Yehesikieli 9:10 - Wunta Mempori

¹⁰ Onaemo pu'uno Ongkue mbo'u nahi Kupompehohawa ka nahi Kumokoko'unduakono. Aku dumunsiako ira peleludo a uludo.”

Yehesikieli 9:10 ပူးပေါင်းရင်းမြစ်များ

1 Mokole 8:32

po'ineeomo Irongeo i suruga, Iweweuo ka Ibitara ira tetenaa-Miu: humukuo anu sala saru mombalo wineweuno a ngkoroino onaeno, ka mokomenteeo mia anu mentee, saru moweeakono ponsulo menunu saru menteeno.

2 Tawarika 6:23

po'ineeomo ka Iperorongeakono i suruga, weweuo ka bitara ira tetenaa-Miu: mombalo wineweuno mia anu sala ka mopotembiakono ndi onae, ka mokomenteeo mia anu mentee saru moweeakono pombalo ndi onae menunu saru menteeno.

Yesaya 13:18

Luwuno panado ta sumiarawo ira mia mongura; ondae nahi ira mpehohawao anadalo, matado mongkita nana'ote nahina pompehohawa.

Yesaya 65:6

Menteeano, teburiomo i aro-Ku: Nahi Aku mo'ia rodo, sine Aku mompokohina pombaloa, oo, pombaloa a ngkoroido,

Ponsabangi 1:5

Luwuno anu me'ewaio pabawaio, luwuno iwalino mempo'unde. Mentee ntu'u, Ondae i Ue weweuo boni-boni, hangano hadio salano; nana'oteno mpelempa i arodo iwali gagi mia mentinawa.

Yehesikieli 11:21

Sine mongkona ondae, anu aroado metako a luwuno lahumoa ka luwuno wineweudo anu mokoburu, Aku dumunsiako ira peleludo a uludo, kanandiomo pau-Do Ue Ala.”

Yehesikieli 16:43

Hangano nahi upewowoloo mbo'u tempono umongura, sine saru luwuno andio weweu Aku tedoa tekuda, mentee ntu'u, Aku mopotembiakomu mbo'u pelelumu a ulumu, kanandiomo pau-Do Ue Ala. Kombake omue weweuo mbo'u mokoburua andio susua mbo'u inso a horino luwuno wineweumu anu mokoburu?

Yehesikieli 17:19

Onaemo pu'uno, kanandiomo pau-Do Ue Ala: A nee-Ku anu tuwu, manasa Aku motiiakono a uluno sumpano ndi Ongkue anu pine'uru-uruno ka pedandia-Ku anu hinapuno.

Yehesikieli 22:31

Onaemo ka Ku'uwuo bamburu-Ku ndi ondae ka mepateako ira api tekuda-Ku. Peleludo Ku'aluako ira a uludo. Kanandiomo pau-Do Ue Ala.”

Yehesikieli 23:49

Mia ta mombaloakono mokoburumiu ndi omiu ka omiu asalakono tumembio luwuno halamiu hangano omiu mesombai ira lahumoa. Ka komiu tumo'orio nine Ongkuemo Ue Ala.”

Yehesikieli 24:14

Ongkue, Ue, anu pauo. Mongkona atuu ta gagi, ka Ongkue anu weweuo. Nahi Ku'ontoo ka nahina pompehohawa, nahina mbo'u pe'o'ole. Aku bitarako montonda pelelu ka wineweumu, kanandiomo pau-Do Ue Ala.”

Yehesikieli 43:3

Pongkita anu kinitaku atuu kana pongkita anu kinitaku tempono Do'aiwa Ira rumopuo kota atuu ka kana pongkita anu kinitaku a wiwi Ngkoro Kebari. Ka ku'amba menggolontu mesomba.

Yehesikieli 5:11

Onaemo pu'uno, a nee-Ku anu tuwu, kanandiomo pau-Do Ue Ala, menteeano, hangano po'ianga mempori-Ku omue kumokoburutiakono luwuno pinesombai ka wineweuno kaemu anu mokoburu, Ongkue isa'a sumesewoko; nahi Aku mompehohawa ka mokoko'unduakomu.

Yehesikieli 7:3

Kanandio-andio umariamu hawe ka Aku umuwuo tekuda-Ku ndi omue. Aku bitarako menunu saru pelelumu ka mombalo ndi omue luwuno wineweumu anu mokoburu.

Yehesikieli 7:4

Nahi Aku mehohawako ka nahi ta hina pompehohawa. Sine, Aku mombalo ndi omue menunu saru pelelumu ka luwuno wineweumu anu mokoburu ta umaluko. Ka komiu mento'orio nine Ongkuemo Ue.

Yehesikieli 8:18

Onaemo pu'uno Aku moweweu a laro ntekuda; Nahi Aku mompehohawa ka nahi Kumokoko'unduakono. Maupo dompeboo-booli ndi Ongkue suarado meroku, nahi Aku merorongeako ira.”

Yehesikieli 9:11

Kitao, mia anu mesangka lena saru parewa poburi a ntongano pauo ndi Ongkue, ipotae, ”Kuweweuomo kana anu Ipeparentaako ndi ongkue.”

Yehesikieli 9:5

A anu susua kuronge Ira mepau, ”Tondaomo inso i bungkuno telalo a ngkota atuu ka weweuomo pompepatea siimo pompehohawa ka nahina mokoko'undua.

Hosea 9:7

Haweomo luwuno oleo pohukua, haweomo luwuno oleo pombaloa, asalakono ka ito'oriomo Isaraeli, ”Nabi onaemo mia benge-benge, mia anu bukeako penaa onaemo mia mekombe!” Tendeano hangano langkaino salamu ka lansarano pe'iwalimu.

Yoeli 3:4

Ka mbo'u, hapa penggoeamu saru Ongkue, hei Tirusi, Sidoni ka luwuno wita Pelisiti? Nde komiu mingki mensulooke wineweu-Ku? Tewala hinao wineweumiu ndi Ongkue, manasa magasi ka Aku koa ronga mosuleo wineweumiu atuu ndi omiu.

Sakaria 11:6

Ongkue mbo'u nahi Aku mehohawao palilino wita andio, kanandiomo pau-Do i Ue. Menteeano, Aku meweengakono singge mia a ngkaeno pe'asa miano ka a ngkaeno mokoleno. Ira merawo-rawoo wita andio ka nahi Aku motolao inso a ngkaedo.”

Winali 32:41

tewala Ku'ahao ponai-Ku anu tesosangkilo, ka kae-Ku mo'ini pohukua, Aku koa mombalo tinoo a iwali-Ku ka humuku ira anu umo'aliaa-Kune.

IBARANI 10:30

Hangano tomento'ori Ira anu mepau, ”Pombaloa onaemo tia-Ku. Ongkuemo anu tumuntuo pombaloa.” Ka mbo'u, ”Ondae i Ue Ira bitarao bawaa-Do.”