Yehesikieli 8:6 - Wunta Mempori

⁶ Pau-Do ndi ongkue, ”Hei anano mia, nde ukitaoke hapa anu wineweudo, luwuno wineweu tedoa mokoburu anu wineweudo suku Isaraeli i ndi'ai, ranta Ongkue asalakono me'olaiako inso a mpo'ianga mempori-Ku? Tendeano kokumitao luwuno wineweu mokoburu anu lalu langkai mbo'u.”

Yehesikieli 8:6 ပူးပေါင်းရင်းမြစ်များ

2 Tawarika 29:5

Ipotaeako ira, ”Rongeomo, oo to Lewi! Kanandio-andio impokomemporiomo koroimiu ka Raha-Do i Ue, Ue Alano uempu'umiu! Tadiomo luwuno anu mokoburu inso a mpo'ianga mempori.

Po'unde-unde 78:60

Dotadio po'ianga-Do i Silo kema anu pino'iangari-Do i olono mia;

Powadi 5:14

Ilawupo kutedonta a laro sompo masolaa i tonga-tongado bawaa ka tepumpua.”

Yeremia 11:18

Ondae i Ue pauo mongkona atuu ndi ongkue, onaemo ka kuto'orio. I tempo atuu, Ondae i Ue, mopokitaakune hapa anu wineweudo.

Yeremia 23:11

”Mentee ntu'u, moiko nabi maupo sando mpesomba mpoweweu gau mosa'o; maupo a raha-Ku Kuhaweo wineweudo anu mosa'o, kanandiomo pau-Do i Ue.

Yeremia 26:6

onaemo pu'uno Aku weweuo raha andio kana Silo, ka mokogagio kota andio totonaado luwuno tongku i tolino.”

Yeremia 3:6

Ondae i Ue mepau ndi ongkue i tempono mokole Yosia, ”Umariomoke ukitao hapa anu wineweuno i Isaraeli anu mehapuakono pompe'ala-alano atuu? Kombake onae mewuatako a sompo pongku anu kontasi-tasi ka lumako a ntoto sompo keu anu marombo ka mebelesu i ra'ai?

Yeremia 32:34

Domenaa ira pinesombaido anu mokoburu a raha anu nineeako montonda nee-Ku, mengkokoburutio.

Yeremia 7:17

Nahi ukitaoke hapa anu wineweudo a luwuno kotano Yehuda ka luwuno sala i Yerusale?

Yeremia 7:30

Mentee ntu'u, to Yehuda mpoweweu iramo hapa anu mosa'o a pongkita-Ku, kanandiomo pau-Do i Ue. Domenaaomo luwuno lahumoado anu mokoburu a raha anu nineeako montonda nee-Ku, ira mengkokoburutio.

Yehesikieli 10:18

Ka i'amba maramba-Do i Ue lumako inso a montoweano pewowa Raha Mempori ka menaa-naa i wawodo kerubi.

Yehesikieli 10:19

Kerubi atuudo mentandeo panido, ka tempono domelako, kukita ira mpewuatako inso a wita ka luwuno bola atuu merongaako ira. Ka do'amba mpenaa-naa umpeda pewowa langkaino raha-Do i Ue anu i sabaano oleo, ka maramba-Do Ue Alado to Isaraeli kongko i wawodo.

Yehesikieli 11:22

Luwuno kerubi atuu mentandeo panido, ka luwuno bolano melelu meronga ondae, kontongaano maramba-Do Ue Alado to Isaraeli kongko i wawodo.

Yehesikieli 11:23

Ka i'amba maramba-Do Ue Ala mewuatako inso i tonga-tongano kota ka menaa-naa a wawo ntorukuno i sabaano oleo kota.

Yehesikieli 14:6

Onaemo pu'uno, pauako iramo suku Isaraeli: Kanandiomo pau-Do Ue Ala: Intepidimo, impepokulemo inso a lahumoamiu ka woliliomo rupamiu inso a luwuno wineweu anu mokoburu.

Yehesikieli 18:12

mompokonsii mia marasai ka mongkokolaro, morontu, nahi pokuleo ginadeno mia, mo'aroo matano a luwuno lahumoa ka moweweu anu mokoburu,

Yehesikieli 43:8

ke saru menaao montoweano pewowado umpeda montoweano pewowa-Ku ke montade ira karuno pewowado umpeda karuno pewowa-Ku ranta butu rere anu umoloti Aku inso ndi ondae. Saru luwuno wineweudo anu mokoburu, ondae mengkokoburutio nee-Ku anu mempori, onaemo ka Kupingko ira a laro ntekuda-Ku.

Yehesikieli 47:6

Ka i'amba mepau ndi ongkue, ”Ukitaomoke, hei anano mia?” Ka i'amba wawa aku mekule a wiwi ngkorono.

Yehesikieli 5:11

Onaemo pu'uno, a nee-Ku anu tuwu, kanandiomo pau-Do Ue Ala, menteeano, hangano po'ianga mempori-Ku omue kumokoburutiakono luwuno pinesombai ka wineweuno kaemu anu mokoburu, Ongkue isa'a sumesewoko; nahi Aku mompehohawa ka mokoko'unduakomu.

Yehesikieli 8:13

Mepau Ira mbo'u, ”Omue tendeano kokumitao luwuno wineweu mokoburu anu wineweudo lalu langkai mbo'u.”

Yehesikieli 8:14

Ka Do'amba wawa aku a mpewowa langkai Raha-Do i Ue anu te'alaako i utara. Mentee ntu'u, i ra'ai mpentoro ira beine anu mpengeseio Pinesombai Tamusu.

Yehesikieli 8:7

Ka Do'amba wawa aku a mpewowano kintala, ka kukitao, mentee ntu'u, hinao asa bolo a rere watu.

Yehesikieli 8:9

Pau-Do ndi ongkue, ”Pewinsomo ka kitaomo luwuno wineweu mokoburu ka mosa'o, anu wineweudo i ndi'ai.”

Hosea 5:6

Saru asa bawaa bembe bimba ka sapi pesomba, domelako umungke Ira i Ue, sine nahi dohawe Ira; Dobinta iramo.