Yehesikieli 8:16 - Wunta Mempori

¹⁶ Ka Do'amba wawa aku a kintala i larono Raha-Do i Ue. Mentee ntu'u, umpeda a nsala mewinso a Raha-Do i Ue, i olono holoi ka meda pontunua pesomba, hinao bara'ura rua pulu ka olima mia tama, anu mpebungkuio Raha-Do i Ue ka mpe'aro i sabaano oleo saru mpenggolontu mpesombaio mata'oleo i sabaano oleo.

Yehesikieli 8:16 ပူးပေါင်းရင်းမြစ်များ

1 Mokole 8:29

Po'ineeomo ka Ipensiroio mpiha raha andio meene ka wongi, a mpo'ianga anu pinau-Miu, ’nee-Ku ta mo'ia i ra'ai,’ ka irongeo pekakai anu winuatakono tetenaa-Miu a mpo'ianga andio.

2 Mokole 16:14

Meda mala pontunua pesomba i aro-Do i Ue ilimbao inso i arono raha-Do i Ue, inso i olono meda pontunua pesomba wo'ohu atuu saru raha-Do i Ue, ka i'amba numaao te'alaako i utarano meda pontunua pesomba wo'ohu atuu.

2 Mokole 21:5

Iwangu ira mbo'u meda pontunua pesomba tiado ihino langi a orua kintalano raha-Do i Ue.

2 Mokole 23:11

Ipetadiako ira ngara anu ninaado luwuno mokole i Yehuda tiano dewa mata oleo a mpewowa mewinso a raha-Do i Ue, umpeda bolongkono i Natani-Meleki, pegawai langkanae anu mo'ia a raha langkai i horino. Kareta dewa mata oleo mbo'u itunuakono api.

2 Mokole 23:5

Ipokompenaa-naa ira sando mpesomba lahumoa anu dompotoro iramo luwuno mokole i Yehuda ka dompotunu pesomba a luwuno pongku wita pesombaa a luwuno kota i Yehuda ka a mpetengi-tengino Yerusale, luwuno mbo'u mia anu mpotunu pesomba ndi Ba'ala, a dewa mata oleo, a dewa wula, a luwuno pehowuno anano wula ka luwuno sorodadu langi.

2 Tawarika 29:6

Hangano ondae uempu'uto nahi dompetenunu. Mpoweweu ira anu mosa'o a pongkita-Do i Ue, Ue Alato, ka binta Ira. Domewolilio rupado inso a mpo'ianga-Do i Ue ka mpebungkui Ira.

2 Tawarika 7:7

Ka i'amba i Salomo mokomemporio tongano kintala i arono raha-Do i Ue, hangano i tu'aimo ipompesombaako pesomba tinunu ka tabano pesomba tekaduduia, hangano meda pontunua pesomba mala anu wineweuno i Salomo nahi te'ula pesomba tinunu, pesomba kaanga ka luwuno tabano pesomba.

Yeremia 2:27

Dompotae a asa mpole keu: Omuemo amaku! ka a watu: Omuemo anu me'anaakune! Mentee ntu'u, dompebungkui Aku ka nahi dompewolili ndi Ongkue. Sine, mansano umalu ira masolaa mpotae ira: Oo, Ikadudui kamimo!

Yeremia 32:33

Dompebungkui Aku ka nahi domewolilio rupado ndi Ongkue. Maupo Kupaguru ira mpiha, nahi dobehe merongeo ke mperioo petunduhi.

Yeremia 44:17

Sine, kami meweweuo mpiha luwuno anu pinaumami: mpontunu pesomba a mpinesombai beine i suruga ka mpompesombaako pesomba tinawa ndi onae kana anu kimeweweuomo, omami ka uempu'umami, luwuno mokolemami ka luwuno mia pinemota'umami a luwuno kotano Yehuda ka a luwuno sala i Yerusale. I tempo atuu hadio kaangamami, meme'ura ka nahi kipompemarasai.

Yeremia 7:18

Nana'ote mpobini keu ponahu, luwuno ama mpopokomelanga api ka luwuno beine mposalo tarigu weweuado kukisi pesomba tiano mokole beine suruga, ka mia mpopesombaako pesomba tinawa a mpinesombai susua saru tinoodo mpokomahakia-Kune aroa-Ku.

Yeremia 8:2

Luwuno wuku atuu siniarawo i totono mata oleo, wula, ka luwuno anano wula anu hori ira mengkekewoio, mpekakaakono, mentondao, mpesikeno ka mpesomba. Luwuno atuu nahi ta pinumpu ka kinaburu, tendeano ta gagi pompokomewalo a wawo wita.

Yehesikieli 10:3

Kerubi atuudo mentade te'alaako i selatano Raha Mempori tempono mia atuu mewinsokio, ka kintala i larono bukeako seru.

Yehesikieli 11:1

Ka i'amba Penaa-Do i Ue tumande aku ka wawa aku a mpewowa langkai i sabaano oleo Raha-Do i Ue, pewowa anu me'aro i sabaano oleo. Kitao, a mpewowa langkai atuu hinao rua pulu ka olima mia ka i olodo kukitao i Ya'asana anano i Asuri ka i Pelatia anano i Benaia, luwuno petewawa tongku.

Yehesikieli 23:35

Onaemo pu'uno, kanandiomo pau-Do Ue Ala: Hangano omue kumolupe Aku ka mebungkui Aku, kanandio-andio tembiomo asa-asamu mokoburumu ka pebelesumu.”

Yehesikieli 23:39

Tempono domensumbele ira anado tiado lahumoado, ondae me'aiwa a oleo atuu a mpo'ianga mempori-Ku ka melimpaio memporino. Mentee ntu'u, onaemo andio anu wineweudo a laro raha-Ku.

Yehesikieli 40:28

Ka i'amba wawa aku a kintala i larono telalo a mpewowa langkai selata. Isongkao pewowa langkai atuu; songkano mengkena saru anu susua.

Yehesikieli 40:6

Ka i'amba hawe a mpewowa langkai anu me'aro i sabaano oleo ka mewuatako a luwuno ensano, isongkao montoweano pewowa langkai atuu: maluano asa tuko.

Yehesikieli 43:5

Penaa tumande aku ka wawa aku a kintala i larono, mentee ntu'u, Raha Mempori atuu bukeako maramba-Do i Ue.

Yehesikieli 43:8

ke saru menaao montoweano pewowado umpeda montoweano pewowa-Ku ke montade ira karuno pewowado umpeda karuno pewowa-Ku ranta butu rere anu umoloti Aku inso ndi ondae. Saru luwuno wineweudo anu mokoburu, ondae mengkokoburutio nee-Ku anu mempori, onaemo ka Kupingko ira a laro ntekuda-Ku.

Yehesikieli 45:19

Sando mpesomba asalakono mo'ala tedei inso a reano pesomba po'onini hala ka monaakono a luwuno karuno Raha Mempori ka a opaa siuno asino meda pontunua pesomba ka a luwuno karuno pewowa langkaino kintala i larono.

Yehesikieli 46:1

Kanandiomo pau-Do Ue Ala: Pewowa langkaino kintala i larono anu me'aro i sabaano oleo asalakono tetondo i larono onoo oleo mpo'anggaa, sine inungkahi a oleo Saba, ka inungkahi mbo'u a oleo wula wo'ohu.

Yehesikieli 7:23

Patindao pompongu, hangano wita atuu bukeako pasua rea ka kota atuu buke pobobarasaia.

Yehesikieli 8:15

Pau-Do ndi ongkue, ”Hei anano mia, Nde ukitaoke atuu? Omue tendeano kokumitao luwuno wineweu mokoburu anu lalu langkai mbo'u sekonopo atuu.”

Yoeli 2:17

Moikoomo luwuno sando mpesomba, puu pompekakaako-Do i Ue, mengese i olono arono bansala ka meda mpontunua pesomba, ka impotae, ”Oo Ue Ipehohawa iramo bawaa-Miu, ka siimo Ipo'inee ira mia-Miu gagi tataa, ranta luwuno tongku pasinggiri ira. Tembio ka ipinau i olodo luwuno tongku: Isua Ira Ue Alado?”

Winali 17:3

Mia atuu lumako mesomba a luwuno anu pinesombai susua ka menggolontu mesomba ndi onae, ke a mata oleo ke a wula ke a luwuno sorodadu i langi, mongkona anu Ku'ontoomo atuu.

Winali 4:19

Tewala mengkitako mbo'u i langi, kumitao mata'oleo, wula ka anano wula, luwuno sorodadu i langi, si ntepopandei kai mpenggolontu mpelangkaio ka impesomba a luwuno atuu. Tendeano Ondae i Ue, Ue Alamiu meweengakono luwuno tongku i wawontolino gagi tiado.