu tino'ori-Ku inso a luwuno suku i wawontolino. Onaemo pu'uno Aku humuku komiu hangano luwuno salamiu.

I LUKASI 12:47

Ndiomo ata anu tumo'orio po'eheno ueno, sine anu nahi pepatinda ke nahi weweuo hapa ineheno ueno, onae ta montarima hadio pontuduhi.

Winali 2:34

I tempo atuu tompoko'alao luwuno kotano ka rumopuo palili sompo kota: tama ka beine saru nana'ote. Nahina maupo te'asa mia anu tompo'ineeo tepotola.

Winali 3:6

Tomeropu ira luwuno palilino, kana anu wineweuto ndi Sihoni, mokole i Hesiboni, saru rumopu ira palili sompo kota: tama, beine ka nana'ote.

Winali 32:23

Aku humowuiako ira masolaa, mepanaakono luwuno ana mpana-Ku ndi ondae.

2 TIMOTIU 2:19

Sine empehino anu ninaa-Do Ue Ala atuu moroso ka tondonino onaemo, ”Ondae i Ue tumo'orio isema mia-Do” ka ”Sompo mia anu pauo nee-Do i Ue asalakono ka ibintao mosa'oa.”

MENGKAAA 14:4

Ondaemo mia anu nahi domengkokoburutiakono beine koroido, hangano memempori ira kana ana beine moondo. Ondaemo mia anu mentonda Ira i Ana Bimba atuu ba isuamo koa Dolako. Ondae mentinolosi inso i olodo mia kana pesomba amba-ambano tia-Do Ue Ala ka tia-Do i Ana Bimba atuu.

MENGKAAA 7:3

ipotae, ”Si mensolangio tolino ke tahi ke luwuno keu ba napi kimentondoni ira tetenaa-Do Ue Alamami a ra'ido!”

MENGKAAA 9:4

Ka me'inoliwi ira, ka si domensolangi ira ewo i tolino ke luwuno pinopaho ke maupo luwuno keu, tendeano butu mia anu nahina tondoni-Do Ue Ala i ra'ino.

1 Samueli 15:3

Kanandio-andio, lakomo ka nangi ira to Amale. Pokoropuo luwuakoano anu hina ndi ondae ka sipehohawa ira. Pepate ira luwuno tama, maupo beine, nana'ote maupo ana dalo, sapi maupo bimba, unta maupo kalide.”