Yehesikieli 9:4 - Wunta Mempori

⁴ Pau-Do i Ue ndi onae, ”Pelempamo inso i tonga-tongano kota Yerusale ka buriomo aasa petondoni a ra'ido mia anu pompemasusa hangano luwuno wineweu mokoburu anu wineweu i ra'ai.”

Yehesikieli 9:4 ပူးပေါင်းရင်းမြစ်များ

Tegagia 4:15

Mepau Ira i Ue ndi onae, ”Naahi ntu'u, isemamo koa anu mepateo i Kai ta pinombaloako meluka pepintu.” Ka Do'amba i Ue monaakono tondonino i Kai, ka si dompepateo mia isemamo koa anu tepotowoakono.

2 Mokole 22:13

”Imelakomo, mpo'emaakune pontiso-Do i Ue, tiado palili ka luwuno Yehuda, mongkona pau a wunta anu hinawe andio, hangano mongkokongiriomo mokulano tekuda-Do i Ue anu tensila ndi ontae, hangano nahi domperorongeakono uempu'uto luwuno pauno a wunta andio saru meweweuo mengkena kana anu teburi i larono.”

Po'unde-unde 119:136

Uwoi mataku waa kana waaano uwoi, hangano mia nahi pe'ini a Songka-Miu.

Po'unde-unde 119:53

Ipabawai aku bamburua a luwuno mia anu mosa'o gauno, anu bintao Songka-Miu.

Peluarakoa 12:13

Rea atuu gagi tondonino raha po'iangamiu. Tewala Kukitao rea atuu, Aku lumalokomiu. Gaagi nahi tahina pohuku matea ndi omiu tempono Kuhukuo wita Masiri.

Peluarakoa 12:23

Ka Ondae i Ue melempa sumompoo humukuo luwuno wita Masiri. Itempono Dokitao rea a orua karuno pewowa ka montoweano iwawono atuu, Ondae i Ue Ira lumaloo pewowa atuu ka nahi Dopo'ineeo mala'eka pompepate mewinso a laro raha humuku komiu.

Peluarakoa 12:7

Ka i'amba inala reano tedei kai hinahiako a orua karuno pewowa ka pontoweano i wawono, a luwuno raha po'iangaado mengkaano.

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Yeremia 13:17

Tewala nahi mebehe mperorongeakono, aku mengese a ntewuniano hangano pompelangka-langkaimiu. Uwoi mataku ta melolonto, tendeano nte'i'iti, hangano bawaano bimba-Do i Ue winawa mentinawa.

Yehesikieli 21:6

Omue, anano mia, peraalikimo! Peraalikimo i arodo kana asa mia anu wuku ntongano tepudu ka kongko a laro tedoa marasaia.

Yehesikieli 6:11

Kanandiomo pau-Do Ue Ala, ”Pontopamo, petundoakono karumu, ka pebooliakonomo: Petangkoro! Hangano luwuno wineweudo suku Isaraeli anu mokoburu ka mosa'o, ira memate tebangkuako ponai, mokoninggoa, ka haki lele.

Yehesikieli 9:5

A anu susua kuronge Ira mepau, ”Tondaomo inso i bungkuno telalo a ngkota atuu ka weweuomo pompepatea siimo pompehohawa ka nahina mokoko'undua.

Yehesikieli 9:6

Pompepate ka ropu ira mia anu mota'u, ana ntama kontuwuado, ka ana beine kontuwuado, nana'ote kodei ka luwuno beine! Sine, luwuno mia anu tinondoniomo, si danggi ira! Pompu'umo inso a mpo'ianga mempori-Ku!” Ka do'amba mpompu'u inso a mia memota'u anu mekongko i arono Raha Mempori.

Amosi 6:6

anu mo'inu anggoro inso a loea kodei, ka mehahiako lana anu lalu moiko, sine nahi pompemasusa a nterawono inuleno i Yusupu!

Sepanya 1:12

Ia tempo atuu Aku paresao Yerusale saru mowawa pansona ka Aku humukuo luwuno mia anu bakuomo kana anggoro a wawo potonduano ka anu mepau i laro aroano: Ondae i Ue nahi Ira moweweu moiko ke moweweu mosa'o!

Sepanya 3:18

kana ia oleo tepotowoa langkai.” ”Aku tumadio masolaa inso ndi omue, ranta nami upontembi mbo'u motata.

Maleaki 3:16

Mia anu dumoitoako Ira i Ue mpepau pada ondaedo, ”Ondae i Ue mensiroio ka rumongeo; asa wunta pepopoto'ori binuri i aro-Do tiado mia anu dumoitoako Ira i Ue ka tiado anu melangkaio nee-Do.”

2 KORINTI 1:22

tumondoniakono pontondoni-Do ndi ontae ka anu moweeakita Penaa Mempori i laro aroato gagi pe'inia inso a luwuno anu pinatindaomo tiato.

2 KORINTI 12:21

Salalaro aku, nine tewala hawe aku mbo'u, Ira mokongkodei aku Ue Alaku i aromiu, ka nine aku masusaako ira hadio mia anu mpoweweu hala i ndi'upua ka naapo koa mbo'u dontepidi inso a mokoburua, pebelesua ka nahi dompoto'ori gau anu wineweudo.

GALATIA 6:17

Ka i'amba si hina mia anu mokonsusa aku, hangano a ngkoroiku kongko luwuno petondoni mia-Do i Yesu.

EPESU 4:30

Ka si mpokomasusa Ira Penaa Mempori-Do Ue Ala, anu tumondoni komiumo a haweano oleo pongkaduduia.

2 TIMOTIU 2:19

Sine empehino anu ninaa-Do Ue Ala atuu moroso ka tondonino onaemo, ”Ondae i Ue tumo'orio isema mia-Do” ka ”Sompo mia anu pauo nee-Do i Ue asalakono ka ibintao mosa'oa.”

MENGKAAA 14:1

Ka kukitao: menteeano, i Ana Bimba mentade Ira i pongku Sioni ka meronga saru Ondae asa etu ka pato pulu ka opaa nsowu mia ka a ra'ido teburi nee-Do ka nee-Do Ama-Do.

MENGKAAA 20:4

Ka ku'amba kumita ira kadera poparentaa ka mia anu mpentoro i wawono; ndi ondae mempinoweeako pabawa ka dompobitara. Kukita ira mbo'u sumangado, anu me'inimpahiomo uludo hangano ponsakosii mongkona Ondae i Yesu ka hangano pau-Do Ue Ala; anu nahi pesombaio kondehora atuu ka tinahano ka anu nahi hori montarima pontondoni a ra'i ka a ngkaedo; ka wali ira mentuwu ka pomparenta kana mokole meronga saru Ondae i Kerisituu tiano tempo asa nsowu ta'u.

MENGKAAA 9:4

Ka me'inoliwi ira, ka si domensolangi ira ewo i tolino ke luwuno pinopaho ke maupo luwuno keu, tendeano butu mia anu nahina tondoni-Do Ue Ala i ra'ino.